السلام عليكم ورحمه الله وبركاته... كيفكم يا اخواني واخواتي... سؤال ع السريع،...

  • بادئ الموضوع بادئ الموضوع Mohammed Bahri
  • تاريخ البدء تاريخ البدء
عرض العطلة
#62
شوف
اللي سار مع صحبتي
والدها مرافق و في السستم لازم يطلع كل ست اشهر و لمن جا الوقت طلبو منها ختم دخول جديد
ابوها استدرك الوضع و رجع خلال اسيوعين و رجع الصرف
زوجي لمن قفل ملفه
طلبوا مننا ختم دخول جديد بالرغم اننا ما سافرنا و بالعافيه اتفهموا اننا ماسافرنا
صحبتي
كان الصرف ماشي لبزورتها و هم بالسعوديه لكن بسبب نزولها السعوديه وقف الصرف
و لمن رجعت من الصيف ارفقت ختم الخروج بتاريخ القديم لمن خرجوا من امريكا
هنا كفشوها الملحقيه و خلوها تسدد
ما اتوقع انه مربوط بالجوازات
لكن اذا كان المرافق بفيزا سياحيه في النظام كل ست اشهر يشيكوا
 
#64
يعني اللحين الملحقيه مافكرت الزوج من وين يصرف ع اهله اذا ما عنده غير هالراتب ومازال طالب ولا عنده وظيفة!!

من زين المكافأة اللحين عشان يقصقصون منها!!

ولنفرض انها مو متعلمة ولا عندها وظيفة
كيف بتصرف ع نفسها!!

والمسكينة لو كان عندها اربع ولا خمس أطفال من بيصرف عليهم؟

والله احيانا الزوجة مايحدها ع الرجعة الا غلاء المعيشه.. ويكون هالراتب اللي تاخذه يفك ازمتها لين ماربي يرزق زوجها ويتوظف..

انا الحمدالله متعلمة ومبتعثه وان شالله برجع وبلقى وظيفه.. لكن انا أتكلم بلسان بنات كثير ما حالفهم الحظ انهم يكملون وبيرجعون علشان يخففون ع أزواجهم من تعب المصاريف.

هو راتب شحيح وماشي من الدوله ليش هذا التسلط؟؟

حتى المرافق الأب اللي بيرجع.. اغلبهم كبار بالسن ولا متقاعدين ويمشون نفسهم ب (المصروف) اللي تصرفه الدولة.

لازم نكون صوت واحد ونحتج كطلبه نفكر بغيرنا مو بس بأنفسنا.
 
#65
المشكله انه الملحقيه مالها سياسه معينه وواضحه في الموضوع ذا. انا اتفق مع ابتهال لو كان الوضع مربوط بالجوازات كان من وقت ما يرجع المرافق السعوديه يوقف الصرف الين ما يرجع امريكا مو يجلس شهرين او ثلاثه وممكن اكثر وبعدين ياخذوها من مكافئه المبتعث الاساسي اللي هي يالله بالعافيه تكفي، ما بالك كمان يخصمو. انا ابوي مرافق مع اختي بفيزه سياحيه وجلس هنا تقريبا ٩ شهور بعد ما مددنا له ٣ شهور. له شهرين الان في السعوديه والمكافئه ماشيه من رغم ان اختي كلمت الملحقيه وقال ابوي رجع وانا جالسه هنا لحالي. ما قالو لها شي. اتوقع الموضوع ناس وناس.
 
عرض العطلة
#66
والله يا فاطمه كلامك عين العقل. تحسين اوقات انه الراتب ذا من جيب اللي وقفها. فوق انهم يجبرون المبتعثين يكونو متفرغين بشكل كامل للدراسه وما هم مبتعثين موظفين الا انهم اذا الواحد رجع قال ما في مكافئه مرافق. توكل ع الله. يعني يبونا نشحت بالعربي. انا متاكد الناس اللي ترجع، ترجع غصب عنها مو بكيفها. يعني الوحده تسيب زوجها وترجع السعوديه، طيب ليش تزوجت من الاساس، او مثلا الاب يسيب بنته ويرجع السعوديه. ذولاء ما رجعو الا لاسباب قاهره جدا وصعبه. يعني انا عن نفسي زوجتي تبي ترجع عشان تكمل ثالث ثانوي. رحت اكثر من ثانويه قالو نرجعها ٣ سنوات وراء. يعني تاخذ ثاني وثالث ورابع ثانوي وهي في السعوديه باقي لها سنه وحده. مو منطق ذا ولا اظن احد راح يوافق.
 
