السلام عليكم يااخوان......دقت علي جامعة اليوم تقولي نبغا نسوي معاك مقابله...

  • بادئ الموضوع بادئ الموضوع Sali Canada
  • تاريخ البدء تاريخ البدء
عرض العطلة
S

Sali Canada

:: مسافر ::
#1
السلام عليكم يااخوان......دقت علي جامعة اليوم تقولي نبغا نسوي معاك مقابله بخصوص تقدمي لوظيفة عندهم في يوم المهنه 2014.

سؤالي للموظفين وأصحاب الخبره الأكاديمية, هل في المقابله أكون متفلسفه بثقافه ولااتصنع اكون ضعيفه ولبقه سؤال ورد غطاه؟ لاني سمعت هذي الجامعات الكبار يخافون من المتفلسفين عشان لاياخذو مكانهم لو أخذوا الوظيفه(حسد يعني والله أعلم ومعليش ع الكلمه) مع اني ماني متاكده من دا الشي بس الحذر واجب. انتم وش رايكم؟

أنا دايما اجاباتي تكون شوي كبيره و اخاف دا الشي يطير الوظيفه مني مع الشح الوظيفي الي صاير..

والله يخليكم تدعولي أني احصل الوظيفه على خير ..ملينا انتظار...

شكرا
 
#2
ذكرتيني اليوم كانت عندي مقابلة شخصية ف الجامعة. مدري وش انصح. لكن حضري حالك وتوقعي انهم يحرجوكي ممكن. فكوني لبقة ومحترمة ف الرد. لاتكوني ضعيفة ولا فيلسوفة. اهم شي انك قد الوظيفة وأكثر شوي.
 
#3
بنظري ان الإجابة تكون مقتصرة على السؤال بدون حشو زائد لأنك كل ماكثرتي كلام كثروا اسئلة وتحقيقات

طبعا هذا لا يمنع اذا عندك كلام موزون وتقدرين تاخذين وتعطين فيه انك تضيفينه يشرط ما يكون خارج عن السؤال

بس هل هذي الجامعة في أمريكا ولا في السعودية؟

بالتوفيق
 
#4
تبى المقابلة الشخصة على أربع معايير:
1- الثقافة العامة
2- مدى الإلمام في التخصص
3- سلامة النطق
4- المظهر الخارجي

طبعاً الإجابة تكون واضحه ومحددة بالسؤال، وحتى لو ما فهمت السؤال ، لك حق تطلب الاعادة وهذا لا يضرك بشئ.
 
عرض العطلة
#6
بيسألونك عن نفسك , تتكلمي عن نفسك حبتين , بعدين تتكلمي عن خبرتك بالابتعاث وايش قدملك وقدمتي لي , ,امكانية انك تكملي ابتعاثك لاحقا لمراحل اعلى , خبراتك الاكاديمية والمهنية والعملية, وليش انت شايفة نفسك الأنسب لهالوظيفة, وممكن (نادرا) اسألة عن التخصص.
 
#8
سويت مقابلة قبل كم يوم عن طريق الاسكايب وانا هنا في امريكا
سالوني كم سؤال عن التخصص
ولا سوال كان عام
ومدة المقابلة 3 دقايق !!!!
 
#9
بعد ماقالوا خلاص خلصنا
شكيت في نفسي
بحثت عن الأجوبة ولقيت نفسي مجاوب صح 100%
بس ليش 3 دقايق
الله اعلم
 
#10
يااختي الله يوفقك دنيا واخره اعتقد ان المناصب اللي يخاف عليها مابتكون المقابله المترشح احد العوامل فيها ، بمعنى انا كانت مقابلتي من النوع اللي تتطلب اجوبه ع قولتك كبيره والحمدلله رغم اني كنت فاقده الامل بس الحمدلله تيسرت . بس يعني للسيف سايد اعتقد وقت المقابله تقدري تحددي من السؤال اذا الجواب يتطلب الاختصار او الاسهاب
 
عرض العطلة
#11
وعليكم السلام سالي.. من تجربتي في المقابلات للوظايف الاكاديميه يكون الهدف عاده انه اللجنه تتعرف على شخصيتك العامه ومعرفتك بالمجال اللي انتي مقدمه عليه.. اجابتك المفروض تعكس المامك بالسؤال المطروح وثقتك في الشي اللي بتقوليه.. ابدا ماانصح انك تتصنعي الضعف لانه ممكن ينظر لدا الشي بنظره سلبيه وممكن يأثر على تقييمهم لكي.. كوني واثقه تمام الثقه انه لو لكي نصيب في هدي الوظيفه راح تاخديها كل شي في يد ربنا. واخر نقطه احب أوضح لك هيا انه باذن الله لو لكي نصيب واخدتي الوظيفه فأنتي ماراح تاخدي مكان احد فلا تحطي في بالك انه المسأله فيها حسد او شي من هدا القبيل. أتمنى تدخلي المقابله الشخصيه وانتي واثقه في نفسك وفي ادائك وبالتوفيق
 
#14
انا عن نفسي وقت المقابلة لا تفلسفت ولا شي وبصريح العبارة الشي الي ما اعرفه كنت اقول ما اعرف وهذي احد الاسباب ابي خلتهم يقبلوني وبالتوفيق بس ترىن في اشياء يهتمو فيها زي حركت اليد وقت الكلام الثقه طبعا المظهر واشياء زي كذا وبالتوفيق
 
#15
قبل فترة كانت عندي مقابلة لوظيفة أكاديمية حشكوني في سؤال هل أنت متابعة جيدة للأخبار اليومية في كل وسائل الإعلام
كان جوابي الصريح لا
لاني ما أحب اشوف مشاهد العنف و القتل أحس اني أتأثر و أحزن و انا ما اقدر أساعد الفئة المنكوبة
فكان رد اللجنة انه شيء واجب عليا متابعة الأخبار عشان اعرف أتعامل مع مشاكل الناس كأخصائية نفسية
بس خلوني مرة ارتبك بسؤالهم دا و حسيت إني مني قادرة اقول شيء مع اني في البداية مرة كنت بأتكلم بثقة و ركازة
طبعاً ما اتوظفت بس كويس اني ما كنت رافعة سقف توقعاتي زيادة عن اللزوم و كنت مقدمة على البعثة من بدري الله يعوضني بشيء احسن بعد ما احصل على درجة علمية أعلى
 
عرض العطلة
#18
اجابتي كانت " بناء جسر اداري بين وزارتي ووزارة التخطيط وإلغاء اي قرارات عشوائية لاتراعي مرئيات وزارة النخطيط ومصلحة الفرد أولاً مهما كانت جودتها. وثانيا اشراك وتفعيل دور المواطن في عملية صياغة القرارات الموجهة إليه.:)
 
#20
الله يسعد كل الي رد ايجابي...وألف شكر ويارب التوفيق فال الجميع.

حبيت أضيف أن الكلية الي بتقابل معايا كلية إدارة أعمال وانا تخصصي بالماستر والدكتوراه احصاء..
 
عرض العطلة
عرض العطلة
عرض العطلة
أعلى أسفل
عودة
قائمة