ياجماعة بتجيني اتصالات دولية على رقمي الامريكي برقم غير معروف، في احد صار...

[Lola Al-hashmi]

ياجماعة بتجيني اتصالات دولية على رقمي الامريكي برقم غير معروف، في احد صار معاه ، هل رديتوا؟

 

[Arwa AL-rehaili]

دايما هذا شي طبيعي كل يومين رقم غير معروف ارد ويطلع واحد يبربر واقلو شكرا لاتصالك واقفل ههههههه

 

[Ibrahim Harbi]

اذا كان الارقام اللي تجيك هي ارقام دولية، لاترد. روح قوقل واكتب مفتاح خط الدولة حتى تعرف من وين جاك الاتصال. انا كانت تجيني اتصالات من تنزانيا

 

[Anwar Alshaiban]

ايه انا فيه واحد مزعجني يبي يلعب علي ماخذ معلوماتي من وين مدري يقول انت مشترك في مجله وابي اخفض لك السعر اقوله ماني مشترك يقول الا مشترك. شكلها ماشيه معه حلاوه علة مايقولون.

 

[Salwa Almaimani]

روحي شركة الاتصالات حقتك. وقولي لهم يسوي بلوك ع الأرقام المجهولة ووريهم الأرقام. يعرفون مصدرها . لانها جهة تضحك ع ناس.

 

[Muhannad Alduraywish]

انا مثلك الله يلعنهم ابلشوني بغير رقمي من وراهم

 

[Abdulhadi Algarni]

حبيبي ..رقم ما تعرفه اصفق امه مشغول ... ولا شوف الكود حقه بقوقل من اي ولايه يجيك الكول ..شكرا

 

[Joory Al Joory]

انا جاني اتصال ومسج وأخوي نفس الشي اذا ما رديتوا راح تنلغي شرايحكم.. كلمت الشركه وأعطيتهم الرقم طلع رقم بيت وقالوا لي لا تردين ع ارقام غريبه وإذا ازعجوك سوي لهم بلوك من الجوال نفسه

 

[Amal Samkari]

عادي طنشي وتستمر الحياه انا وحده زوجها ناصب عليها اظنه ومستلمتني اتصالات الا اعطيها زوجها المدعو او اقول لها اي معلومه عنه

 

[Lola Al-hashmi]

لا انا بيجيني اتصالات بدون رقم
بعض الأحيان اقلق أخاف يكون احد مهم لي
بس انا ماعمري رديت بس حبيت أتأكد لوبيصير دا الإزعاج لأحد

 

[Naif Yaslam]

اسحب على الاتصالات

 

[Rayyan Alsamadani]

اذا معاك آيفون تقدر تسوي حظر على الرقم
وترتاح من إزعاجهم

 

[Ibrahim Harbi]

هذي الشركات والمجلات والمؤسسات اللي تتصل على الناس هي غالبا تشتري قائمة الارقام من شخص يعمل بشركة اتصالات او موقع الكتروني تجاري على الانترنت. الموضوع فيه بزنس لذلك تتخلى بعض شركات الاتصال او المواقع عن بعض من سياستها للحصول فقط على المال. لذلك احيان من الافضل عدم وضع اي شيء شخصي او معلومات شخصية في المواقع الالكترونية.

 

[Saad Althawab]

انااا تجيني رسائل ع الواتس اب اشخااص عرب ومن دول عربيه... وبيقول طلع لي رقمك من النبر بوووك ... قسم بالله اشغلوووني كل يوم ابلك فيهم...

 

[Lola Al-hashmi]

كيف أعملهم حظر والرقم ماهو معروف اصلا

 

[Saad Althawab]

الله يعينك تجااهلي هالاتصالات من تشوفيه احمرررر ع طول وريحي راسك...واذا اتصل لك وطلع لك الرقم اخذي الرقم واتصلي ع خدمة العملاء اللي يتبع لها رقمك وقولي لهم ويحظروه لك...

 

[Waleed Almutairi]

انا تجيني رسايل ع الايميل ابي مساعدة ولك ٥٠٠ مليار عند الحكومة الامريكية وش سالفة امهم ذولا ازعجون

 

[Salman AL M]

نفس الحاله من الجوال بلوك خلاص

 

[Nasser Alzahrani]

أنا تجيني اتصالات دائم من عرب مصريين واحيانا أردنيين المهم يقولون عندنا عروض اتصالات دولية خاصة للشرق الاوسط وبشكل مستمر خاصة بعد ان اجري مكالمة دوليه ويغيرون أرقامهم بشكل دائم أسحبوا عليهم ولا احد يشترك معاهم

 

[Naif J Alzahrani]

هذي السبب من موظف الاتصالات يبيع الأرقام
أخذت شريحة حق اسبوعين سياحة وكل شوية اتصال ورسائل
اخر شي ماصرت أرد الا ع رقم صاحبي