#67
الموضوع لازم تكاتف الجميع ونرفع خطاب للملحقيه والوزاره باسم جميع المبتعثين نعترض فيه ع هذا القرار الخاطئ
 
#68
واللي يرفع الضغط اكثر انهم تسلطوا حتى ع راتب الطفل اللي ما وصل ٣٠٠ دولار.

طيب وش اللي يحد الام والأب انهم يرسلون ولدهم السعوديه؟؟

لأنهم مايقدرون ع مصاريف الطفل ما يقدرون يدخلونه حضانه..
الام تضطر وهي كلها حزن انها تترك طفلها عند اهلها.. وتكون بين غربة وحرقة قلب ع طفلها..

المفروض تتهيأ سبل الراحة للمبتعث
مو يزيدون همه هم.

وأتمنى ما يجي الان مشارك ويقول محد ضربهم ع يدهم.

انا لو بتكلم عن نفسي الحمدالله ربي يسرها علينا وطفلي تربى بحضني.

لكن والله اعرف أسر سعوديه حالتهم تقطع القلب ولا تسر كافر.

كاننا جايين من أفقر دوله ع وجه الكون والعكس صحيح تماما.
 
#69
اقسم بالله صاحبي ولده كان عمره ٦ شهور رجعه سنه ونص السعوديه عند ام زوجته كله عشان الامور ذي. تخيلي اقل حضانه حصلها كانت ب ٢٠٠ دولار في اسبوع وهو في الشهر مكافئته ما توصل ٣٠٠ شي يقهر.
 
عرض العطلة
#72
شطحت شطحه بعيده مره اخوي سلطان ع الموضوع الاساسي. لاكن اجاوبك مفيش مشكله يا رئيس. السياسه ومصالح الدوله وامن الدوله ع قولتك الحمد لله ماشيه من زماااااان وما عندنا اي مشكله في الامور ذي ولا تخاف ع السعوديه في الامور هذي ولله الحمد. بس فيه اشياء ثانيه الله العالم بحالها يا صاحبي. وترئ السعوديه بامكانها ان تعطي كل مبتعث حتئ ٥٠٠٠ دولار ما عندها مشكله
 
#73
لا الامور مب ماشيه في تدهور مستمر والتخطيط مقصود علی السعوديه حتی الملك يوصي عليها خلنا من السياسه الحين لان فيه امور تخفی ع الجميع وعلي انا ..
هل تعلم انه فيه اكثر من 700 الف مبتعث ومبتعثه ومرافق بدول الابتعاث كلها الدوله تصرف عليهم ككل .. لا تقول لي الامارات قطر وغيرهم مبتعثيهم لا يتعدی ال 70 الف .. غير كذا انا اشوف انه زين دفعو رسوم الدراسة وصرفو تذاكر وتأمين طبي وتعويضات ومكافاة شهريه وغيرها من خدمات لازم تقتنع بما لديك وترضی بامر الواقع وتحاول تشوف مكان مناسب ولا تعتمد علی الملحقيه فقط شوف دخل اخر سواء الاهل وظيفه في الجامعه او غيرها من مجالات واجد .. الي ما يقدر ويشوف انه تخنق عليه عيشته انصحه برجوع او عمل التأجيل ياخي ما وقفت علی ابتهاث فيه مجاااالات كثيره غني عن التعريف..
بنهايه اتمنی لك اخوي محمد واخت فاطمه التوفيق وعدم التذمر ورضا بامر الواقع والله يهب لكم معونه و حظ ما يبيح
 
