S
Saad Alshamrani
:: مسافر ::
لك تمديد أربعة أشهر ، ارفقي لهم درجات الايلتس وكشف درجات من المعهد اذا تقدري تاخذي توصية من المعهد انك طالبة مجتهده وان مستواك قاعد يتحسن يكون أفضل من تجربه لا تاخذي بكثير من الآراء اللي ممكن صاحبها سامعها ولاهوب داري وش السالفة، سوي الخطوات اللي قلت بإذن يوافقون وترى الموضوع اسهل مما تتصورين. بالتوفيق ان شاء الله.
S
Sadoun Alwqitan
:: مسافر ::
اصعب مرحله يمكن يواجهها المبتعث او المبتعثه هي مابين اللغه والجامعه الكل مر باللاحظات هذي... مهم جدا الحفاظ ع الحاله النفسيه عشان ماتكون عقبه في طريقك.. المشكله ان البعض يبحث عن الجامعات اللي حوله واللي يعرفها فقط وهذا شي طبيعي لان الانسان ابن بئيته ( لكن تذكر ان هذا البلد مو وطنك ) يعني مراح تعيش فيه كثير فحاول انك توسع نطاق البحث لابعد مكان في امريكا حتى تكون عندك خيارات كثيره بالبحث بين الجامعات.
A
Anwar Alshaiban
:: مسافر ::
لا تأجلين لان هاذا راح يسبب ثغرة في تعلمك للغة وفي مستواك الدراسي، طبعا هاذا رأيي الشخصي حاولي تمددين لان الملحقية ايضا احتمال تغلق ملفك اذا رجعتي، انصحك تمددين وتزودينهم بتقارير عن مسواك في اللغة اذا كان مستواك كويس ونتائج الايلتس والتوفل وبإذن الله في خلال فترة التمديد ركزي جهدك عالقبول اكثر وان شاء الله تتسهل