1- انا هختلف مع الي قاله الاغلبيه بالنسبه لتاقلمك مع المجتمع فهذا يعتمد عليك وعلى الوقت الي تقرر انك مستعد تفتح عقليتك عشان تتقبل هالمجتمع عشان تقدر تنخرط فيه ,,, كثير طلاب يتخرج وهو لسه بالعقليه العربيه هذا يمشي بالجامعه ويجاملوه بالمجتمع بس ماينخرط فيه فعلا لان المجتمع هيتحفظ معه ,,, بس وقت الي تتقبلهم وتصير مثلهم من ناحيه كل واحد ذنبه على جنبه وتبطل تحكم على الناس بسبه دينه لبسه اوبسبه الافكار المسبقه الي عندك وتربيت عليها وقت تنساها وتحطها على جنب وقتها فيك فعلا تنخرط مع المجتمع وتكون علاقات قويه فيه
2- الاكل الحلال برايي الشخصي كل مسلم لازم يبحث ويقرا بها الموضوع كثير انت انسان مكلف وربي بيحاسبك ومثل مالما قررت تبتعث على امريكا بحثت عن الولايات وتعبت حالك لازم تبحث بدينك ,,, الاكل الحلال في فتاوي كثير للاسف كثير من هالفتاوي نست المبادئ الاسلاميه وتحكم بفقه كانه معادله يعني مجرد الحيوان ينذبح ويتسمى عليه صار حلال مشايخ الغرب والي انا احترمهم اكثر بها الموضوع لاطلاعهم عليه اكثر من رجال الدين العرب تلاقيهم يتحفظوا على كثير من الاكل الي حتى مكتوب عليه حلال عشان موضوع المزارع الصناعيه وتعذيب الحيوانات قبل ذبحها ومن شروط الاسلام انك ماتذبح حيوان مريض اصلا ,,,بعض هالمشايخ احلوا الاكل الاورقانك ولفري رن لانه اقرب بكثير للاسلام الصح من الي مكتوب عليه حلال ,,, مو قاعده اعطي احد فتوه بس اقول الموضوع شائك وفي اختلاف كثير بالاراء لازم تطلع وتقرا عنه عشان تقرر ايش الحلال الي بتمشي عليه ,,, البعض حلل ذبايح اهل الكتاب كلهم والبعض قالك سمي وكل والبعض شدد ان رب العالمين ماحط شروط عشان بس يعسر حياتك حطها لان في غايه منها ولها اثر كبير على صحتك فما يصلح تتهاون فيها
3- نفس اجابه السؤال الاول وقت انت تشيل عقده الاسلام منك هيتقبلوك وبقصدي هذي ان دينك لنفسك ماقصدي انك تنساه بس وقت تبطل تطري دينك بكل مكان وتحسس الي معك انه كافر بمعاييرك او فاسق وانك متحفظ على كل شي ,,, يعني بتروح مطعم مع احد وصاحبك طلب لحم خنزير او مشروب كحولي اذا هتعطيه النظره العالميه حقتنا ايش القرف هذا الي عندك اكيد ماراح يتقبلك وقت مالك دخل فيه اهم شي ماتسكر لي وبكون كول معك فهيكون هو كول معاك وعادي ,,, باختصار لاتحسسهم انهم كائنات فضائيه ولا راح يحسسوك بانك كائن فضائي ولا راح يهمهم دينك على العكس هيحترموا التزامك