#74
سلطان اخوي، لو نص الشعب مبتعث مو بس ٧٠٠ الف ترئ السعوديه ما شاء الله ما راح يضرها شي هذا واحد. الشي الثاني انا الحمد لله دائم مع بلدي ومقدر ومقتنع بامر الله ومحترم الاشياء الجميله اللي تسويها السعوديه زي الابتعاث وغيره، مو زي بعض الطلاب اللي يسب ويلعن في السعوديه. بس انا كمواطن الابتعاث وغيره حق من حقوقي، وكمان هذي الاشياء بتعيد بالنفع للسعوديه في المستقبل القريب.
وبعدين اذا السعوديه تبي الابتعاث ينجح لازم تراعي الطلاب وحاجاتهم ولا وشو له الابتعاث اذاً، اذا ما يهتمو ويراعو سبل الراحه للطلاب ومرافقيهم.
وبالنسبه اذا تتكلم عن دخل ثاني ومو عارف ايش زي الاهل مثلا، اذا انت اهلك ما شاء الله يساعدوك في غيرك كثييييييير حالتهم ما يعلم فيها الا الله. وانا اعرف ناس مطلعين صك اعاله لامه او ابوه عشان يجيبهم هنا وياخذون مكافئه مرافق لانه وضعهم جدا صعب. اخوي سلطان اللي يده في الماء مو زي اللي يده في النار. ترئ فيه ناس حالتهم جدا تعور القلب.
انا اتوقع انت تتكلم بحكم انك دارس في ولايه جدا رخيصه والسكن عندك رخيص جدا ومو متزوج وما وراك ارتباطات.
نسيت اقول شي، انت تقول فيه مجالات كثيره غير الابتعاث، اذا احنا فكرنا في الشي ذا صدقني ما راح يبقئ ولا مبتعث.
تمنياتي لك بالتوفيق
 
#75
الله يسعدك محمد الابتعاث انا ما اشوف به اي شيء بلعكس بزود مريحينا ومدلعينا بعد .. غير كذا تدري ان راتب العماني 1500$ فقط لا اكثر وما يعتمد الا عليها ومدير اموره وتكفيه اعرف كثير اذا تبغاني ازودك بتواصل معهم بعد اخذ الاذن منهم وتستفيد وتتعلم ابشر ..
انا ي حبيبي ساكن وادرس بلوس انجلوس غنيه عن التعريف وما يحتاج اذكر اسعار الايجارات الي تبدا ع الاقل 1400 اذا كان سكن طيب وغيرها من تاكس وامور كثيره .. واذا م حصل دخل ثاني من اهله او اي مصدر اخر .. يرجع بسيطه يكمل دراسه او يصبر لين يحصل حل جيد .. كيف ما يبقی ولا مبتعث بلعكس اعرف مبتعثين واجد مثلا حولو منحه داخليه او تحصلو ع وظيفه او ماعاد قدرو يكملو .. فيه كثير فكرو بغير الابتعاث بعد ما طلعو ابتعاث اعرفهم شخصيا والحين هم موظفين والي كمل بسعوديه ..
بنهايه المقصد انه لا تحزن اذا الابتعاث ما ساعد اي احد يشوف حل اخر يمكن يحصل احسن منه بكثييير لقوله تعالی
(وعسی ان تكرهو شيء وهو خير لكم وعسی ان تحبو شيء وهو شر لكم )
 
