نشر مقال في صحيفة ايداهو عن سبب ارتفاع الايجارات على السعوديين خصوصا وطلبة...

  • بادئ الموضوع بادئ الموضوع Almutairi Meshari
  • تاريخ البدء تاريخ البدء
عرض العطلة
A

Almutairi Meshari

:: مسافر ::
#1
نشر مقال في صحيفة ايداهو عن سبب ارتفاع الايجارات على السعوديين خصوصا وطلبة الشرق الاوسط
ونشر بعدها رد على نفس صحيفة عن السبب
وللاسف الخبر الثاني نقل صورة سيئة عن ثقافتنا ك سعوديين ولم يعجبني مضمونة
https://www.idahostatejournal.com/m...4-8eaf-e3f47b36877e.html#.VVuMAfO-81d.twitter
 
#3
كلامه صحيح ولا يمكن لاحد انكاره ، في في عينة من الطلاب السعوديين ماعندهم احترام لبلد الابتعاث ودايما شايفين حالهم فوق الكل، الحمد لله والشكر بس
 
#4
شوفوا يا احباب اسالكم سوال
يعني الامريكي والمكسيكي والدومنياكاني وغيرهم من شعوب العالم ملائكة لايسببون اي اضرار
ولا احنا علينا شعرة معاوية لو يصير زي راس الدبوس يخلوها اكبر من خرطوم الفيل حسبي الله عليهم
وصدق الله لن ترضى عنك اليهود ولا النصارى حتى تتبع ملتهم
 
#5
لمن يطلع شخص مدلع لبلد جديد ومسؤولية اكيد ما بيهمه شي، والشي هذا مو بس اثر على مؤجر الشقق، الشي ذا اثر علينا كلنا
 
عرض العطلة
#6
والله شيء مخجل... الله يصلح الحال
اللي ما يقدر يعكس صورة رائعة عن بلده وقبل كذا يمثل ديننا العظيم وبشكل صحيح... يا ليت يرجع ولا يزيد الطين بله
 
#8
لا نقل صورة سيئه ولا شي .. هذا واقع بعض المبتعثين .. ودام طلاب ايداهو عارفين الوضع وشوله يروحون يكبرون السالفه ؟؟
 
#9
هذا الشي ماننكره بس مو كلهم انا اتوقع انو بس 4%من الطلاب هم المعنيين، ولكن اللاندلورد هذا ماخذ موقف من السعوديين وقاعد بس يتكلم عالسعوديين، والمقال قاعد يستشهد بشخص او مصدر وحيد، ولا للتعميييم.
 
عرض العطلة
#13
للأسف , كلام مؤلم وواقع يحصل من ( الكثيرين ) للأسف , واللي ما شفناهم بعيننا , سمعناهم يحكوا قصصهم البطولية , يجيك فرحان إنه ساحب على سكن ! أو ناصب على بنك وساحب عليهم أو مسوي مصيبة من المصايب المذكورة في الموضوع . وللأسف إذا كنت ماشي صح وتحاول قد ما تقدر إنك تحسّن صورة بلدك , يجي بعض المراهقين والأطفال بالحركات هذي يهدموا سمعة بلد كامل ! أشياء كثيرة للأسف غلط ( فينا ) والسبب هي الثقافة اللي تعلمناها في بلدنا وللأسف أغلاط أنغرست فينا بسبب ثقافتنا وأسلوب حياتنا وإعتمادنا على أشخاص ينظّفوا لنا ويغسلولنا ويساعدونا , ويجي الواحد هنا (( غير جاهز للتغيير )) ويدور حياة وفلة ووناسة , ويعدم المطبخ والغرفة والحمام ويحرق الفرش بالسم اللي معاه ( الدخان والمعسل ) وآخر شي يسحب على السكن ! ويروح ينبسط ويجي واحد مسكين من بعده يبغا يدور سكن , ويواجه صعوبات وشروط تعجيزيه بسبب إنه ( سعودي ) وسمعة السعودي سيئة !! البعض ينتقد الأجانب في بلده , وما يشوف نفسه يوم يصير أجنبي في بلد الغير ! والمعذرة من الجميع , مجرد كلام في القلب حبيت أقوله !
 
