انا جاتني مكالمه اليوم من رقم غريب يقولون انهم الشرطه يطالبون بضرائب الطالب...

  • بادئ الموضوع بادئ الموضوع Saud Almarri
  • تاريخ البدء تاريخ البدء
عرض العطلة
S

Saud Almarri

:: مسافر ::
#1
انا جاتني مكالمه اليوم من رقم غريب يقولون انهم الشرطه يطالبون بضرائب الطالب واذا لم ادفعها راح ينهون مستقبلي ويوقفون كل شي لي ف امريكا. على طول كلمت الشرطه وعلمتهم وقالوا انت رابع شخص يخبرنا بمثل ه المكالمات. ف أنتبهوا اذا جاكم رقم غريب يأما لاتردون او ردوا وتأكدتوا انهم هم كلموا الشرطه وبلغوهم. والله يحفظكم بحفظه.

محرد تنبيه فقط ليس استفسار او شي، لان فيه ناس يمكن تختلع من طريقه كلامهم وتتصرف بدون ماتسأل.. الله يحفظكم ويحماكم يارب البيت
 
#3
انا جاني الرقم مفتاح خطه منطقتي، ودخلت الرقم ف قوقل وطلع لي انهم شرطه بس قالوا الشرطه انهم مدري كيف استخدموا رقمنا للإبتزاز
 
#5
قبل يمكن 3 سنوات حصل معي موقف مشابه, حجزت رحلة طيران من فندق , ولما رحت المطار واخذت البورندق وكل حاجة اتصل علي رقم غريب (فقط ثلاث ارقام) وقالوا لي انهم الخطوط اللي انا حجزت منها وانهم بحاجة إلى الثلاث ارقام اللي خلف البطاقة لتأكيد حجزي. اللي يكلمني كان هندي بأكسنت جدا مضروب, طبعا كل هذا وانا اساسا قصيت البوردنق وكل حاجة وجالس انتظر الرحلة. فقلت اتاكد, قلت البطاقة مو معاي كلمني بعد 5 دقايق. رحت لموظفة الخطوط قلت البوردنق سليم تبعي؟ قالت نعم, قلت الرقم هذا من ارقامكم ؟ قالت لا, قلت يطلبني رقم البطاقة, قالت لو كنت مكانك ماراح اعطيه. قلت شكرا.. خليه يتصل وانا اوريه شغله :) طبعا كل هذا حصل لأني حجزت من شبكة الفندق وكنت جدا مضطر وقتها لهالشئ.
 
عرض العطلة
#6
أنا تقريباً اقل شي أربع مكالمات واردة يومياً من داخل أمريكا و كلومبيا يبون يحجزون غرفه بفندق او يستعلمون عن الأسعار !! أفكر استغل الموقف و بعدها النحشه يا ولد
 
#7
الشرطه او اي جهة حكومية مستحيل تطالبك بفلوس عن طريق الهاتف. انا حصل معي نفس الموقف ومادري كيف اللي اتصل علي عرف عنوان شقتي ولاكن طلع كذاب. المره الجايه اذا اتصلو قول: hello this is dominos pizza what can I get for you?
 
#8
هههههههههههههههههه الشعب كلكم يعانون الله يحفظكم يارب. والشرطه اذا تبي شي منك وقفت قدام باب شقتك ماراح يكلمون. والغريب ف الامر اني قلت ماعندي الا خمسين دولار قال يالله روح ولمارت الحين وانا معك لاتقفل قلت يابو الشباب وش السالفه هههههه وقفل هو.
 
#9
جاني نفس الاتصال ويعرف كللل معلوماتي عنوان السكن ومكان الدراسه ونفس ماقلتوا هندي او باكستاني بأكسنت مضروب ومافهمت من كلامه ولا شي وخليت التيتشر تكلمه يقولها لازم تدفع الحييين لان ارسلنا لها انذارات قبل وماردت واذا مادفعت الحين الI20 بيتكنسل يلا عطوني رقم البطاقه
بس الحمدلله انتبهنا ان في شي مو طبيعي وقالت له اتصل بعد شوي وسكرنا
 
#10
يااخوان الحكومه الامريكيه ماتتصل لتحصيل رسوم ترسل لك على البريد حق السكن بعض الاحيان تجيك اتصالات تقول حنا من الامقريشن ادفع خلال 48 ساعه او تترحل لذلك اي اتصال يجيك يطلب منك بياناتك سوا اسمك مكان دوامك الخ...، لاتعطيه واذا طالبك بمستحقات وانت ماتعرفها فورا بلغ الشرطه
 
عرض العطلة
#12
لا تهتم جاني مثل ماجاك وشيكت الرقم وطلع رقم بتاع الشرطه قمت ورحت لهم عشان ارتاح قالو لي عندك مشكله او احد يطالبك او شي من هالقبيل .. قلت لا, قالوا ماعليك هذٰ خرابيط وناس عندهم برامج يحطون الرقم الي يبونه عشان اذا دقو ع اي احد يطلع الرقم الي حطوه .. ف عادي ولا تخاف خرابيط وبرامج مزيفه وناس تحب تلعب وتخوف ومنها يبون يسرقون ف لا تهتم وشكرا
 
#13
انا جاني اتصال قبل فترة وكان جدا مشكوك بآمره ويطالبني بسداد فاتورة لإبني بقيمة ٦٠٠ دولار ومارضي يوضح لي المصدر
بس بالاخير قفلت المكالمة
 
#14
انا ما شفت نصب اكثر من النصابيين في امريكا و ينصبوا على العالم في الدول الثانيه كمان،،،، زي الجامعات الى اونلاين الامريكيه 99% نصابيين ،،، سحب فلوس
 
#15
سمعتوا عن التعداد السكاني؟ واحد قاعد يتصل و يرسل رسائل بريد عادي لصاحبي
وكلمه صاحبي, وشرح له الموضوع ان شقته تم اختيارها للتعداد السكاني وانه لازم يتواصل معه وكذا. فما أدري وش الهرجة صاحبي مطنشهم له 3 اشهر تقريبا وما زال يتصل به ويرسل له.
 
عرض العطلة
#16
ايوا التعداد كانوو ورانا كم شهر لين يوم دخلنا الشقه و هم معانا
عادي اسئله
و المفروض كان جاوبنا على رسايلهم افضل من جيتهم عندنا
 
#18
يا سلااااااااام ياخي...
جميل جدا ان تشارك الناس كل شئ ,,اكثر ما لفت انتباهي هو مدى الخير الفيك وحبك للخير لنا ,,وكان بامكانك تقل على بنفسي ولا على من احد بس كفوو والله ويعطيك العافيه حبيبنا..
 
عرض العطلة
عرض العطلة
عرض العطلة
أعلى أسفل
عودة
قائمة