سلام عليكم ياجماعة لاحظت انه القروب سار فيه مواضيع كثيرة خارجة عن مواضيع...

[Ayman Bawaked]

سلام عليكم
ياجماعة لاحظت انه القروب سار فيه مواضيع كثيرة خارجة عن مواضيع الدراسة والنطاق العلمي وفي انتقاد كبير من قبل البعض يعني فعلا انا ابي اقول شي واحد
ياجماعة انتم وش مزعلكم يالي منتقدين خلوهم يحطون مواضيع مختلفة شي مضحك شي علمي شي دراسي شي ديني خلو الواحد يتنفس شوي خارج نطاق الدراسة يعني الواحد طول اليوم في دراسة وتعب ولايرجع بيته الا وهو تعبان ويبي شي يتنفس منه وانتم مسوين الي مقطعتكم المذاكرة
نحط مواضيع دراسية ماقلنا شي نستفيد من تجارب معضنا بس برضو لامانع من المواضيع الاخرى اذا احد حب يشاركها مع الاخرين بس طبعا في مواضيع تصنف تحت ( السامجة ) هذه الي صح اقلكم خذو راحتكم في الانتقاد والضرب ان أمكن

 

[Faisal Alamri]

انا والله معك ان الواحد يتنفس وكذاا بس بعضهم الله يهديه يجيب لك شيء شاطح ولا راح نستفيد منه كمبتعثين وخاصه ان الصفحهه مخصصه للاشياء الدراسيه ولا اللي تفيد المبتعث السعودي بشكل عام وسلامتك

 

[Ayman Bawaked]

بس انت لو تلاحظ شي انه المواضيع الشاطحة ذي هي الي تحصل تفاعل وردود بالمئات لأن الشعب حصل مكان يقدر يكتب فيه ويتنفس منه انا قد قلت وارجع اعيد مني مع المواضيع السامجة ولاكن مع المواضيع الاخرى مثلا مقطع فديو مضحك وصفة طبخ مقطع كورة موقف طريف ايا كان

 

[Noof Hassan]

انا مو ضد بوستات ممكن تفيد احد او شي طريف ,,, بس في سماجه وفي سخريه من الناس ومامفروض تكون بينا ,,, وفي بنفس المزح في شي حلو تبي الناس كلها تشوفه ونضحك سوا وفي حاجه مبين انك فاضي ونكته سخيف ومالقيت الا مبتعث تحطه فيها حطها بصفحتك لناس الي ضايفنك هيتحملوها منك ,,, اما احنا فممكن مانبلعها شوي ,, انا غالبا اطنش اي بوست ماعجبني بس احيانا الواحد راجع من دوامه او تارك المذاكره يروق مو عشان يفتح الفيسبوك لامور ابيخ من البياخه او الامور الثانيه الي هي جدالات عقيمه وممكن احد بالبوست يكون يمسك او يمس اهلك واصحابك بدون ماهو عارف

 

[Mazen Al-saiwed]

ياعمي الفيس بوك فيه مليون صفحه للوناسة والفله .. ما وقفت الوناسة علی هذي الصفحة .. فيه شي اسمه لكل مقام مقال .. يعني احنا متابعين هذي الصفحه عشان امور الابتعاث والدراسة واي شي يخص الشي هذا .. فإذا جاني شخص يحط شي ماله علاقه وينقلب القروب لسواليف واتساب هذا مافيه أي احترام للهدف اللي احنا تابعنا الصفحه عشانه .. اتمنی يفهم البعض ان الوناسه والفله كلنا ندورلها لكن لازم نحترم الصفحه وهدفها .. مو معقول اشترك في صفحه دينية واحط لهم اخبار عن الكورة واقلهم عادي .. فلوها ! هذا المقصد .. !

 

[Wissam W Al-Ghanim]

لولا اختلاف الاراء لبارت السلع.....

الشي حسيته سخيف وغيرك تفاعل معه وضحك لا يعني انك على صواب والباقي على خطأ ولا سامجين، تقبلوا الاختلاف تعيشوا مرتاحين تدققوا بزيادة صدقوني تتعبوا نفسكم على الفاضي هههه

واسم الصفحة مبتعث، يعني لكل المبتعثين فخلي كل طير مع سربه والحمدلله واي استفسار واي مساعدة ما حد يقصر والكل يتفاعل

واسفين على المضايقة بالنيابة عني وعن كل السامجين والفاضين الي يسولفوا، واعذرونا احياناً الواحد يمر باوقات يحتاج يغير جو ويستانس، في حالتي انا اصحابي اكثرهم اجانب وصار لي سنة ونص ما شميت ريحة السعودية لضغط الدراسة ومشروع تخرجي.... ومتأكد الكل عنده اسبابه، اهم شي ما تجمعنا على
معصية

Eventually its a social network!

تحياتي

 

[محمد مديتيشن]

تختلف الاراء
ونقاشات مقبولة وانتقادات
كل واحد له حرية الراي
المشكلة لما الواحد يفرض رايه وينقلب المنشور WWF ويجيك اندر تيكر ويتهجم ويشتم
النقاش ادب وذوق واحترام
بهجومك تشوه نفسك وتشوه صورة مجتمعك
المشكلة انك مبتعث
يعني متعلم وتتقبل الكلام
حتا وان خالف العرف
استخدم الرد الجميل او اصمت
قال تعالى (ولو كنت فظا غليظ القلب لانفضوا من حولك)

 

[Jehad Digna]

ابغى اقول لكم شي
قبل سنة كان عندنا دكتور ما يرتاح لمن يشوفنا مرتاحين. الواجبات فوق الستة ساعات يومياً غير آخر الاسبوع الواجبات تكون مضاعفة وفي عيد الشكر الكل مبسوط وببتمشى إلا أنا عشان عندي research essay ولازم ادخل ع النت واطلع مراجع واروح المكتبة واجلس بالساعات اقرأ واكتب.
المهم بعد ما خلص الترم حسيت اني كنت ضايع وبعدها حلفت أي موضوع في الفيس ابغى اشارك فيه عشان اعوض اللي راح مني.
فأي موضوع اشوفه اشارك فيه وأي استفسار بأرد عليه لدرجة اني صرت ولله الحمد اعرف أي شي يخص الابتعاث والمبتعثين.
كلامك كثير يا انا
خلو اللي يتسمج براحته عشان نغير جو.
وسلامتكم

 

[Jehad Digna]

محمد الفهدان
اتلغى اتحاد wwf ونقلوا كلهم على wwe