كلمة حق في أيام الإختبارات تسمع عبارة " عندك الأسئله" بعض الناس بدلاً من...

  • بادئ الموضوع بادئ الموضوع Ahmed Mahboob
  • تاريخ البدء تاريخ البدء
عرض العطلة
A

Ahmed Mahboob

:: مسافر ::
#1
كلمة حق
في أيام الإختبارات تسمع عبارة " عندك الأسئله"
بعض الناس بدلاً من أن يتعلم العلم ينفع به نفسه والإسلام والمسلمين, يبحث على أعلى الدرجات على ورق ويبقى عقله خالي. أجزم أنه في قرارة أنفسهم أنهم لا يستحقون ما أكتسبوه من شهاده. "إجلس وصارح نفسك" "حكم عقلك وقلبك وضميرك" " والأهم من هذا كله راقب الله في كل وقت وفي كل حين".
يقول الرسول صلى الله عليه وسلم( من غشنا فليس منا).
زبدة الموضوع أسحب عليهم ولا تخسر دينك ورفقة حبيبك محمد صلى الله عليه وسلم.
 
#3
للاسف لو تنظر الي جذور المشكله تلاقي انه الشهاده سارت وسيله لغرض العمل والوظيفه وبحكم وضع العالم اليوم مجبورين لاخذ الشهاده لكن اذا كانت النيه من اجل العلم لنفع الاسلام والمسلميين لاختلفت التخصصات الاهداف الانتاجيه التعمير التفكير الخ. وعلي قولك درجات علي ورق ويبقي العقل فاضي والجامعه استفادت من الرسوم والطالب خسر العلم الي متاح له..
 
#4
وين الغش في الموضوع الاقزامات القديمه مجرد مصارد حتى يعرف وش الاسئلة المتوقعه الي راح تجي يعني مو نسخ لاصق تجي" مثل ماهو مفهوم من كلامك" لازم تفهم علشان تحل في الاقزام ولا بتعيد على الورقهز وغير كذا في بروجكات ولاب ريبورت قد شعر راسك يعني ماتمشي الا وانت فاهم ولا ببتبنط في الكلاس . على كل حال اشوف من الفطنه انك تبحث على اوراق قديمه لانه في الاول والاخر الدرجه الي العاليه الي تهم ولا وش يفيد انك فاهم ودرجاتك خيااااااس :) دمت في ود.
 
#5
يارجال عساك سالم بس .. ماتجي لاختبارات اللى وقد راسك مرقه من البحوث والبروجكتات والريبورتات ولابات يعني غصب عنك راح تفهم بالطيب بالغصب راح تفهم ما يمنع اعرف طريقة لاسئله او اعرف كم سؤال
 
عرض العطلة
#6
اتفق مع Abduall Aljuhani في جزئية انه مو دائماً نسخ لصق تجي اضافة الى انه المكتبات في بعض الجامعات يوفرون لك أسئلة حق آخر ثلاث سنوات ،، انا عندي الآن بروفيسور في الماث قبل اختبارات الميدتيرم يعطينا اختبار السنة الماضية مع الحل ويجي الاختبار بنفس الطريقة تمامًا ونفس الماتريالس ،، اضافة الى انه بعض الجامعات مايحبون يعطون A عشان السمعة ،،، لكن مو يعني عندك الأسئلة يصير ما تذاكر ولاتفهم ولا تجتهد !! بالعكس احسن طريقة افهم ذاكر واجتهد وافهم كل شيء كتخصص وايضاً الأسئلة مهمة للمعدل لانه في نظري المعدل مهم وفهم التخصص واستيعابه مهم كذا،، عشان كذا لازم نجمع أسئلة ونجتهد ونفهم . وفالكم الامتياز
 
#7
كويس البروفيسور يجيب لكم نفس لاسئله شئ جميل جدا . يارجل احنا تطلع عيونا على لاسئله السنه الماضيه يجب لك طريقة اسئله والسنه اللى بعدها يجب اسئله غريبه عجيبه تستغرب كيف جات هذي لاسئله
 
#9
Abdullah Aljuhani
ما أعتقد أنه في مشكله على البحث على أسئله تدريبية للمادة عشان تأخذ فكره على الفورمات لكن تتدرب على نفس الإختبار قووووويه ومابني على باطل فهو باطل.
 
