وصل إلى سدرة المنتهى ، ثم عاد يأكل مع الفقراء ، و ينام على الحصير!!بأبي وأمي...

  • بادئ الموضوع بادئ الموضوع Hanan M S AlGhamdi
  • تاريخ البدء تاريخ البدء
عرض العطلة
#41
ياحبيبتي انا اتفق معك عالدين واللهجه الخ من الامور اللي بعضها رباني مايجوز المساس به وبعضها لون من الوان الناس في بلدنا كلهجاتهم والسنتهم، لكن انتي تقولي ينتقد عادات بلده ومعيشتهم، ايوه انتقدها ونص ، وبقلك انو وانا لسا ماطلعت بكره عاداتنا السيئه كره العمى وبنتقدها واضل انتقدها واقولها غلط وجهل وجنان ورجعيه وجاهلية وفي منها عنجهيه كمان، فمو كل من خرج وسافر وانتقد صار متغطرس، الانتقاد وطريقته هي اللي تحدد فانا اتكلم في دي النقطه اللي انتي برضو اتوقع انك تتكلمي فيها. ومازلت اقول ان بعض شعبنا يقدسون العادات ويعبدونها خفيه اكتر من دينهم ويطبقونها على كل من تحت سلطتهم ويجبرون الناس باامور ماانزل الله بها من سلطان وحسبنا الله ونعم الوكيل.
 
#42
جابها الاخ محمد، ارجو عدم الخلط بين الغطرسه والتكبر ورفض العادات الغلط وكرهها والاستياء منها، وتحويل الكلام بشكل ان المبتعث يخرج ويعود وينتقد عاداته هنا العادات بحر لابد انك تقفي عندها وتعرفي اي عادات انتقدت ولماذا، مو تختصريها بعباره ينتقد عادات بلده فقط.
 
#44
حلم مجتمعنا؟ يااختي المجتمع اللي حولي يرفض كل جديد، حتى وان كان مباح، شكاك بكل شي، متخوف ويرفض يتعلم اي مدخل يمكن الانسان من الدخول لمجتمع صم بكم عمي؟ انا مابغا اقلك مجتمعنا ميه بالمية سيئ، لكن عاد ماهو حلم اهالينا انهم يرو التغيير ياما بنشوف صد منهم وتصنيفنا كمان لاننا اختلفنا معهم في الفكر علماني لبرالي.
 
#45
اختي فوزيه ،، اول نقطه ودي أوضحها (( فن الحوار وتقبل الفكر )) ما جيت أقنعك بفكري ومو ضروري اقتنع بفكرك ومو معناها ما احترم ردك بالعكس محترمه ،،، كلامي كان واضح وسهل فهمه مو معقد واستخدمت رموز صعب فهمها ،، كلامي كان للعقول الراقية
 
عرض العطلة
#46
متفقين يا محمد وذكرت ذالك في اكثر من مداخلها و هي مغزاي
مثل قولي نوف و من قبلها فوزيه والاخوه الي يخلطون بين التأثير الإيجابي و التطوير في المجتمع و بين التعالي عليه
ما حد قال لا تساهممون في تنميه بلدكم و هذا القصد من الابتعاث بل هو واجبكم تجاه وطنكم و حلم أهاليكم
 
#49
بقلكم قصه وحده حكتني هيا، ممكن نفهم فيها اكتر اش المقصد من انتقاد او عدم انتقاد العادات والتقاليد، صحبتي قريبتها كانت مبتعثه ورجعت في اجازه للبلد، وجلست مع اهلها، وكان في عزيمة عندهم وحضرتها، وكانو اهلها يرقصو بالبنادق ويطخو وكدا يعني فكانت تستتفهم انو اش الجنان دا ليش يعملو كدا ليش يطخو ليش يحملو بندقه ويرقصو هدي تفاهه مو رقص قالوا لها الله مهو كنتي قبل تنبسطي عليها وتشوفيها عادي اشبك دحين تكبرتي عليها، في فرق بين عادات شكلية وعادات فكريه ، العادات الشكليه ملابسهم فلكلورهم ، لهجتهم، هدي طبيعي محد يمسها لو فين مارحت وجيت وندرت وطلعت خلاص كل قبيله وشعب وعاداته وتقاليده كيف لنا نقبل عادات الاجانب في لبسهم واللي يرقص بريش في راسه، واللي يلبس مدري كيف وعادي نشوفهم ولمن نرجع عند اهالينا نشوف رقصهم جنان؟ لا انا اتوقع ان التفكير دا تفكير هش ومظهرجي وخالي من الفائده، لكن العادات والتقاليد الفكريه هنا هيا اللي اقول انو لاي احد الحق في معارضتها مبتعث ولا مو مبتعث ، حلال وحرام على حسب العادات ، قبول ورفض على حسب العادات، حياة كريمة وحياه اقل كرامة على حسب العادات، ابدا اصير وحش قدام دي الاشياء ضابطنا الدين فيها وبس بلا عادات بلا تقاليد، اي شي يعطل الحياة وماهو من الدين في شي انا ارفضه رفضا باتا ولايمكن اقبله لو تطلب الامر اني اسيب البلد كلها، مااقبل اخلي مين ماكان يستعبد عقلي ونفسي بناء على موروثات تاريخيه خرجت من اشخاص يحبو طريقه معينه في حياتهم وعمموها باسم العادات والتقاليد، عليهم هما يعيشو بها مو عليا.
 
#50
شوفي يا عسل
كلامك تمام و علي عيني وراسي
بس تفتقرين الي الخبره في الحياه و ترتيب
الأولويات
العالم الغربي زي القمر تماماً
دائم السطوع و جميل و رمونسي لكن من اقترب منه اكثر يجد فيع الكثير من القبح
طبعا و ليسى بالعموم
 
عرض العطلة
#51
هههه انا اكتر وحده عندي خبره في العادات والتقاليد، بس معاك حق ماعندي خبره في بلاد برا، ومع ذلك مااقول انهم كاملين لا، لكن اقلها مايجبروني على عادات وتقاليد تعطل الحياه تمنع من العلم والدراسه والحقوق البيسك الطبيعية هدي حقة الناس العاديين.
 
عرض العطلة
عرض العطلة
أعلى أسفل
عودة
قائمة