H
Hanin Siddiq
:: مسافر ::
بحكم معيشتي في المانيا و سفري عليها ،، بالنسبة للاطفال لازم عند الحجز تذكر معاك اطفال و تحتاج سرير لو تبغا عشان يضمنوا لك مقعد قدام ولازم تحري ورآهم في دا الشي خليك دائماً على تواصل لو حجزت عليها و بالعافيه حتى تلاقي الا اذا كنت حاجز بيزنس. مقاعدها زيها زي اي طيران في الايكونومي.. مقاعد ضيقه لكن مافي فرق بينها وبين اي طيران باستثناء القطرية والاتحاد و دي الأشياء!! أكلهم في الطيارة لذيذ .. الشنطة عليها ١٢٥ يورو بس ما اعرف كم دولار ولكل شخص بالغ شنطة وحدة ٢٣ كيلو و الطفل شنطة ١٠ كيلو. اذا مطار فرانكفورت بالمطار كبير جداً وحلو يعني لازم يكون عندك ترانزيت اقل اقل شي ساعتين اذا اول مرة تنزل ع المطار لانه كبير و يحتاج مشي! لو معاك عربية اطفال و سلمتها في الطيارة وانت مسافر من امريكا ترا ما راااااح تستلمها الا في العفش لو رجعت السعودية ان شالله! تقدر تدخل معاك الطيارة كار سيبت اذا انت حاجز للطفل مقعد و كان الطفل اقل من سنتين! غير كدا مستحيل ! بطبيعة الحال تعاملهم جاف في المطار لأن هما كدا شعب غير بشوش. انا اشوف انها عادي تؤدي الغرض الخطوط يعني لا بأس بها ولو انا كنت عادي ححجز عليها ما عندي اي مشكلة !! توصلوا بالسلامة ان شالله