اخواني السلام عليكم .. لدي استفسار بسسيط. مكتب المبنى الي اسكن فيه...

[Meshari Bin Faisal]

اخواني السلام عليكم ..

لدي استفسار بسسيط.

مكتب المبنى الي اسكن فيه يطالبوني بمبلغ ٣٠٠ دولار وانا دافع كل الايجارات وما على اي تاخير . المهم انهم حيرفعو علي قضيه ايش مكمكن اسوي عشان احفظ حقي.

شاكر لكم جميعا

 

[Hadi Alyami]

لو معاك الايصالات ماراح يقدرون يسو لك شي

 

[Abdulaziz Albayhi Aziz]

روح خذ بنك ستيتمنت اذا كان تدفع من حسابك راح يطلع المبالغ المدفوعه من قبل

 

[Meshare AL-Baiz]

واذا ما عندك اليصالات روح للبنك وخذ اوراق حقت جميع المعاملات حقتك وطلع منها المعاملات

 

[Abd Waheb]

كيف تدفعلهم الأيجار

 

[Muna Alali]

اسالهم طيب وش سبب ال ٣٠٠ دولار .. اذا على ايجار .. فزي ماقالو الشباب خد البنك الستيتمنت وبتمشي امورك ..

 

[Mohammed Hassan]

ماقالوا لك سبب مطالبتهم ل 300 دولار ؟

 

[Hameed Almomen]

مو معقوله كيف يرفع عليك قضيه .. طيب السكن ماقالك هذي هالثلاث ميه ليش؟؟

 

[Anwar Alshaiban]

دور على الايصالات وايضاً ، البنك ستيتمنت اذا انت تدفع أون لاين وخلهم يرفعون فيك قضية وبعدين اذا ماطلع عليك شي ارفع عليهم قضية وخذ حقك مربوع ومثلوث

 

[Albeshi Jebryl]

سبب ٣٠٠ دولار ايش

 

[Ibrahim Alyaqoob]

ادا عندك ايصالات قوله ارفع قضيه ياخسران.

 

[Haidar Al Mai]

اذا انت متأكد ان امورك في السليم خلهم يكتبون لك في ورقه انهم يطالبونك بهالمبلغ و سبب المطالبة
اذا شفت معاهم حق عطهم المبلغ و افتك
و اذا الحق معاك و امورك في السليم استشير محامي و ارفع عليهم قضية

أنا مره سألت وحده تبع استشاريه عن الامور القانونية للإيجارات في مدينتنا عن موضوع الديبوزت
قالت لي لو اخذو الديبوزت حقك بدون سبب تقدر ترفع قضية و تكسب ١٢ الف دولار منهم اذا كسبت القضية

 

[Hussain Sami Rashed]

ال ٣٠٠ يمكن تكون حق تنظيف وتعديلات الشقة راجع عقدك وتأكد اذا مو موجود هذا البند مالهم يطالبك

 

[Walaa A. Alattas]

اول خطوه روح لهم وأتفاهم معاهم بالطيب واسألهم لايش ...اذا كان لهم حق فادفع واذا لا لاتدفع!

 

[Physiology Human]

يالله لازم الواحد ينتبه لانه حتى هناك نصابين يبو فلوس وبس

 

[Meshari Bin Faisal]

الموضوع قبل ٧ شهور سحبو سيارتي من القراج تبع العماره وانا ادفع ايجار للموقف ومن غير ما يخبروني فجاءه سحبوها بدون سبب ولما اتفاهمت معاهم قالو اخصم المبلغ الي دفعت في السياره لما انسحبت من الايجار وفعلا هذا الي صار والمشكله الشخص الي موجود حاليا غير السابق يعني ما يعرف شي عن الموضوع !!

 

[Meshari Bin Faisal]

هل ارفع عليهم قضيه او استشير محامي واذا احد يعرف ارقام مكاتب محامه ياليت يفيدنا وشكرا لكل من علق يعطيكم العافيه

والله يحسن عزانا جميعا بوفاه والدنا عبدالله بن عبدالعزيز ويرحمه ويسكنه فسيح جناته!

 

[Walaa A. Alattas]

اذا رفعوا قضيه جيب إثباتات دفع الإيجار ..وبعدين اطلب تعويض عن السحب التعسفي وكمان على رفع قضيه عليك بدون وجه حق!

 

[Walaa A. Alattas]

دفع الإيجار حق القراج

 

[Walaa A. Alattas]

بس اهم شي بعد مايصرحوا ان المبالغ عشان سحبوا سياراتك لأنك مادفعت