ادخل في الموضوع علي طول -> تركيا :) باذن الله حا اسافر رحلة اسرية ومعايا...

  • بادئ الموضوع بادئ الموضوع Bebo Ahmed
  • تاريخ البدء تاريخ البدء
عرض العطلة
B

Bebo Ahmed

:: مسافر ::
#1
ادخل في الموضوع علي طول -> تركيا :)
باذن الله حا اسافر رحلة اسرية ومعايا مراتي وبنتي لمدة 6 ايام / 5 ليال لاسطنبول :) اخر شهر ابريل 2017 وعندي مقابلة في السفارة يوم 19/4/2017 ( الميعاد اللي عرفت احجز عليه )
حا أسافر اسطنبول باذن الله وحا انزل في مطار صبيحه ، فيه شركة بتقولي ان التوصيل من/الي المطار للفندق فى تكسيم حا تاخود 35 $ للفرد الواحد اجمالي 70 دولار رايح جاي لفردين ؟؟ هل ده مبلغ كثير ؟؟؟ سؤال رقم 1
سؤال رقم 2: قعدت في تقسيم في شارع متفرع ، عايز اعرف مناطق التسوق والشوربينج الرخيصة هناك فين ؟؟؟
سؤال رقم 3 : بالنسبة لزيارة الاماكن الاثرية في منطقة فاتح وايا صوفيا ... الخ هل محتاجه يوم كامل واروحها الزاي ؟؟
سؤال رقم 4 : بالنسبة للجو في الفترة ديه ؟؟؟
سؤال رقم 5 : منطقة السلطان ايوب ناس كثير قالولي اروحها هناك اسعار رخيصة جداً ، ما هي الاماكن الاخري وهل قريبة من ميدان تكسيم ؟؟
سؤال رقم 6 : رحلة بورصا اطلعها تبع شركة سياحة ولا مع نفسي ؟؟ انا مش عايز اتبهدل انا ومراتي وبنتي ارجوكوا ؟؟ ولو حد يعرف اسم شركة يبعت لى ع الخاص ؟؟؟
سؤال رقم 7 : ايه موضوع البسفور ده هل قريب من تكسيم وهل فيه مكان لعشاء رومانسي يكون رخيص في البسفور وهل هناك مقاهي امام البحر ؟؟؟
سؤال رقم 8: بالنسبة للفسح الليلية ، هل اسطنبول زي اوروبا كده المحلات بتقفل الساعة 8 ؟؟؟ انا مش عايز ملاهي ليلية ولا ديسكوهات ، خلاص اتجوزت :) والحكومة معايا ربنا يكرمكم :) هل الواحد يتمشي بالليل في ميدان تكسيم والاستقلال والدنيا هناك أمان ؟؟؟
سؤال رقم 9 : لو انت سبق لك السفر لتركيا واكتشفت امكن في اسطنبول - نظراً لضيق الوقت - لم تذهبها ، ممكن تقولي ايه هيه الاماكن ديه وح اخلي امي تدعيلك ؟؟؟
سؤال رقم 10 :ناس كثير لم يرشحوا لي الذهاب لجزيرة الاميرات - مضيعة للوقت -
اسف للإطالة
 
#2
استخدم المترو ارخص بكتير ورحله البسفور حلوه قوي و 12 ليره تركب من تقسيم المترو ل كبتاش ومن كبتاش لأمينينو وفي مطاعم حلوه علي البسفور و فيه مطعم في تقسيم اسمه المدينه المنوره حلو قوي وفيه سوق اسمه محمود في نفس المحطه دي حلو قوي واسعاره كويسه وطبعا فصلوا وفيه مول جواهر وده تركب المترو من تقسيم ل كبتاش ومنها لمحطه سيشلي هو مش رخيص قوي وفيه محل اسمه ديفاكتوا اسعاره حلوه ده في تقسيم
 
#5
-مستحيل تلحق تخلص الاجراءات من ١٩-٤ لحد ٣٠-٤ لان الاجراءات بتاخد ١٣ يوم يعنى تسافر اول ٥
-خمس ليالى قليل جدا على اسطنبول خد ٨ ايام معقولين على نايل اير ارخص طيران
-فى باص من صبيحه لحد تكسيم ب ١٥ ليره بس، اسمه هاڤا باص
-لو عاوز معاد بعد يومين تلاته فى السفاره التركيه اقدر اساعدك فى ناس بتبيع المواعيد القريبه
 
