M
Mandela Mando
:: مسافر ::
تجربتي في جورجيا (الجزء الاول)
قبل اي كلام اتوجه بالشكر للاستاذ/بهاء الدين فاروق
والاستاذ/عمرو بدوي لان الناس دي اللي خلتني اتشجع واسافر علشان السفر بجد متعه ومغامرة لازم نجربها وطبعا اللي عاوز يجربها يبدأ بأي دوله سهله علشان احباط الرفض اللي بنقابله في السفارات القويه زي الاتحاد الاوروبي وأمريكا.
اهم شئ في الرحلة لازم تكون محضر ميزانية سفرك وتحسبها علي اد امكانياتك علشان تعرف حتعمل ايه.
الفيزا بتتكلف 20 دولار . تذكرة الطيران عندك شركة اير كايرو ارخص طيران مباشر من مطار شرم الشيخ والغردقة الي تبليسي. الاقامة جرب انك تحجز في هوستيل حيكون رخيص وكمان حتتعرف علي اصدقاء جدد وبجد تجربة حلوه اوى وانصح بهوستيل anchi hostel (حتلاقيه علي بوكينج ) لانه نظيف وموقعه ممتاز جدا (وسط البلد وقريب من محطة الباص والمترو وميدان الحرية وكمان رخيص وهادي ونظيف وامان وليك خزنه لوحدك ) وكمان اللي شغال هناك مصري (اسمه يحيي هاشم) حيكون معاك ديما ويعرفك ازاي تتحرك في البلد وتعمل رحلات لجميع المدن بأقل التكاليف وده والله كان احلي حاجه في رحلتي بجد. الاكل عندك مطاعم لجميع الامكانيات وكمان تقدر تجيب اكل من السوبر ماركت وتطبخ في الهوستيل عادي جدا (وانا شخصيا كنت بعمل كده ديما). الانتقالات استخدم المترو والباص والميني باص (ماشوتكا) وابعد عن التاكسي لانه غالي وبعدين النقل العام لحد الساعة 11 مساء يعني تلف وتشبع لف حتلاقي نفسك روحت قبل 11.
نصيحة مهمه: ماتشغلش بالك ببرنامج الرحلة قبل ماتسافر فكر الاول انك تدخل البلد وتركب وتروح الهوستيل بتاعك وترتاح شوية من تعب السفر بعد كده تتمشي شوية تتفرج علي البلد وتخطط لبكره حتعمل ايه من اول اليوم وايه اللي حتزورو وكل ماتخلص يوم تحط خطة اللي بعده.
اهم ورق يكون معاك وانت داخل مطار تبليسي (الفيزا +وثيقة التأمين وتكون مغطية طول فطرة السفر +تذكرة السفر ذهاب وعوده +حجز مكان الاقامة طول مدة الرحله وده تقدر تعمله من علي بوكينج ببلاش وكمان تقدر تلغيه ببلاش)
الجزء الجاي حعرفك تعمل ايه من اول ماتخرج من باب المطار
#اتلحلح_وسافر
#السفر_متعة
قبل اي كلام اتوجه بالشكر للاستاذ/بهاء الدين فاروق
والاستاذ/عمرو بدوي لان الناس دي اللي خلتني اتشجع واسافر علشان السفر بجد متعه ومغامرة لازم نجربها وطبعا اللي عاوز يجربها يبدأ بأي دوله سهله علشان احباط الرفض اللي بنقابله في السفارات القويه زي الاتحاد الاوروبي وأمريكا.
اهم شئ في الرحلة لازم تكون محضر ميزانية سفرك وتحسبها علي اد امكانياتك علشان تعرف حتعمل ايه.
الفيزا بتتكلف 20 دولار . تذكرة الطيران عندك شركة اير كايرو ارخص طيران مباشر من مطار شرم الشيخ والغردقة الي تبليسي. الاقامة جرب انك تحجز في هوستيل حيكون رخيص وكمان حتتعرف علي اصدقاء جدد وبجد تجربة حلوه اوى وانصح بهوستيل anchi hostel (حتلاقيه علي بوكينج ) لانه نظيف وموقعه ممتاز جدا (وسط البلد وقريب من محطة الباص والمترو وميدان الحرية وكمان رخيص وهادي ونظيف وامان وليك خزنه لوحدك ) وكمان اللي شغال هناك مصري (اسمه يحيي هاشم) حيكون معاك ديما ويعرفك ازاي تتحرك في البلد وتعمل رحلات لجميع المدن بأقل التكاليف وده والله كان احلي حاجه في رحلتي بجد. الاكل عندك مطاعم لجميع الامكانيات وكمان تقدر تجيب اكل من السوبر ماركت وتطبخ في الهوستيل عادي جدا (وانا شخصيا كنت بعمل كده ديما). الانتقالات استخدم المترو والباص والميني باص (ماشوتكا) وابعد عن التاكسي لانه غالي وبعدين النقل العام لحد الساعة 11 مساء يعني تلف وتشبع لف حتلاقي نفسك روحت قبل 11.
نصيحة مهمه: ماتشغلش بالك ببرنامج الرحلة قبل ماتسافر فكر الاول انك تدخل البلد وتركب وتروح الهوستيل بتاعك وترتاح شوية من تعب السفر بعد كده تتمشي شوية تتفرج علي البلد وتخطط لبكره حتعمل ايه من اول اليوم وايه اللي حتزورو وكل ماتخلص يوم تحط خطة اللي بعده.
اهم ورق يكون معاك وانت داخل مطار تبليسي (الفيزا +وثيقة التأمين وتكون مغطية طول فطرة السفر +تذكرة السفر ذهاب وعوده +حجز مكان الاقامة طول مدة الرحله وده تقدر تعمله من علي بوكينج ببلاش وكمان تقدر تلغيه ببلاش)
الجزء الجاي حعرفك تعمل ايه من اول ماتخرج من باب المطار
#اتلحلح_وسافر
#السفر_متعة