A
Abo Sami Almadhy
:: مسافر ::
مقارنة بسيطه بين الامارتية والسعودية .جربت الامارتية درجة سياحية من سياتل لدبي...عادية جدا جدا. تعامل الملاحيين سئ جدا تقول انهم مطلعينك صدقه. الكراسي نفس الخطوط السعودية والطيارة متروسه هنود (مو عنصرية ضدهم بس عاداتهم بالطياره تصادمية). الاكل ما فيه شي مميز ابدا. الحلو فيها برامج الشاشة بس. بعد الاقلاع وفك الاحزمه رحت لدورة المياه اغير ملابسي بملابس مريحه لقيته مقفول واشارة الباب خضرا يعني فاضي، سألت المضيف قال انتظر شوي بطريقة متعاليه. وقفت يمكن خمس دقايق بعدها رجع وفك قفل الباب ودخلت. وبنص الرحلة رجعت اخر الطياره ادور البوفيه المفتوح...ولا الهوا فطلبت شاي من المضيف، والله العظيم جابه لي تقول يعطيني صدقة والله كرهت نفسي واقسم بالله العلي العظيم ما عاد اطلع فيها الا ان يشاء الله. الخطوط السعودية الاكل على كيف كيفك من وجهة نظري. برامج الشاشة عادية (ولكن الحمدله الايباد تقدر تحمل عليه اللي تبغى، يعني مو مشكلة) فيه بوفيه مفتوح سندوتشات وفواكة والشاي والعصاير والماء باخر الطياره. مساحة للصلاه وتقدر تتمد فيه بدل الحشرة بين الكراسي، تلقى طلاب زيك تسولف معاهم وتتنونس بتبادل القصص. واهم شي طبعا انها رحلة مباشره. بالنسبة للنظافة فالخطوط السعودية نظيفة جدا وحتى الامارتية ولكن كل الثنين باخر الرحله تلاقي مناديل بالارض او كاسات بلاستك وهذا في كل اي خطوط لرحلة طويلة.
H
Hatim Ali Al-qahtany
:: مسافر ::
اخوي ابو سامي
اذا يوجد خطأ او لم ترتاح بالطيارة لاي سبب كان ، يمكنك ترفع ايميل شكوى لإدارة الخطوط الاماراتية ..
صاحبي رفع شكوى بسيطة عشان السماعات ما اشتغلت على كمبيوتر الكرسي ، وانتظر اسبوع حتى ان اتاه الرد بتذاكر مجانية ذهاب واياب من دبي الى لندن ، ومع اعتذار رسمي ، وبالتوفيق
اذا يوجد خطأ او لم ترتاح بالطيارة لاي سبب كان ، يمكنك ترفع ايميل شكوى لإدارة الخطوط الاماراتية ..
صاحبي رفع شكوى بسيطة عشان السماعات ما اشتغلت على كمبيوتر الكرسي ، وانتظر اسبوع حتى ان اتاه الرد بتذاكر مجانية ذهاب واياب من دبي الى لندن ، ومع اعتذار رسمي ، وبالتوفيق