F
Fawziah Mohammed
:: مسافر ::
اختي انا سالت الملحقيه الكنديه هل اقدر افتح ملف باجازه سنويه للمرافق؟ حق شهر بس فمن معنى كلامهم انو يس بيفتحوا لي ملف ومابيصرفوا عليه مو مشكله الصرف مابغا مكافأته بس الشيء الجميل انو فاهمين انو المحرم مابيجلس مادام اجازته شهر وماقالوا شيء اهم شيء ترا كل بنت لها تجربه انا بحثت كتير في دا الموضوع مافي شيء ثابت مرا واجابه على سؤالك اعرف وحده فتحت ملف بدون محرم راحت لوحدها لدوله الابتعاث قالولها لاتجي ماحنفتح لك ملف وراحت وفتحوا وفي بنات سكتوا عنهم وفي بنات قالوا لهم حننهي البعثه بس ترا حسب ماسمعت مافي ولا بنت انهوا لها البعثه عشن المحرم وكمان الشيء الاكيد انو الملحقيه ماحتسكت عنك بتجلس تضايقك خاصه كلما طلبتي اجراء حتى النقل من معهد لمعهد يقلك مافي لانو ماعندك محرم حتى وانتي ماتستلمي مكافأته هدا في كندا بس اهم شيء تمشي سنوات الدراسه حتى لو يزنوا عالمحرم
F
Fawziah Mohammed
:: مسافر ::
هههههه اه ياوجع قلبي على كندا كانو ساكتين زي الحلاوه اش نخشهم نخشو راس ابليس مدري ايش يبغوا نحنا وموافقين واهلنا وموافقين وكاتبين تعهدات ومكافاه ومابناخد وظروفنا ماتسمح ودراستنا ومحافظين عليهم اش التنطع دا بنات انا فكرت بشيء الملحقيه خايفه يصير للمبتعثات شيء من بعد وفاة ناهد المانع الله يرحمها وتبا تخلي مسؤوليتها مننا ولاهي ماعليها فينا جلسنا بمحرم ولا بدون فليه التعسير دا انا فكرت انو نتفق مع الملحقيه على حل نظامكم ينحفظ زي ماهوا ولكن اللي اهلها موافقين خلاص يسقط عنها شرط المحرم مالكم فيها انا عارفه بتقولوا لي صعب ومدري ايش صدقوني النظام دا حيطلع عاجلا ام اجلا قده اصلا كل مبتعثه وكل عيله بتمشي اللي في راسها مانتظرت ولا نظام ولا قانون اللي مصرين يطلعوا مع بنتهم محرم اهي مابتطلع الا بمحرم واللي موافق على بقاءها بمفردها اهي برضو طالعه لوحدها وماوقف النظام احد فليه التعجيز عالناس بسبب نظام سبب مشاكل اكتر مما انو وضع حلول نحنا مانعترض عالملحقيه هوا نظام وتبا تمشيه نحنا نعترض عالنظام بكبره خرج دا النظام من وزاره ولا من ملحقيه ولا من اي مكان مو معقوله نفضل ندرس تحت ضغط كدا اش اللي بسبب اني فيميل افقد حقي في الدراسه عشن ماتوفر لي محرم؟؟؟