السلام عليكم بعيدا عن التوتر .. حبيت احط لكم اكله حلوة الكثير يحبها ايش...

[رسآمة الأحزآن]

السلام عليكم

بعيدا عن التوتر .. حبيت احط لكم اكله حلوة الكثير يحبها
ايش رايكم نسوي مطبق يامبتعثات ومبتعثين

احم اعطيكم الطريقة اللي اسويها وتزبط معاي ..

المكونات : عجينة سمبوسة + جبن بوك + اوراق البصل + بيض وبهارات

نقطع اوراق البصل مربعات وسط او صغيرة .. نحط عليها ٣ ملاعق جبن وشوية ماي ونخلطهم ..
نحط بهارات وملح ونخلطهم ..

الحين كيف تسوي القطع ..

بعجينة السمبوسة لكل قطعة مطبق قطعتين من السمبوسة ..
تحطهم على شكل الزائد وتحط الحشوة بالنص .. تسكرها من اليمين واليسار .. بعدها من فوق وتحت وتحط شوية جبن عشان تتسكر في الاخير > معليش ع الشرح علقت الا احطها هههههه

الحين في صحن نكسر البيض اللي يكفي ونحط بهارات شوية وملح ونغمس القطعة ونقليها على طول في زيت وسط مائل للقليل

واكييد ماننسى الليمون بالاخير ..

لذيذة // لمن اشتاق للمطبق ..
وبالصحة والعافيه ..

 

[Zhra Ali]

يا سلام عليكي

 

[Waleed Bin Abdullah]

يا ريت لو تصورين فديو او صور للطبخه

 

[رسآمة الأحزآن]

هذي صورة للطبخة بالنهاية .. فيديو مامداني اخذ .. عندي صور لطريقة اللف ..

 

[Khalid Algarishi]

توصلون لولاية اداهو >> يضحك يحسب نفسه داخل انستقرام : )

 

[Abdullah Alamri]

مطبخ مبتعث

 

[Baraa Almansour]

شطوره والله

 

[ShoSho Alsufiani]

ايه جميل جدا كذا مره سويتوه هنا من جد نسترجع الحنين للمطبق

 

[رسآمة الأحزآن]

موفقين جميعا اللي يعرف يسويه عليه بالعافيه واللي مايعرف يجرب ويشوف تضبط معاه والا

 

[Mohammed Alfhdan]

وين عجينة سمبوسة

 

[Eyad Al-zahrani]

توصلين ولاية اريزونا؟

 

[رسآمة الأحزآن]

محمد اذا عندكم بقاله عربية او هندية موجوده عندهم // اذا مالقيت تقدر تستبدلها بالعجينه المربعه .. اسمها سبرنغ رول .. هذي موجوده في امريكا الظاهر .. هي مربعه لكن تقدر تقسمها لـ ٣ قطع مستطيلة وتصير مثل السمبوسة ههههههه
حق التفنن يعني

 

[Abdullah AbuHaimed]

ياسلام .. زمان مره مره عنه .. حتى يوم كنت في السعوديه مأكلته من زمان

ماشاء الله و بالعافيه عليك صاحب الموضوع

 

[Jehad Digna]

سويناها انا والشباب الاسبوع الماضي

 

[رسآمة الأحزآن]

طبعا ورق البصل بديل لـ الكراث لان مالقيته هنا ..

 

[Jehad Digna]

موجود في البقالات العربية

 

[Saud Khalid]

لا تقلب المواجع يبو فلان

 

[رسآمة الأحزآن]

جهاد ماشفته عندنا ههههه بس هذا يفي بالغرض .. اذا رحت مرة ٢ بسأل عنه

 

[Jehad Digna]

انا في تكساس وكل شي يخص العرب موجود هنا
ما عدا المندي

 

[Omar Bin Megbel]

لازم تقلبون المواجع علينا ... ما كانت في بالي الحين الله يعينكم تسوونها لي ترى انا ما احب انتظر كثير بس الله الله بالشغل العدل