السلام عليكم بخصوص اختبار GRE انا اختبرت الاختبار اللي بالكمبيوتر لكن ما...

  • بادئ الموضوع بادئ الموضوع Sarah Mohammad
  • تاريخ البدء تاريخ البدء
عرض العطلة
S

Sarah Mohammad

:: مسافر ::
#1
السلام عليكم

بخصوص اختبار GRE
انا اختبرت الاختبار اللي بالكمبيوتر لكن ما عندي انطباع عن كيف الدرجة لازم تكون لان الجامعات اللي بقدم عليها مو طالبين درجة محدده بس حابه اعرف كيف اعرف ان درجتي كويسه ولا لا ؟
 
#3
طيب اذا هي فشيلة والجامعه تبي اختبر وبس وش الحل انا جبت ١٣٧ و رحت اختبرت كذا بس يعني ماني عارفه للاختبار اصلا لكن اسم اني اختبرت GRE
هل الافضل ان اذاكر له واختبر مره ثانيه او مو مهمه السالفه
 
#5
١٣٧ ماشاء الله شاده حيلك مره ههههه ماعليك دام كذا زين من اول محاوله كذا لو اقولك تحظريني وانا مب مضاف عندك اصلن هههههه . المهم اذا مب محددين مشي الوضع بس تأكدين ولو تجيبين درجه فوق ١٦٠ يكون افضل عشان بس تطفين مخك من ناحيتهم
 
عرض العطلة
#6
لا ما شديت حيلي ولا ادري عن طبيعة الاختبار اصلا و درجتي تفشل وانا عارفة .
سؤالي كان عشان اعرف اذا اختبر مره ثانيه او لا .
انا سمعت ان درجة النجاح ١٣٠
a2Qoj1WoU81LulMCN5VsPNa6l5b3y5qA.jpeg
 
#7
مادري عن درجة النجاح فقط عشان ابي درجة فوق ١٦٠ ع الاقل )-; المهم تأكدي ربي يوفقك واذا حابه اتأكد لك ماعندي مشكله. الا ودي اسأل الحين الملحقيه ليه مايغيرون اسمها ملاحقة الطلاب خانقة المبتعث من عرفتهم ما ارسل الا ويردون برفض احيان احسهم يمزحون مقلب بس
 
#8
السلام عليكم
بخصوص الدرجة المطلوبة مثل ماقالوا الإخوان يفضل تكون في ١٥٠ وفوق وهذا أيضاً يعتمد على التخصص فمثلا بعض التخصصات يهمها الكمي اكثر من اللغوي والعكس وطبعا ماتنسين الجزء الكتابي على الاقل يكون ٤
 
عرض العطلة
#13
لو كل إجاباتك كلها خطا تأخذي ١٣٠ في كل قسم لان بمجرد دخول الاختبار تحصلي علي ١٣٠

بعض من الجامعات ماتحدد الدرجة المطلوبة
وبذلك يكون القبول تنافسي حسب المقاعد ومستوى الطلاب المقدمين معاك
 
#14
مافي شي اسمه الدرجه تفشل، دام انه اول اختبار جدآ عادي. انتي اهم شي عرفتي طبيعة الاختبار الحين كل الى عليك ركزي ع الاغلاط وادرسي له وان شاءالله تجيبين درجه كويسه. ترا الغلط مهو بيعيب بالعكس الغلط بداية التعلم. بالتوفيق ان شاءالله
 
عرض العطلة
#16
لاتدخلين الاختبار بدون ماتجربين الاسئلة لان لو حتى مستواك عالي وبدون جاهزيه طبيعي الدرجة بتكون غير مقبوله لذلك ذاكري خصوصا الماث لانه مقدور عليه وممكن تحصلين درجة تختصر عليك معاناة البحث عن قبول...
 
#17
أكثر الجامعات تبغاك بس تجربي الإختبار وماعندهم درجة معينة مثل ماقلتي.. انا عن تجربة أقولك درجتك كويسة وماتفشل.. بس حاولي تختبري مره او مرتين كمان عشان نظام الجي أر إيه الجديد يسمح لك تختاري أفضل نتيجة إختبار عشان ترسليها
 
#18
١٣٧ في القسم اللفظي تعني أنك جايب ٥٪ و١٣٧ في قسم الرياضيات تعني أنك جايب ٣٪
إذا الجامعة طالبة ٤٠٪ فيعني أنك لازم تجيب حوالي ١٤٩ في اللفظي و١٥٠ في الكمي، وهذي الدرجة تحتاج أن الواحد يشتغل على نفسه ما راج تجي بمجرد التجربة.
 
#19
الجامعه ماتبي نسبه محدده ( يعني اختبري وبس ) عشان كذا انا اختبرت وبس .
سؤالي كان حول الدرجة اللي المفروض اجيبها كم و ماقصرتوا بالاجابات بالتالي اختباري اللي اختبرته " افادني بمعرفة طبيعة الاختبار بغض النظر عن الدرجة اللي حصلت عليها " و ان شاء الله احاول اجيب افضل لانه ابدا مو سهل
 
عرض العطلة
عرض العطلة
عرض العطلة
أعلى أسفل
عودة
قائمة