السلام عليكم، ايش رايكم بناس تفتح سيرة القبايل والشغلات الي زي كذا وتتكلم في...

[Awab Naeem Mahrous]

السلام عليكم،
ايش رايكم بناس تفتح سيرة القبايل والشغلات الي زي كذا وتتكلم في اصول الناس بتجريح وقلة ادب؟؟ لو مانخاف الله في اهلهم كان ابسط حقوقي اسببلهم مشكلة بأني اشتكيهم هنا في امريكا على قضية عنصرية وعقابها يصل لعشرات السنين في السجن... بس ايش الحلول المقترحة رغم كثرتهم بشدة بين المبتعثين؟؟؟؟؟؟!!

 

[Abu Jaad]

ابتعد عنهم واذا استمر الامر حذرهم من القانون

 

[Iyad Ghazouli]

كتر الله خيرك مراعي ظروف اهلهم ،، لكن بقولك شي اللي ما يتأدب ولا يوقف عند حده ولا يفيد معاه مرة واتنين ، هنا في ناس توقفهم بالأدب وتكسر النعرة ( الـولا شي ) اللي فيهم ، واعتقد دا افضل حل حسب مافهمت مشكلتك

 

[Ibbey Moe]

سيفووووووون وفل اذا بتقعد تسمع حتتعب بالبلدي اشتري راسك

 

[Ahmed Shan]

هادا طال عمرك يدل على تفكيرهم الناقص وجهلهم في امور دينهم تلاقيهم ينصحو الطلاب صلو لا تلبسو سلاسل وما ادري ايش ولكن فيهم عنصرية مقيتة اللي ديننا يحذرنا منها لا والمشكلة يعني كونه من القبيلة الفلانية هل انت لك فضل يعني انك منها ولا الله عز وجل اللي خلقك وكان قدرك انك تكون منها فياليت الناس تبدا تتواضع لانه الله عز وجل ترا اللي خلق والله يقول (ان اكرمكم عند الله اتقاكم) يعني الكرامة عند الله بالتقوى مو بالاصل . اذا على الاصل ترا كلنا ابونا واحد سيدنا ادم لكن عالم ياشيخ اقسم بالله مريضة

 

[Adnan Hassan]

الله يعينكم لسه في ناس بهذه العقليات والتفكير
إلا يتذكرون قول رسولُ اللهِ "صـلى اللهُ عليهِ و سلـم " : ( لا فرق بين عربي و لا أعجمي و لا أبيض ولا أسود إلا بالتقوى )
صدقَ رسول الله صلى الله عليه و سلم ...

ما أجمـــل التآخي , أحبك أخي كما أنت ..

, لماذا نقول أبيض و أسـود ! لماذا نقول هـذا عربي و هذآ أجنبي !

ألسنا جميعاً خلق الله جميعا ً

وكما قال رسول الله أنه لافضل لأحد على أحد إلا بالتقوى .. إذا لماذا نتكبر و نستهزئ ؟؟!

قال تعالـى : [ ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ...] صدق الله العظيم ..

 

[Thamer Albudayr]

ابتعد عنهم هذي العينات مكثرها ف امريكا يفكر انه رح يدخل الجنة اذا هو قبلي و الي مو قبلي بيدخل النار ،،، والغريب انهم متعلمين!!!!! صدق الي قال العلم مو كل شي لن العلم ف الرأس مو ف الكراس

 

[Mazen Al-saiwed]

ما يمرضني في الحياة إلا العقليات الواطية هذي , اللي يجي يتفاخر ويهايط عليك إنه من القبيلة الفلانية كأنه هذا إنجاز سوّاه في حياته ! مو المشكلة بس إنه يفتخر بحب قبيلته ! المشكلة إنه ينتقص من الناس اللي ماهم من قبيلته أو من نفس جنسيته ! هذا مرض والله !

 

[Nawaf Sh]

خذ وخل

 

[Ibbey Moe]

وفي منهم من الأندية السعودية للأسف تلاقيه سايق ام الاحترام ولمن تقابلو برا كأنو وزير على غفلة من قوة الجعص. ويقعدو يتابعو الطلاب والطالبات ايش يسون وهاتك طعن ياليت يطعن ع حقيقة يملحو ام الهرجة ببهارات وكأنهم هما أهل الهرجة أحسن شي شفلك طوم ومايكل والعيال هذول ودز. الغربة نعمة تكسب ثقافات جديدة انت منت جي عشان تقعد مع سعوديين مع انو في عالم رجال بس خليك من بعيد لبعيد. هذا الواقع عشته يااخوي وماشي عليه

 

[Abdullah Bin Salmah]

الرسول كان يحذر من ذلك، دعوها فإنها منتنه

 

[Mohammed Al-anazi]

افا وش الفايدة من ابتعاثه هذا !!

 

[Mohamed Abdelmonim Giha]

طيب...
المشكلة انو في أمريكا..هههههههه

ونظرة الامريكان لكل العرب واحدة..
سعودي..مصري..بحريني..

فما في أي داعي للغباء اللي هم فيه..

لافرق لعريي على أعجمي إلا بالتقوى..
بس مين يفهم..
والأهم انه كونه من القبيلة الفلانية ليس من كسب يده.. يعني ربي اللي قدر انه يكون من هالقبيلة..

سبحان الله..

 

[Awab Naeem Mahrous]

الله المستعان... درست في معهد المدرسين الي فيه يحكوني ماياخذو نص الراتب الي تاخذه الاشكال ذيك... الله يكثر خير ابو متعب قاعد يصرف بذذذممة على ناس ماتستاهل

 

[Mohammed Rashad Al-Akhali]

هذا نتيجة نقص الدين هذا النوعية من الناس تحب الظهور والمديح و أيضاً نتيجة انه هذا الشخص شاف نفسة في بلد ديمقراطي ومافي فرق بينة وبين اي شخص آخر وانه ماحد معطية اي اعتبار فقاعد يتكلم لعل وعسى حد يعبرة .. الحل انكم ماتعيروله اي اهتمام ولا حتى تنظرو الية .. التكبر على المتكبر التواضع بعينة .. تحياتي

 

[Ali Al Subaie]

غالبا النوعيه هذا تحس بنقص وتحاول تملى الفراغ هذا بالسوالف هذي .. كلنا اخوه وماضي ابوك وجدك ماراح يفيدك اذاما تعبت على نفسك انت .. الحل تجاهلهم وتذكر ان الرسول عليه الصلاه السلام قال فيما معناه انه سمع قرع نعال بلال الحبشي ( رضي الله عنه )في الجنة وعمه ابو لهب نزلت فيه سوره تتوعده بالعذاب وهو صاحب الحسب والنسب .. دمت بود اخي

 

[على سنتك نعيش]

الرسول قال لمن يفعل مثل هذا قال (انك امروأ فيك جاهلية )

 

[Sara Nag]

هذول جايبين وياهم الجاهلية مع عقولهم الغبية
اطلع من مكانهم شوف مكان غيره

 

[Khalid Alharbi]

ذكرهم بقول الرسول صلى الله عليه وسلم دعوها فإنها منتنه) ، وابتعد عنهم كما ذكر الأخ Thamer Albudayr ؛ لأنهم سبب تأخر الأمة وتخلفها.

 

[Ahmed Shan]

ياخي بعدين حلاوة ديننا انه جمع الابيض والاسود والاشقر وجميع انواع الناس جمعهم تحت غطاء واحد وجعلهم اخوة يعني هاذا الشي من جواهر الاسلام ويجوك للاسف ناس من ارض الرسالة وفيهم العنصرية المقيتة ما ادري متى يتعلمو الناس هذول