مرحبا اخواني حييت استفسر منكم انا تسوين تحاليل طبية شاملة كإجراء روتيني...

[Reem Alruwaili]

مرحبا اخواني حييت استفسر منكم انا تسوين تحاليل طبية
شاملة كإجراء روتيني والحمد الله كل شي تمام وطبيعي
بس سويت تحاليل الكلى وطلعت سليمة الحمدالله
وسويت أشعة خاصة في الكلى طلع عندي بس كلى واحدة وقالوا
لي أني عندي بس كلية واحدة
طبعا هذا مستشفى خاص ومعروف اسمة
المهم رحت مستشفى ثاني خاص وقالو لي لا عندك كليتين طبيعتين وعطوني تقارير ورحت مستشفى ثالث وقالو لي عندك كليتين مو واحدة الحمدالله علئ كل حال انا سؤال اقدر ارفع قضية على المستشفى. الاول الي قالي ماعندي الا كلية واحدة
وعندي التقارير الطبية واطلب منهن تعويض
لان والله الله تعبت نفسيا من كلامهم وتقاريرهم بالله ارجوا الإجابة الي عندة خلفية في الموضوع ابي استشارة الله يوفقكم

 

[Muna Alali]

يابت الناس الحمدلله عندك كليتين وسليمه .. يعني قضيه واتعاب محامه وشغله ..

 

[Yousef M Alshahrani]

فيه مكاتب محاماه كثير ما يأخذون منك أتعاب اذا ماكسبوا القضية وانا اشوف انك تعرض قضيتك عليهم وتوكلهم في مقاضاة المستشفى وتعويضك . اذا لغتك كويسه اتصل عليهم واشرح لهم الي صار اذا شافوا فيه مصلحه ما بيفكونك

 

[صفا شبير]

انا معك ارفعي قضيه لانو هما عندهم كلشي الو حساب وطالبيهم بالاضرار النفسيه

 

[Hassan Al Mansour]

ايه تقدرين تحاكمينهم الموضوع مو بها السهوله ,,, ودام التقارير معاك ان شا الله ماراح تخسرين القضيه,,,,,, تلاعب بالنفسيات قضيه مو بسيطه بامريكا

 

[Anwar Alshaiban]

ارفعي قضيه، رب ضارة نافعه.. رزق وجاك من السمى بس قبل ماترفعين روحي لمحامي واستشيريه بالموضوع واذا قال ارفعي ارفعي والله يوفقك

 

[Mohammed Farhan Al-shehri]

اذا كسبتي القضيه وعوضوك اعطينا اسم المستشفى بس نروح نسوي اشعه خخخخ

 

[Faisal Abutheyab]

نعم ، ارفع قضية ومن ابسط حقوقك والموضوع مو ان لازم تكون كسبان في القضية ياخي ترفع انت قضية ويعاقب الدكتور الغير كفو علشان يكشف للي بعدك ويقوله عندك تليف في الكبد ونحتاج زراعه والرجال زي العسل ما فية شي ياخي ليش تسكت عن حقك ، وردا للاخت Meme اذا الواحد ما عندة وقت يتكلم بالحق ويساعد غيرة يكون عندة وقت لايش بالضبط ابي اعرف ؟

 

[Mazen Al-saiwed]

Meme Al إيش دخل موضوع إني جاي أدرس في إني ما أرفع قضية على أحد ضرّني !!! إنتي إذا أحد غلط عليكي وضرّك ولعب بأعصابك لا ترفعي قضية عشانك تدرسي , وخلي الناس اللي تعرف حقوقها تروح تطالب فيها ! سواءا عندهم دراسة أو غيره !

 

[Essa Alkhudhr]

يمكن كنتي ناسيه كليتك الثانيه بالبيت لما سويتي الكشف الأول ، فلاتظلمينهم يا اختي وتتعبين نفسك بالقضايا

 

[Abood K Alamoudi]

الحماس الزائد مش زين

صحيح ان المستشفى غلط،، بس مش بالسهوله انك تفوزين بالقضية بسبب هذا الخطأ..

المستشفى عندها محامين ووظيفتهم لشغلات زي كذا،، انا مااحبط،، لكن الموضوع مش سهل مثل ماتعقدين

والله يوفقك اذا لك نيه

 

[Abn Al-khalaf]

واذا كسبتي القضيه لازم تعطي كل واحد شارك بهالبوست ١٠٠$ اتعاب مشاركة

 

[Sarah Alkh]

إذا معك تقرير من الطبيب في المستشفى مكتوب فيه ان عندك كلية وحدة استشيري محامي وتوكلي على الله والله يوفقك
ولاخلصتي علمينا وش صار معك

 

[Nawaf Sh]

هههههه تعليقات مضحكة ياحبيلكم.. ريم خيتي الدكتور مطلوب منه بذل عناية مو تحقيق نتيجة.. نتيجة الفحص خطا منهم وشئ طبيعي حدوث الخطا ..يعني مارح تحصلين ولا ريال من القضية ، الا خسرانة بعد والمحامي بيطقطق عليك عشان يأخذ فلوسك لانه هو بعد مو مطلوب منه تحقيق نتيجة.. الحمدلله على عودة كليتك الاخرى

 

[Ibrahim Alyaqoob]

اطلبي تعاويض خسائر التحاليل من مستشفى لمستشفى. كم دي كلفه فلوس ووقت وقلق وانتظار.
ميه بلميه كاسبه القضيه.
ماتدري يمكن ييتصل لك بعد فتره وبيقولك كليتك يبي ليها استاصال وياخذها يبيعاها.

 

[Sadoun Alwqitan]

اذا المستشفى بالسعوديه ارفعي قضيه ومو شرط تكسبينها يمكن الموضوع اكبر من كذا بكثييير ... يمكن يكونوا يخططون على شي بالمستقبل انك مثلاً تسوي عندهم عمليه ويستاصلئون الكليه الثانيه !!! وهذا مصيبه وجريمه .. وحتى لو ماكسبتي القضيه راح تلفتي انتباه الدوله لهم واذا صار شي بالمستقبل مع مريض ثاني يكون عندهم تاريخ سئ ع الاقل

 

[Hayat Abdul Aziz Al-Naeem]

اههههاي اخت ريم عجيب ان هذا حقيقي ؟! هذا يستاهل يكون فيلم اكشن؟!

 

[Hayat Abdul Aziz Al-Naeem]

الله يحفظنا اذا النصب بيكون بتمثيلية محبوكة منهم على كليه ؟!
يمكن انهم غلطانين في الاشعه مستبدله بالغلط مع احد تاني !؟ بيصير والله

 

[Randa M Al]

اذا بسعوديه تتعبين تاخذين حقك ابويه الله يرحمه توفي خطا طبي وقضيته بتكمل سنه ولا استفدنا شي بس من لجنه لجنه وهي حاله وفااااه. حسبي ونعم الوكيل

 

[Morphine TK]

ممكن تذكري اسم المستشفى لااخذ الحيطه ونصيحه استشيري محامي