السلام عليكم للي عنده خبر .. انا مبتعثه في امريكا و سأتزوج من مبتعث في...

[Sarah Mohammad]

السلام عليكم

للي عنده خبر ..
انا مبتعثه في امريكا و سأتزوج من مبتعث في استراليا .
حاليا ادرس في مرحلة اللغة وتبقى منها ٥ أشهر

خطيبي تبقى له ٩ شهور تقريبا ويتخرج من استراليا ، ومحرمي اللي معي بأمريكا مضطر يرجع السعودية لهذا السبب انا ناوية انقل لاستراليا لاني بأغير المحرم من الأب الى الزوج .

سؤالي الان لو تخرج زوجي من استراليا و قدم ترقية بعثه على امريكا هل يسمح لي الانتقال معه لامريكا مره ثانيه وانا سبق لي تغيير بلد الابتعاث منها الى استراليا ام لا !

 

[SaMir Al Qarni]

نصيحه خذي معلومتك من الملحقيه راس ب راس...لانها شوي معقده

 

[Sarah Mohammad]

مشكلتي ربي بلاني بمشرف الله المستعان الفهم عنده بطئ

 

[Meshari A AL]

الله يوفقكم وييسر لكم ؛ اذا راح تجين معه كمرافقه مالهم علاقه فيم لانه هو يعتبر المبتعث الأساسي

 

[Sarah Mohammad]

انا ابي احول كمبتعثه لاجل ما تنتهي بعثتي لما تنتهي بعثته بعد كم شهر

 

[Saad Althawab]

والله موضوعك ما احد يقدر يفتيك فيه... بس حاولي مع المشرف واذا ما قدرتي مع اللي اعلى منه مثل المدير الاقليمي... او ايميل ل العيسى وان شاء الله تلقي التوجية المنااسب.. اللي اشووفه انك تحاولي تدرسي الموضوع انتي من ناحية متى بيتخرج زوجك ومتى بيرجع المرافق اللي معك وتكملي انتي لحالك كم شهر اذا تقدري اوحتى لو تاجلي بعثه لفترة معينه...ووومن الان خلي زوجك يشتغل على اوراق الفيزة ل امريكا ووترفقي مرافق اخر بالبوابه... نصيحة لاتفوتي دراستك ب امريكا... وان شاء الله تنحل مشكلتك ويجي معك زوجك وتتيسر اموركم...

 

[Sarah Mohammad]

هي امريكا افضل من استراليا بالنسبة لي و له ، لكن امر تخرجه مو واضحه باقي له سمسترين و لو حمل اي مادة يزيد سمستر وانا كذا ولا كذا فترة اللغة عندي تخلص بمارس وانا الى الان ما حصلت قبول جامعه

 

[Abdulrahamn Saeed]

لو لغتلك الانجليزيه ممتازه .. ارسل استفسارك ع مشرفك .. وشوفي ارقام وايميلات مسوؤلين الانتقال من الدول .. وارسلي لهم او اتصلي عليهم ..

 

[Hadi Alqahtani]

المرافق يلحق المبتعث في اي مكان بغض النظر عن اي شي اخر

 

[Ibrahim Mana Al Yami]

نصيحتي لك اجلي البعثه الى ان يتخرج زوجك عشان تراجعي فيها براحتك

 

[Sarah Mohammad]

تقصد ارجع السعودية الى ان يتخرج وبعدين اجي بعد ما اجيب قبول الجامعه !

 

[Mode Mohammed]

لازم تحددوا فين تبغوا تروحوا
انتي خلصي اللغه وجيبي قبول وكملي وضعك وهو ان شاء الله لمن يخلص يجيلك

 

[Ibrahim Mana Al Yami]

بعد التأجيل براحتك ان كان تبين تكملي شهور اللغه المتبقيه او تدخلي جامعه

 

[Sarah Mohammad]

ينفع التأجيل وانا في مرحلة اللغة !

 

[Ibrahim Mana Al Yami]

اي نعم انا اجلت سنه ورجعت وكملت لغه

 

[Sarah Mohammad]

اقصى مده للتأجيل !

 

[Meshari A AL]

أقصى مده لا تزيد على سنه

 

[Ibrahim Mana Al Yami]

ايه سنه اقصى حد بس لازم بعذر وانتي ومشرفك

 

[Fahad Alharbi]

اقتراحي:
١. تأجيل البعثة لمدة ستة اشهر او سنة لحين تخرج زوجك.
٢. عند تخرجه تعودين من التأجيل و يأتي معك كمرافق بفيزا F1 و من ثم يُحضر القبول و ينظم كمبتعث.
هذا الحل اسهل الحلول و اوضحها.

 

[Anwar Alshaiban]

الافضل تنتظرين لين يتخرج ويصير مرافقك وبعدها يسوي ترقية بعثة وراح تتسهل اموره اكثر لانه صار مرافق ومبتعث بنفس الوقت، لو سويتوا العكس وانتي رحتي استراليا وبعدين ودكم تغيرون امريكا راح تواجهون تعقيدات كثير ومنها ترقية بعثته وايضا النقل من دولة الابتعاث راح يكون صعب لانك سبق ونقلتي ،وانتي في امريكا في فترة اللغة هي فترة حرجة فٲنصحك تستقرين وتجيبين قبول وينقل هو عندم بسهولة لانه مرافق ويسوي ترقية على راحته...