سلام عليكم ورحمه الله وبركاته كيف حالكم ي مبتعثين في أنحاء العالم ((...

[Ali Almaqbul]

سلام عليكم ورحمه الله وبركاته
كيف حالكم ي مبتعثين في أنحاء العالم (( اعجبتني أنحاء العالم ))
ان شاء الله أنكم بأتم صحه وعافيه
بغيت اسالكم ولا عليكم امر عن تخصص طب الأسنان من ناحيه المناطق والجامعات اللي تدرس هذا التخصص وثانيا عن متطلباته من ناحيه اختبار الايلتس او متطلبات اخرى
وأتمنى يكون الرد من اصحاب الخبره أو طالب يدرس هذا التخصص يكون تمام
والله يوفق الجميع

 

[Mane Al Mansour]

عندك في جامعتنا موجود التخصص وروميتي بيتخرج وتخصصه طب اسنان على السبرنق الجاي ان شاء الله

 

[Dalal Albabtain]

انا ادرس طب اسنان،،اهم شي لاتجي المانيا وسلامتكم

 

[Mane Al Mansour]

الجامعه ETSU في مدينه جونسون ستي، ولاية تنسي .
تطلب ٥،٥ ايلتس او ١٢ اي ال اس ، او ٦٢ توفل ، والتخصص فيه مفاضله

 

[Ali Almaqbul]

Mane Al Mansour الله
لايهينك ي مانع ابيض وجه

Dalal albabtain ليه والله فيه ناس كثير يمدحونها

 

[Yaya Abdullah]

شروطك على إجابة السؤال
اكثر من شروط الجامعة الي تدرس طب أسنان

 

[Ali Almaqbul]

Yaya Abduallah هههههه ترا لو تلاحظ بس شرطين انا كاتب بس الشرط الثاني اذكره بالتفصيل

 

[Yaya Abdullah]

الله يوفقك

 

[Dalal Albabtain]

انا ماخليت اختي تجي المانيا بغض النظر عن التخصص فنصيحه اخويه فقط ،،، لو المانيا من خيارتك يعني .... المانيا سالفتها سالفه لا ملحقيه ولا وزاره تفهم النظام والدراسه صعبه وممكن باي لحظه تنطرد من الجامعه حتى لو ماده وتتخرج

 

[Bo Kalid H]

السلام عليكم .... تبغي تدرس بكالوريوس أسنان عام او تخصص؟ وهل غايتك الدراسة في امريكا او في مكان ثاني؟

 

[Ali Almaqbul]

Bo Kalid h
اسنان عام
اي مكان ولكن لو يكون في امريكا يكون احسن

 

[Bo Kalid H]

بشكل عام مافيه مكان محدد تقدر تقول انه افضل مكان لدراسة التخصص .... وبخصوص طب أسنان العام لو تتم دراسته في مكان انت ترتاح له وفي فترة مقبولة .... وبعدها تختار دولة مثل امريكا او بريطانيا وحتى اليابان من الاماكن المعتبرة طبعا فيه دول ثانية للتخصص ماذكرتها والدول المذكورة فقط كمثال لا الحصر ... اذا ماتفضل الدراسة داخل السعودية عندك الدول العربية مثل الأردن دراسة طب الاسنان جداً ممتازة وطبعا فيه سلبيات وفيه إيجابيات مثله مثل أي مكان ثاني ، طبعا فيه مصر والإمارات ولو كنت حاب تبتعث لازم تتاكد من قبول الوزارة للدولة والجامعة وطبعا أغلب هالجامعات ماتطلب شيء معين غير نسبتك المئوية تكون من ضمن المدى المقبول وكلما كانت اعلى كان افضل طبعا ... وفيه الدول الأوروبية وكل دولة لها متطلباتها ومن ضمنها بشكل عام درجة جيدة في الايلتس كأنها أكثر من ٦ تقريبا لكن عشان تعرف هالتفاصيل لازم تبحث عن كل دولة ترغب في الدراسة فيها وتشوف الجامعات اش هي متطلباتهم ... عن امريكا لازم تخلص اربع سنوات بكالوريوس نقول مثلا في البيولوجي وبعدها تقدم على طب الأسنان ولازم تنهي عدة اختبارات ومتطلبات مختلفة. بشكل عام امريكا هي المكان اللي فيه متطلبات كثيرة والدخول في التخصص مو مضمون لان لازم تكون مخلص بكالوريوس وبعدين تقدم مرة ثانية للأسنان ولازم يكون ملفك مبهر حتى يتم قبولك وفيه طبعا جامعات كثيرة ممكن تقبل طلاب لكن بسبب المنافسة الشديدة الطالب قبل مايقدم عليهم لازم بكون حاسب كل شيء صح....