الواقع انها تنقل صوره شبه صحيحه عن المجتمع مجتمعنا ماتربوا الجنسين على انهم يحترموا بعض او يوثقوا ببعض الا القله واعتقد بالجيل الجديد مع انهم قاعدين يتواصلوا بتويتر ومنفتحين على بعض اكثر فالوضع صاير احسن ,, اما الاغلبيه عنده ان الناس المحترمه من الجنس الاخر هي الي ماراح تكلمه فيحاولوا يطبقوا هالقاعده ويثبتوا انهم محترمين ,,, لان الواقع بالبلد لو هيسلم واحد على البنت هتعتبره يتحرش فيها والعكس صحيح لو ابتسمت له بالغلط حط بعرضها وانها تحاول تتقرب منه واخذ مقلب بحاله,,, فانا مش مع النفاق وان احنا نبين ان احنا جينا من المدينه الفاضله ومش مع التعميم بالتعامل تعرفت على كثير شباب سعوديين بفتره غربتي,,, الغالب المشاكل معهم بفتره اللغه الي توهم جايين وفاهمين الاختلاط غلط وقله ادب لدرجه مادري شلي تاركني صابره اربع سنين للحين مارفعت شكوه على سعودي ,, بس حتى هم فيهم في ناس منفتحه ومحترمه وينحطوا على الراس واهل شيمه ويعاملونا كاهل وفعلا عزوه بالغربه ,,, والبنات بعد مايقصروا فيهم ماقول ان البنات ملايكه الي مايمدي واحد سعودي يسالها سؤال بكلاس الا عقليه السعوديه رجعت انو قصده يتميلح !! وحتى مع بعض البنات بينهم وبين بعض الحش مايبطلوا عنه مايفيد فيهم لا علم ولا غيره .... فليش اعكس صوره خاطئه عن بلدي مش صحيح ماتربينا نحب بعض وتربينا على القيل والقال والكل شين واحنا ( بمعنى انا واهلي والناس الي تتفق معي بتفكير ) بس الزينين ,,, فعادي صوره صحيحه انقلوها هذا عيب بمجتمعنا وكمبتثعين نحاول نصلحه والغرض من برنامج الابتعاث مو بس دراسه كثر ما ان يتغير الفكر بالمجتمع ونرجع نحسن من عيوب مجتمعنا ,,, البعض يقول انت تعكس صوره بلدك ولازم تعكس صوره حلوه اي انا اعكسها بس مازينها واعمل لها فوتوشوب ,,, وتعرفت على اجانب كثير بذكر من روسيا والصين والمكسيك وكلهم لما تتكلم معهم هيتكلموا لك عن مشاكل بلدهم ومشاكل مجتمعهم عادي احنا بزمن اعلام مافي شي يتخبا اصلا فليش اكذب