#14
معليش لكن المقاله متحيزه وعنصريه اكثر من انه توضح مشكله وتبحث عن الحل... اذا دخلنا في الجنسيات... فا المكسكان هم اكثر من يوصخ ويخرب ولا يلتزم بقوانين السكن.. وانا مسول عن كلامي هذا..نعم فيه شباب سعوديين سحبو على السكن لكن هذا لا يعني انه تخليه يكتب مقاله بالشكل هذا.. استشهادا بكلام مسوولة السكن الي انا ساكن فيه .. ان الطلبه السعودين اكثر ناس طيبين ولا يعملو مشاكل او ازعاج
 
#15
أمركم غريب، كثير سلبيين، أتمنى تقرأو تعليقات الأمريكان أسفل الخبر وكيف أن الأغلبية ضد صاحب الشكوى والصحيفة وضد محتوى الخبر، وكلامهم تلخص في، (أنه صاحب الشقة عمم على الطلاب من منطقة الشرق الأوسط كاملة وهذا ظلم، وأخر يقول أنه لا يوجد أي إقتباس من أي طالب من الشرق الأوسط في الخبر وكله تهجم من صاحب العقار/الشقة، وأخر يذكر أنه لا يوجد الا صورة فرن قديم وأن كثير ملاك العقار أستغلاليين "وهذا الواقع صراحة"، وأخر يكتب أنه هناك كثير من جنسيات مختلفة يسببو مشاكل أيضا وأن التعميم غلط، وأخر يصف صاحب العقار أنه عنصري لأنه عمم على الكل بسبب غلطت فرد، وأخر يضيف أن الصحيفة أنحازت لصاحب العقار وهذا يشكك في مهنيتها ومصداقيتها"..

أنا لست مع التخريب ولكن ضد التعميم والإستغلال، وسبحان الله فرق بين تعليقاتكم وتعليقات أهل البلذ في الخبر، عجبي كثير من تعليقاتهم. ولكم كامل التقدير والإحترام. الله يحمي الجميع.
 
عرض العطلة
#16
أتفق معاكم إن المقالة متحيزة , وقرأنا الردود اللي فيها وشفنا تفهّم الناس , لكن طول ما إحنا نعذر نفسنا ونبرر لأغلاطنا بسبب إنه (( غيرنا يسوي كذا )) ما راح نتغير ولا راح نتقدم خطوة وحده !! غيّر نفسك بغض النظر عن غيرك , ونرجع نكرر إن الكلام هذا وإن كان فيه تحيّز ! إلا إنه وآآقع وحاصل من الكثيرين من أبناء بلدي . ومن المفترض إننا نكون كلنا سفراء للإسلام أولا قبل ما نكون سفراء للبلد ! وكلمة ( غيري يسوي كذا ) عمرها ما كانت عذر لك إنك تغلط !
 
#17
اخ ماجد كلامك صحيح
انا حطيت في بوست ان الخبر ماعجبني وهذا احد الأسباب التعميم
وقريت تعليقات اللي تحت وأعجبني ردهم لكن ك صوره عامه ان مشكله موجوده ومافيه سكن في امريكا يسكنك بدون تأمين
 
#18
اساسا مافي سكن يسكنك بدون تآمين سوا كنت سعودي او غيره..وفرضا جدلا انهم متضرر الطلبة السعوديين من رفعو العقار في امريكا..مشكلة السحب على السكن.. ماعممها على السعوديين لانها مشكله لاتتعلق بجنسيه ابدا... واذا هي موجوده ماوصلت لآن تكون كبيره لهذا الحد...ومع اعتقادي انه السحب على السكن ردة فعل من استغلال السكن لاحد الشروط الي اغلبنا مايعرفها في العقد.
 
#19
المقال مؤلم كانني طالب أدرس في ولاية إيداهو. ولأكن الكلام موجهه لجميع الطلاب السعوديين وانا من ضمن هذه الفئة. بإمكاني اشتكي على الكتاب وفي رئي هذا نوع من العنصرية

هناك ضرر اذا بعض الملاك اخذو هذه الفكرة.
 
#20
Annas Alharbi عجبني رد أحد الأمريكان بالتعليق عن ظرورة مقاطعة صاحب العقار لأنه عنصري ومتعصب، وفي الخبر مكتوب
إسم صاحب العقار Hodge
وأن لديه ما يقارب ٦٠ شقة
وأنه تواصل مع Pocatello Landlords Association
وأنهم يدعموه لرفع الإجارات فقط على الطلبة من الشرق الأوسط، بالأخص السعوديين والكويتيين.
أنصحك بنشر الخبر بين الطلبة في مدينتك ومقاطعة صاحب العقار وأيضا المدافعة عن حقوقكم والجامعة توفر محامين مجانا للطلبة لأي شكوى ضد أي شخص خارج الجامعة. من الممكن أن يتبنى النادي مراجعتها مع محامي الجامعة وتُرفع قضية ضد صاحب العقار وكاتب الخبر والصحيفة.
 
عرض العطلة
عرض العطلة
عرض العطلة
أعلى أسفل
عودة
قائمة