سلام ..في جامعات تقبل معدل مقبول بالبكالوريوس..ابحث عن ماجستير تمريض ؟

  • بادئ الموضوع بادئ الموضوع Маnal AlJobran
  • تاريخ البدء تاريخ البدء
М

Маnal AlJobran

:: مسافر ::
سلام ..في جامعات تقبل معدل مقبول بالبكالوريوس..ابحث عن ماجستير تمريض ؟
 
بريطانيا شوفي موقع ukpass هاذا يبحث لك عن الدراسات العليا جميع التخصصات في بريطانيا كلها بشروطها ... جربت اشوف لك بس التمريض و الطب نضامهم غير في شي اسمه pre-registration ما مر علي يمكن انتي تعرفيه ... حطي في بالك لو عندك سنين خبرة بعض الجامعات تتجاوز على المعدل ... الله يوفقك
 
ان شاء الله بتساعدك كثير لما كنت اقدم كان في كم جامعة حاطين إنّو يبغوا معدل معين او خبرة ممكن تغني
 
Маnal AlJobran جامعات بريطانيا تهتم في الخبرة و ال personal statement اكثر من معدل الباكلوريوس. في بريطاني حتى لو ما عندك باكلوريوس لكن عندك خبرة جيدة في المجال ينظروا في طلبك و ممكن يقبلوك لكن وزارة التعليم العالي في السعودية ما تقبل تحولك على البعثه و لا تعطيك موافقة دارس على حسابه الخاص اذا ما عندك باكلوريوس و رايح للماستر. على كل حال انت عندك باكلوريوس يعني امور الوزارة ما فيها مشاكل انشاء الله. بالنسبة لقبول الجامعة في بريطانيا اكثر مرونة لكن تحتاجي لغة ممتازة عشان تمشي امورك في الماجستير لان في قرائة و كتابة كثير و في dissertation في نهاية البرنامج مو بس كورسات زي امريكا. بالتوفيق,
 
هلا محمد..اني ابغى اطلع عن طريق وزارة الصحة ..قالو لي لازم اول اجيب قبول بعدين اقدم طلب الابتعاث عن طريقهم..انت عطيتني امل ..وعندي اخ في نيوكاسل يدرس ابغى جامعات قريبة من نيوكاسل
 
انا ادرس ماستر في جامعة نيوكاسل.، في جامعتين في نيوكاسل حاولي في جامعة نورثامبريا
 
في للي حاملين بكالريوس اداره عامه لدراسه الماجستير؟ بنفس المعدل
 
Ebtehal Al-Ramadan قبول ال MBA في بريطانيا لا يعتمد على المعدل ابدا. لكن تحتاجي لخبرة عملية بين السنتين و الثلاث. حتى بدون بكلوريوس ممكن تلاقي قبول لكن وزارة التعليم ما توافق على طلب دارس على حسابه الخاص و لا الحاق بالبعثة اذا ما عند بكلوريوس. الحين انتي عندك باكلوريوس فأمورك طيبة. في شيء لازم تنبهي له مو كل ال MBA في بريطانيا accredited لازم تشوفي لك برنامج اكرديتد. قبول ال MBA فيه مقابلة في التليفون للأنترناشوناز تحتاجي CV و Personal Statement و بتلاقي قبول انا متأكد اذا كان عندك خبرة سنوية اكثر من سنتين. اذا في اسئلة عن تخصصات الإدارة و الجامعات في بريطانيا انا و لله الحمد صار عندي خبرة من كثر البحث قبل لا اجي بريطانيا للدراسة فتفضلوا بالأسئلة. تحياتي,
 
التحق بالبعثه اذا قدمت؟ زوجي عنده خبره اكثر من ٨ سنوات بس مو بالإداره بالضبط
 
Ebtehal Al-Ramadan اي ال MBA مو للي دارسين ادارة في الباكلوريوس, هذه البرامج لل senior professionals الي يبنتقلوا من الى مرحلة ادارية في مجال عملهم او للي يبغى يعمل Business مستقل. ثمان سنوات بيحصل بسهولة حتى في الجامعات المتميزة. هم يركزوا في الخبرة و اذا خبرته ادارية فهوا بالنسبة للجامعات افضل من المتقدمين بمعدلات عالية لكن ماعندهم خبرة.
 
الإلتحاق بالبعثة يكون بعد بداية الدراسة الجامعية ولكن قبل كل شيء لازم تجيبي قبول جامعي و تصدري فيزا و بعدها تقدمي على طلب دارس على حسابه الخاص و اجباري حضور ملتقى الطلاب الي تنظمه الوزارة و له جدول على موقهم على الانترنت بعدين اذا جتك موافقة دارس على حسابه الخاص تقدري تطلبي الحاق بالبعثة بعد بداية الدراسة لان من متطلبات الإلحاق سجل اكاديمي انك مسجلة مواد وفعليا بدأتي دراسة
 
قبول التمريض في أمريكا يحتاج الرخصه و مرات يطلبو اختبارات اخرى اذا كان معدل بعد المعادله اقل من ثلاثه مثل GRE انصحك بأمريكا ان كنتي ترغبي بشغل في المستشفيات لانو أغلب كورساتها تعتمد على كلينك أما بريطانيا تخصصات كثيرره جدا وكانت ممتعه لما كنت ابحث عن قبول ماستر كات اغلب كورسات تعتمد على البحوث , أستراليا قبول تمريض مرن وفي تخصصات عديده أنصحك بالبحث و النظر للكورسات و طريقه الدراسه ثم أختيار الدوله أما المعدل ممكن الجامعه تطلب منك أختبار أو اعادة بعض المواد المرتبطه بالماستر أن كانت درجتك فيها سي , وقبول التمريض في تخصص كلينك صعب بس مو مستحيل اتمنى لك التوفيق و أسفه على الأطاله .
 
عزيزتي منال تخصصك هادا سهل القبول فيه سواء بأمريكا او بريطانيا أو استراليا بس جربي وراسلي الجاامعات وان شاء الله الله يفتحها بوجهك وقصه المعدل مثل ما قلت لك
 
ياليل مطولك..اني الحين قاعدة اكرف للايلتس..ماتوقع اختبار القدرات انجح فيه
 
أعلى