T
Tawfiq Ha
:: مسافر ::
اغلبنا مر بالمرحلة دي.. انا كنت مرعوب اني ما اجيب قبول او ما اطور الانقليزي خصوصا اني بمرحلة دكتوراة والطلبات اعلى فقدمت على ٢٤ جامعة والحمد لله عدد لا بأس به قبلني نع ان دراستي في البكالوريوس والماجستير كانت بالعربي.. تشجعي وكملي والجامعة ترا امرها سهل بس تدخلي بالموضوع.. لما جيت امريكا ما كنت اعرف اطلب همبرقر وكنت اقلهم حطو كل شي وبس اجي على جنب اشيل الطماطم وامسح الكتشب.. طورت الانقليزي تبعي بمتابعة مسلسلات امريكية كنت اتفرج ١٠ حلقات يوميا بعد ما اشتركت في نت فليكس.. في خلال شهر واحد صرت امشي بالبيت بالسماعات وايرليس في ادني وافهم ايش بيصير بالحلقة من غير ما اشوف الابتوب.. في الصباح اسمع الاذاعة بالراديو.. وبالليل كنت اقرا جرايد اون لاين ثلاث ساعات يوميا بعدين ابدا احل واجبات المعهد .. الشي الاخير انا اختبرت الايلتس وما جبت الدرجة المطلوبة.. ومن اول مرة اختبرت التوفل IBT حتى من غير ما اعد له جبت درجة قريبة من المطلوبة ورحت عدته بعدها بشهر بدون ما اعد لكن عرفت طريقة الاختبار وجبت اعلى من الدرجة المطلوبة.. لما دخلت الجامعة كان فيه شوية صعوبة في المحاضرات بعدين اكتشفت ان الجامعة مسجلة المحاضرات على برنامج بلاكبورد لان كان فيه طلاب اونلاين معانا وكنت ارجع البيت اعيد سماعها واسجل الملاحظات والنقطة اللي ما افهمها اعيدها.. المهم مافيه شي مستحيل خلي املك بالله كبير واجتهدي وكل الامور بتتسهل ان شاءالله.. واعرف ناس كتير ما يظبط معهم الايلتس يختبرو توفل يظبط والعكس.. والله يكتب لكي الخير في قرارك لكن نصيحتي لا تستسلمي..
