السلام عليكم ورحمة الله وبركاته ابغى مشورتكم اخواني واخواتي انا...

  • بادئ الموضوع بادئ الموضوع Amjad Alyamani
  • تاريخ البدء تاريخ البدء
عرض العطلة
A

Amjad Alyamani

:: مسافر ::
#1
السلام عليكم ورحمة الله وبركاته

ابغى مشورتكم اخواني واخواتي

انا الحمدلله طالب مبتعث لكن مأجلها حاليا وانتهت فترة التأجيل من زمان... لكن الحمدلله انهم ماقفلوا ملفي في الملحقية

خلصت مرحلة اللغة في 6 شهور تقريبا ودخلت الجامعة على طول... درست ترمين فقط ودرجاتي ومعدلي مرة ماتبشر بالخير لدرجة اني جالس اقدم على جامعات وكليات من يوم مارجعت للسعودية وإلى الآن الكل رافضني بسبب المعدل.. طبعا درجاتي في الحضيض والملحقية معطيني انذارين... إنذار لكل ترم

كلية بورتلاند منتظر ردهم في خلال اليومين هذي... رفضوني بسبب المعدل لكن اعطوني فرصة لقبول مشروط إذا كتبت essay اجاوب على 4 أسألة... تمت كتابته وارسلته من اسبوعين.. والحين منتظر قرارهم

إذا قبلوني إن شاء الله بطلع ادرس على حساب الوالد ترمين (يعني 6-7 شهور تقريبا... الصيف والفال)
في نفس الوقت حاليا جالس أفكر اني احولها لبعثة داخلية أو اني خلاص اكنسل الابتعاث وأقدم في الجامعة السعودية الإلكترونية في جدة

لما كنت في المدينة وقبل ما اخلص اللغة كنت ناوي اني انقل من الولاية بكبرها... لكن الشباب هناك قالولي ترا الجامعة كويسة وبتخلص لغة وعلى طول جامعة بدون ايلتس وتوفل ومن ذا الكلام

من بدأت الدراسة الجامعية وانا مثل الأطرش في الزفة.. خلص الترم الاول ودرجاتي مثل الجو البايخ تحت الصفر قالولي لازم ترجع السعودية ترم وترجعلنا... غبت ترمين السبرنج والصيف ورجعت الفال لترمي الثاني والحالة والنفسية زفت وقرفان من ال(قرية) الي انا فيها غير المرض الي جاني... والدرجات مثل الترم الأول

الحين مدري هل إذا قبلتني الكلية اطلع بيجيني نفس الشعور ولا بتتغير نفسيتي واكون أفضل !؟
والله يشهد على كلامي ونيتي... طفشت من وضعي الحالي وابي ادرس...العمر يمشي وانا واقف مكاني

ما اقول غير الله ييسر أمري وامركم ويفرج كربتي وكربتكم
 
#2
خلصت اللغة من المعهد ولا اختبرت وجبت الدرجة؟ هل كانت الصعوبة عندك بسبب اللغة او بسبب شي تاني؟ هل احساس الضيق من المدينة بدأ بعد الجامعة ولا كان موجود من البداية؟ اذا مرا كنت حاس بالوحدة والطفش ما افكر تتزوج وتطلع ؟ ممكن يكون دا حل! اذا اللغة السبب طور لغتك ! اذا ما كنت تذاكر حاول تذاكر دحين ، اذا الجامعة مو مناسبة حاول تقدم على مكان جديد! بالتوفيق عموما واهم شي أستخير
 
#3
خلصت اللغة من المعهد.. والصعوبة في البداية كانت لغة لكن بعدها صارت نفسية
واحساس الضيق من المدينة بدأ تقريبا في آخر ترم لي في المعهد
الزواج ممكن بعد سنة-سنتين من الدراسة لدرجة ان الوالدة بتقولي اخلص سنة وبعدها تجوزني وتطلع معاي
انا في الفترة الي جالس فيها في جدة بدأت اطور لغتي وخاصة في الكتابة
ايش اذاكر؟!
المصيبة اني قدمت على جامعات في مختلف الولايات... لكن مثل ماذكرت فوق معدلي هو سبب رفضي

الله يوفقك ويرضى عليك.. وشكرا لكي
 
#4
اذا اللغة هي أساس المشكلة اختبر ايلتس او توفل بعدها قدم للجامعة من جديد كانك طالب جديد بدون ما تطلب معادلة الساعات .
 
