H
Hussain Alawami
:: مسافر ::
الاختيار الصائب هو ماك بوك برو مع شاشة ريتينا ١٣ انش. هو أحدث وأسرع لاب توب عند آبل. عيوبه شغلتين، الأولى هي عيب وهي ميزه بنفس الوقت إنو مافيه مشغل اقراص بس هالشي ساعد بتخفيف الوزن وحاليا الاجهزه الجديده في شركات كثيرة ل اللابات النحيفه (الالترا بوك) تلغي وجود مشغل الاقراص عشانه ياخذ مساحه ويثقل الجهاز وهدفهم تخفيف الوزن والحين صارت الناس ماتستخدم السيديات زي أول! الحل في إنك تاخذين مشغل اقراص خارجي سعره رخيص اتوقع ١٠٠ دولار لو انك تحتاجينه. العيب الثاني في الجهاز انو عاملينه زي الايفون القرص الصلب حقه يجي ١٢٨ جيجا و٢٥٦ و ٥١٢ وفرق في السعر بين ١٢٨ و ٥١٢ ٥٠٠ دولار.. وطبعا في وجهة نظري انو لاب بهذي المواصفات حرام يكون الهارد درايف حقه حتى ٥١٢. بس اذا ماراح تستخدمين اللاب بتطبيقات كثيره ف ٢٥٦ يكفي ولو احتجتين مساحه اكبر تقدرين تاخذين هارديسك خارجي لوكان عندك مشكله من ناحية السعو. فرق بين سعر اللاب ال ٢٥٦ وال ٥١٢ جيجا ، ٣٠٠$ .. اذا ماعندك مشكله بالسعر ف ٥١٢ افضل شي في رأيي، تكون المساحه زائدة عن حاجتي ولو أتورط واخسر اللاب في المستقبل! وهذا الرابط بموقع آبل فيه الاسعار والمواصفات /Macbook Pro والصورة المرفقه هي للجهاز الريتينا باعلى مواصفاته. ولك حرية الاختيار وبالتوفيق إن شاء الله
وعوافي.