السلام عليكم من جينا امريكا وزوجي جاته الحساسية في التنفس له شهور طويلة...

[Fato Az]

غالبا البيت المفروش بكاربت مايناسبه لازم يكون باركيه ويبعد تماما عن الاماكن المغلقه بالبيت اللي ماتوصلها شمس زي غرفة الملابس المستودع انا حالتي بسيطه اهون منه كان جسمي كله حبوب فجاه فطلع عندي اكثر من ست انواع حساسيه شديده بعد اختبار ١٨ نوع من الحساسيه وكمان مكيف السياره لايشغله بنفسه يحاول احد يدخل يشغل السياره اول وبعد ماتروح غبره التشغيل يدخل السياره انا بالنسبه ليا ماتحمل غبار المكيف ع طول اعطس منه بس حاليا مستقره مع تنظيف البيت وتشميسه ولو مو عقد البيت كان نقلت لشقه باركيه بدل الكاربت والحمدلله ع كل حال

 

[Bandar Alzabi]

أتمنى أنك تقرين ع زوجك المعوذات وان شاء الله بيطيب

 

[نورة طارق]

الشر مايجيكم

راح أكثر من طبيب الي يقول حساسية والي يقول سليم مافيه شي مجرد انسداد انف والي يقول مب لاقينا سبب يمكن ضغط نفسي

هو صحيح خف من رحنا السعودية ومن رجعنا وغيرنا الولاية زاد
الله يرجعنا لديرتنا سالمين

 

[Boon Nano]

اخواني الحساسيه انواع ولكل نوع علاج بأذن الله اما عن نفسي جتني حساسيه بالصدر لما كنت في ايرلندا على طول اكح مافيه دواء ما أخذته ولا نفع بس الحمدلله نزلت للسعوديه ورحت لمستشفى الحبيب فيه دكتور استشاري سوداني سوى لي فحص لقوه التنفس تنفخ فيه نفخ قوى وقال امورك تمام والحمد لله واطلعته على جميع الادويه الي معي اخذها ووضعها في الزباله تكرمون وقال أعطيك دواء واحد اقسم بالله أحسبه يضحك معي وال لليله شفطت منه خفيت شوي ومن بكرا الصباح شفطت منه شفطه قويه وتمسك النفس عليها عشر ثواني وتتنفس طبيعي وثاني يوم وانا متعافي وهذه صوره الدواء وقيمته ٢٠٠ وعليها

 

[Boon Nano]

 

[Boon Nano]

 

[Boon Nano]

ونرجوا من الجميع الدعاء

 

[Ali H Basfar]

روحو دكتور أخصائي حساسيه
ويسولو التحاليل اللازمه و ممكن يسوو تحليل للجلد.. سهاله بإذن الله وانصحك تروحو دكتور هنا في أمريكا على الأقل كل شي تحت التأمين
والله يشفيه

 

[Fofa Dreama]

والله مع احترامي بعض الناس قالبين صيدلانيه على غفله ، انصح الآخت ان تروح زيارة للطبيب المختص والابتعاد عن النصائح العامه الي ممكن تزيد الحاله سوء .

 

[Abdulmohsen Almasudi]

اخت نوره ، انا نفس النظام حساسيه وكتمه بالصدر وصعوبة تنفس ، هذي الحساسيه جتني من فترة ، فما آدري اذا كانت نفس الحاله او لا ، بس جتني مرتين بعض الدكاتره قالوا فايروس وجلس ثلاث أسبوعين وراح الحمدلله ، بالنسبة للدواء أعطوني بخاخ فقط واستمريت علية ومشيت عليه الحمدلله ، انصح ان زوجك يزور الطبيب وأتمنى له الشفاء.