#5
المصيبة طلعت انهم يعرفوا اني دارس قبل كذا... كل الجامعات والكليات الي قدمت عليها طلبت مني ارسال الترانسكربت... في جامعة رسلتلي رقم الطالب حقي حق جامعتي
بحثت في الموضوع وتبين لي انه في سستم يبين لهم إذا أنا درست في أي جامعة... الخ من معلومات
في جامعة رفضتني بسبب ان الابليكيشن ناقص الترانسكربت + اني ماقلت لهم اني درست... وقلتلهم ماكان فيه أي سؤال أو خانة إذا أنا درست في أمريكا من قبل + انا ببدأ من جديد بدون معادلة... أغلبهم قالي ماينفع تبدأ من جديد!!!
من بعدها وانا بدأت اكره الدراسة والرجعة
 
عرض العطلة
#7
مو انا متردد حاليا... إذا انقبلت أن شاء الله... هل اطلع واحاول وأشد حيلي أكثر أو اني احولها لمنحة داخلية؟ للعلم أن الوالدة تبغاني اطلع ثاني لكني متردد
 
#8
اخوي أمجد ربي يشرح صدرك وييسر أمرك ويلهمك رشدك ، انا انصحك اولا انك تستخير الله مافي أفضل من صلاة الاستخارة فمثلا تستخير على انك تسافر وتكمل دراستك وتمشي في الموضوع وتواصل فيه وان كان شر لك فالله عزوجل بيوقف الموضوع وبيبدلك الأفضل لك ، ثانيا اجلس مع نفسك واحسبها هل بتكون أقوى من هذه النفسية أو ناوي تستسلم لهذا الخوف ؟ انت اكثر انسان يقدر يجاوب من واقع شخصيتك وبيئتك ، أخر شي أخوي ركز على الأهداف والطموح بمعنى ايش تريد من هذا الابتعاث وهل تقدر تحقق طموحك بدون ابتعاث او لا.

بالتوفيق :)
 
عرض العطلة
#13
اختي دانيه محتسب والاخوان Fadi Al و Abdullah Alharbi... شكرا لكم على نصائحكم ووقفتكم معاي

الحمدلله اليوم رسلولي ايميل اني انقبلت في الكلية بقبول مشروط (المعدل ماينزل عن 2.0) وهذي اعتبرها فرصة أخيرة لي وان شاء الله اكون قدها + الأوراق تم ارسالها وبتوصلني إن شاء الله في خلال 5-10 ايام

ارسلولي صور من الi20 عشان اعمل موعد للفيزا + آخر يوم اقدر ادخل فيه امريكا 29 ماي + الاورينتيشن بيكون 2-5 جون

هل اعمل موعد الفيزا بعد 15 يوم من الآن؟ (هل تعتبر كافية حتى توصل الأوراق؟ رسلوها عن طريق فيديكس) وفي كم يوم ممكن تطلع الفيزا؟ (اعرف انها حظوظ... بس ايش الوضع الأيام دي)!

الله يكتبلنا الخير ويوفقنا في دراستنا اجمعين
 
#14
ماشاءالله تبارك الله ربي يوفقك وييسرلك الخير اينما ذهبت اخوي أمجد ، ان شاءالله ١٥ يوم تكون كافية ولكن تحسباً لأي طاريء مددها ل٢٠ يوم وممكن أيضاً تتأكد من فيديكس عن موعد وصول الاوراق التقريبي ، وطالما انت مستخير لا تشيل هم أبداً ان شاءالله ربي بيسيرلك الامور ويسهل لك الصعب وبالنسبة لصدور الفيزا أيام قليلة من خمس الى عشر ايام ان شاءالله اذا امورك في السليم وماعليك اي مشاكل ، دعواتي لك بالسداد
 
عرض العطلة
عرض العطلة
عرض العطلة
أعلى أسفل
عودة
قائمة