عرض العطلة
#76
اخوي سلطان انا اقول الابتعاث ممتاز وفكره جيده بس لازم يكون بطرق افضل ومميزات احسن. وسالفه مدلعينا ومريحينا ما اعتقد طلعت من قلبك. معلومه جديده بالنسبه للاخوننا العماننين بس تعال. انت شفت شروط الابتعاث عندهم. ما يدريك يمكن يقدر يكون موظف في عمان ويطلع بعثه. شروطنا احنا ممنوع الكلام ذا والكل عارف. وكمان الكل يتفق انه المكافئه جدا ما تكفي بعيد عن المساعده من الاهل او المداخيل الثانيه. كيف اصحابك العمانيين ١٥٠٠ دولار تكفيهم؟ اعطيني السر في الموضوع. انت تقول تعرفهم واكيد عايشين معاك في لوس انجلس اذا كان ع قولتك السكن ب ١٤٠٠ كيف يدبرو بقيه امورهم ب ١٠٠. يا سلطان الله ما شفناه بس بالعقل عرفناه. ممكن اصحابك ذولاء ساكنين ٤ او ٥ اشخاص في شقه وحده ويمشون امورهم بالعافيه او موظفين في عمان او انهم يلقو مساعده من اهاليهم.
الشي الثاني انت شايف انه الواحد اذا ما قدر يمشي اموره واهله ما حولو له فلوس يوقف ابتعاث ويرجع السعوديه او يصبر ع نفسه الين ما يلقئ حل؟ فكره جدا غريبه. موضوع يحول منحه داخليه انا ما عندي اي فكره عنها بس الكتاب واضح من عنوانه احنا في السعوديه وعايشين. فرق بين السماء والارض بين الحياه والدراسه والثقافه وفي امور كثيره بين هنا وهناك. فكره سيئه جدا اخوي سلطان انه الواحد يوقف او يصبر ع نفسه عشان وبحجه انه السعوديه ما تقدر تدفع زياده للطلاب وتريحهم من الهم اللي هم فيه. وفكره المنحه ما اعتقد انها فكره جميله، وومكن في ناس اجدر مني ممكن يجاوبو في الموضوع ذا، بس انا قلت راي بحكم اني دارس كليه في السعوديه وعارف الوضع هناك.
واخيراً اكيد اصحابك اللي حولو منح داخليه انه كان ودهم كملو ع الابتعاث الخارجي لانه الفرق وااااااضح جداً.
 
#77
اخوي محمد انا حاولت اقتعك لكن الايام راح تساعدني بأقناعك ..
واصحابي العمانيين طال عمرك مب بلوس انجلوس باحد الولايات الجنوبيه وفيه بانديانا برضو وبسيطه قادر يدبر امره ايجار يدفعه من 600 الی 800 .. والباقي يدبر اموره المعيشيه ليس غيرها من فله وبطر ..
لا ما كان ودههم واحد جاب 6.5 بالايلس وقدم بجامعة الملك عبدالله بجده ثول وتخرج والشركات كبيره قدمت له عروض هو ماراح لهم هم الي جوه يعني حصل له خير ورزق وما كان وده يكمل بعثه وكانك حاب وتبي تتاكد وتتعلم اخليك تتواصل معه اذا هو سمح .. ومثل ما ذكرت بالايه السابقه
 
#78
ومعنى القاعدة بإيجاز:
أن الإنسان قد يقع له شيء من الأقدار المؤلمة، والمصائب الموجعة، التي تكرهها نفسه، فربما جزع، أو أصابه الحزن، وظن أن ذلك المقدور هو الضربة القاضية، والفاجعة المهلكة، لآماله وحياته، فإذا بذلك المقدور منحة في ثوب محنة، وعطية في رداء بلية، وفوائد لأقوام ظنوها مصائب، وكم أتى نفع الإنسان من حيث لا يحتسب!.
والعكس صحيح: فكم من إنسان سعى في شيءٍ ظاهره خيرٌ، وأهطع إليه، واستمات في سبيل الحصول عليه، وبذل الغالي والنفيس من أجل الوصول إليه، فإذا بالأمر يأتي على خلاف ما يريد،
و هذا هو معنى القاعدة القرآنية التي تضمنتها هذه الآية باختصار.
 
#80
ممكن تزودنا بمعلومات عن التحويل لبعثة داخليه؟؟
لان كثير يبون يحولون ورفضت لهم الملحقيه.. اما تكمله او إنهاء البعثة.
 
عرض العطلة
عرض العطلة
عرض العطلة
أعلى أسفل
عودة
قائمة