#10
ياراجل اعقل ماتكتب وش الي" مابني على باطل فهو باطال" مدري اذا عندك مواقف معينه من اشخاص معينين في حياتك او ماشبه ذلك لكن هذا مايبرر الاطلاق العام والحكم العشوائي :(
 
عرض العطلة
#13
يا رجل ؟ لو غيري معاه الأسئلة وانا لا وادخل الإختبار بمجهودي اجيب 3 وهوا 5 عشان انبسط ؟ كدا ظلمت نفسي ..اسريلك بالله جيب الأسئلة وبيننا السنين تحكم مين افضل في المجال العملي :)
 
#14
خلنا نكون واضحين ٨٠٪ من المبتعثين غير مؤهلين للدراسه في الجامعه فشئ طبيعي انو يروح يدور للأسئله لانو حتى لو فكر انو يذاكر ماراح يفهم شي من الكتاب فأنسب حل له انو يدور اسئله او يغش عشام يمشي اموره.
 
#15
لو تطبق الملحقيه نظام نفس نظام الملحقيه الكويتيه انو الطالب مايصدؤ له ضمان مالي للجامعه الا اذا حصل على 5.5 في الايلتس. وهذا الصح.
 
عرض العطلة
#18
@Ahmed mahboob يواد انت غبي؟ الحمد لله على نعمة العقل
يا طقعان انت رايح على حسابك وانا رايح بنسبتي ومجهودي وفوقها ادرس طب.. وبلغتين >> هل يعني انا غير مجتهد؟
جاي تتفلسف ومحتقر الشعب ومدري ايش دخل الموت في الموضوع جعل يومك قبلي انت وبيت الشعر الغير مفهوم مدري كيف القبر صندوق العمل
الزبدة حسستني سوء خاتمة اني اذاكر اسئلة قديمة واموت
اقعد مقهور يمكن عشان سحبو عليك ما اعطوك الاسئلة ولا محد مخاويك لشخصيتك ال.. وافهم حديث من غشنا فليس منا لان المفروض انها لغتك وسهل فهمها
شباااااااب نصيحة مني 1- ذاكر وسوي كل الي عليك
2- دور اسئلة وساعد غيرك (بس الي زي دا اسحبوا عليه )
3- غش اذا احتاج الموضوع.. ف ربي ما يريد بك العسر انت طالب ومتعلم وتعبت سنة لا ترمي مجهودك في التراب وتعيد سنة
 
#19
مافي مانع ان الانسان يأخذ الاسئلة ويتدرب على طريقتها .. الغلط في ان المدرس يجيب نفس الاسئلة نسخ ولسق .. لان شي طبيعي الاسئلة تنتشر في السوالف بعيد عن طلب الاسئلة .. بس اني ماجربت الجامعه ما احكم كذا لكن في الايلتس والاختبارات اللي كذا .. احاول اجمع اكبر قدر من اسئلة السبيكنق و الرايتنق اللي ممكن تمر علي .. ومن ضمن المصادر الاختبار نفسه. والله يعطيك العافيه على النصيحة واتمنى ان كل شي نسويه يكون بالطريق الصحيح ❄️
 
#20
شكرا لك ع النصيحه، لكن اخترت الكلمات الخطأ في صياغة النصيحة. واسلوبك كان نوعا ما (مضروب) لكن انا ضدك وبقوة.
Qusai Abuzinadah hi five ya man ✋
 
عرض العطلة
عرض العطلة
عرض العطلة
أعلى أسفل
عودة
قائمة