عرض العطلة
#8
١- حضرتك اول ما تنزل مطار صبيحة ان شاء الله هتلاقى اتوبيسات لونها ابيض بتروح تقسيم الفرد ب١٥ ليرة . واول ما توصل تقسيم تاخد تاكسى للفندق حوالى ٢٠ ليرة ....٢ - افضل اماكن للتسوق هو شارع الاستقلال وافضل محلات ملابس ديفاكتو وكوتون وكولازيون وال سى وكلهم اسعارهم متقاربة وموجودين فى شارع الاستقلال وغيرهم كتير .. والافضل يكون الشوبنج قبل السفر بيومين ... ٣- حضرتك اول ما توصل الفندق تشترى كارت مواصلات وتشحنة الكارت ب٧ ليرة والشحن وليكن ب٥٠ ليرة . ٤- .. ايا صوفيا والسلطان احمد افضل حاحة تركب اتوبيس من اى محطة حضرتك هتلاقى محطة تحت ميدان تقسيم او حسب مكان الفندق وعموما حضرتك هتنزل اكسراى وتتمشى شوية فى اتجاة ايا صوفيا حوالى ١٠ دقايق .. ولو الفندق قريب من الميدان يبقى ممكن تروماى من محطة كابتاش لحد محطة السلطان احمد التروماى .... ٥- بالنسبة للجو ساقع جدا وخصوصا بالليل ٦- رحلة بورصة الافضل تبع شركة سياحة فى منطقة امنيات فاتح اسعارها كويسة جدا جدا لان كل ااشركات اللى فى تقسيم اسعارها عالية فالشركة دى لفضل شركة اتعاملت معاها وهما سوريين عموما وهبعت لحضرتك اسم الشركة ٧- الافضل من البسفور ان حضرتك تطلع جزيرة الاميرات من محطة كاباتاش القريبة من ميدان تقسيم هتلاقى السفن اللى بتروح جزيرة الاميرات ب٧.٥ ليرة الفرد ... وهتنزل الجزيرة التالتة اخر جزيرة وفيها مطاعم روعة وتاجير عجل ورحلة بتكون روعة وافضل وقت للرحلة من ١٠ الصبح ل ٦ بالليل واخر سفينة بترجع الساعة ٩ واليوم كامل تقدر تقضية فى الجزيرة وترجع تعمل شوبنج ٨- اسطنبول كلها الساعة ٩ بتبقى ظلام وشبة فاضية ما عدا شارع الاستقلال عشان كدة يبقى الشوبنج بالليل من ٨ ل١٢ وبعد ١٢ هتلاقى كافيهات ومطاعم شغالة عادى ٩- افضل الاماكن للزيارة بالنسبالى هى غابات بلغراد ومشتل اتاتورك خصوصا فى الوقت دة .والاتنين جمب بعض ..وتروحلهم الساعة ٩ الصبح افضل وقت لها من محطة مترو تقسيم وتنزل اخر محطة اسمها حاجى عثمان وتخرج من المحطة هتلاقى موقف اتوبيس والاتوبيس رقم e 42 واسال السواق وقولة بلغراد ... وتنزل اخر محطة وتنمشى ٢٠٠ متر والغابة مجانية وممكن تقضى فيها ٥ ساعات لحد ما توصل للبحيرة ويبقى معاك سندوتشات ومياه و على الساعة ٢ تجرج تنمشى ٥٠٠ متر على مشتل اتاتورك قريب جدا من بوابة الجابة والتكت ب٥ ليرة كل الايام ما عدا السبت والحد ب١٠ والغابات روعة هى كمان وبعدين على الساعة ٥ تركب اتوبيس وترجع على المترو وتنزل تقسيم تانى ... وفى منطقة بيبيك عند القنصلية المصرية جميلة جدا وفيها اميرجان ...بارك ودى حديقة روعة هى كمان ... وفى مول فورم اسطنبول ومرمرة مول وبتروحهم بالمترو وسهل توصلهم بس اهم حاجة زيارة غابات بلغراد ومشتل اتاتورك ... وبالتوفيق ان شاء الله واى استفسار انا تحت امرك
 
عرض العطلة
#11
استغل الموقف واطلب منكم المشوره انا ان شاء الله هوصل مطار اتاتورك يوم 18 مارس وحجز الفندق على البسفور المفروض 400 متر من تقسيم اروح الفندق ازاى وعاوز تفاصيل رحله فى البسفور وجزيرة الاميرات وبورصه وياريت لو حد عنده اقتراحات
 
#12
تقسيم أمان بالليل وبيسهر وشارع الاستقلال كمان غير اوروبا خالص
اسعار التنقلات دي غالية
جزيرة الاميرات على حسب الجو لان اللي بروحها في الشتا بيكرهها وكمان حسب نوعية الاشخاص لكن اعتقد اسرة فيها اطفال حتكون فسحة حلوة وتغيير عن جو اسطنبول
 
#13
ڤيا لاند دي حاجة زي ديزني كدا ليها شاتل بيروح مجانا من تقسيم وحتى لو مش دخلت الملاهي التجول هناك لوحده تحفة جو حلو ومحلات
 
عرض العطلة
عرض العطلة
عرض العطلة
أعلى أسفل
عودة
قائمة