السلام عليكم،، جواز سفري انسرق ومعايا تقرير من الشرطة ورحت القنصلية راح...

[Abdullah Al-Johani]

السلام عليكم،،
جواز سفري انسرق ومعايا تقرير من الشرطة ورحت القنصلية راح يعطوني تذكرة دخول للسعودية ومن هناك اطلع بدل فاقد.

السؤال: ماذا عن الفيزا الأمريكية! سهل اطلع وحدة بدل فاقد لمن ارجع؟ علما بأن المفروض أجلس فقط اقل من شهرين عشان ارجع للدراسة من جديد.

شكرا مقدما

 

[Ibrahim Harbi]

في واحد من الشباب تعرض لنفس موقفك. رجع السعودية وطلع جواز وتأشيرة برضو لكن حسب ما ذكر لي انه المقابله مع ممثل السفارة بالرياض كانت شوي صعبة لأنه سأله اسئلة دقيقة في تفاصيل فقدان الجواز. انت خليك بطبيعتك وواثق في اجابتك وقولهم اللي صار وجاوب على قد السؤال بدون زيادة او نقصان وامورك ان شاء الله سهالات. بالتوفيق

 

[Abdullah Al-Johani]

Ibrahim Harbi الفيزا من السفارة ، ايش وضعها؟

 

[Ibrahim Harbi]

التأشبرة اقصد فيها الفيزا

 

[Nasser Alshehri]

جب معك تقرير الشرطة للمقابلة كإثبات لكلامك عشان تتسهل امور استخراج التأشيرة، انا حصل لي موقف شبيه زمان و كانت السفارة في الرياض متعاونة لما جبت كل الاوراق الي تثبت كلامي و طلعت لي الفيزا خلال اسبوع. بس ما احد يضمن انه بيصير معك نفس الشي، خلك جاهز للمقابلة حظر كل الاوراق الي تتوقع راح يطلبونها منك مرة ثانية و انشا الله تتسهل... موفق

 

[Abdullah Alharbi]

انا طلعت فيزه بدل تالف... تغسل الجواز حقي مع الملابس

وطلعت جواز جديد ورجعت السعوديه وسويت موعد بالسفاره وسويت المقابله وشافت جوازي القديم متقطع .. ماقالو لي شي وعطوني فيزه جديده خلال يوم واحد ... بس المهم يكون تاريخك في امريكا نظيف ماعندك مشاكل ابد. مايرفضونك ان شاء الله

 

[Albeshi Jebryl]

سهالات اهم شي عندك الاوراق

 

[Abdullah Al-Johani]

يعطيكم العافية جميعا
الأوراق في شي غير التقرير اجهزو؟
قنصليتهم في جدة ما تؤدي بالغرض؟

 

[Musaed Abdulaziz]

فيه واحد نفس وضعك خذ معك الربورت وقدم على الفيزا وماراخ يرفضون ان شالله

 

[Sultan Alghamdi]

الجواز يمكن يطول لين بطلعو لك جديد بسعوديه ممكن ياخذ 6 اشهر اما الفيزا سهلات , ولد عمي اخذ 7 أشهر وظهر له تفس وضعك

 

[Abdullah Al-Johani]

Sultan Alghamdi معقول الجواز ياخد 7 شهور! مافي طريقة أسرع لو اوريهم موعد الدراسة ، أو اني مرافق الخ ؟

 

[Sultan Alghamdi]

اقول ممكن و ممكن تمشي سريع , لان جواز انسرق بری حتی لو كانومعك اثباتات فيها تحقيق ومو بسيطه الجواز امره خطير

 

[William Al]

ولد عمي للحين صار له ٤ شهور وما طلع جوازه من الجوازات كل يوم يقولو بكره وانت الله يوفقك ويسهل عليك .

 

[SoSo Suliman]

اخ عبدالله قول للجوازات انك مبتعث ووريهم موعد الدراسه ويطلعوه بسرعه لان في معامله خاصه للمبتعثين باوامر عليا .

 

[Tariq Alruwaili]

راح تقدم على فيزا جديده جيب الايتوني معك ومن ضمن خيارات تعبئة النموذج هل فقدت او سرق جوازك حط نعم

 

[Hassan Farsi]

عبدالله روح للجوازات اللي قريبه من دله
ادخل لمكتب مدير الجوازات وجيب معاك اوراق الابتعاث وورقه البلاغ واهم شي سوي موعد عن طريق النت حتى لو بعيد بس اهم شي تبين انك مسوي موعد
في ابلكيشن تعبيه وتجيب معاك صور شخصيه وهوا يشرح ع الورقه حقتك
ح يمشيك ممكن في يوم او يومين

 

[Nadiah Alyamni]

ترا الموضوع جدا سهالات ما راح يطولو عليك ابدا خذ اوراقك وكل شي و انشالله بترجع بدري

 

[Ahmed Aljohani]

<< مثل وضعك بس انا مغسله ولا رجعت السعودية وخويي نفسك مسروق ولا رجع السعودية خلك بامريكا لين تخلص دراسه ! وإذا عندك اجازه طويلة شهرين الي ٣ شهور ارجع وضبط امورك

خذ تقرير شرطة
معهد او جامعه يثبت انك تدرس من مكتب الانترنشنال
تقرير دراسي لآخر كوارتز او فصل

وربي يوفقك