السلام عليكم اخواني لحد يعتقد ان الابتعاث مثل زمن الملك عبدالله الله يرحمه...

  • بادئ الموضوع بادئ الموضوع Ali A Alruhaymi
  • تاريخ البدء تاريخ البدء
عرض العطلة
A

Ali A Alruhaymi

:: مسافر ::
#1
السلام عليكم
اخواني لحد يعتقد ان الابتعاث مثل زمن الملك عبدالله الله يرحمه ويغفرله ويسكنه الجنه
الامور تغيرت عزام الدخيل مو لاقي حل اصلا للطلاب اللي برى السعوديه يدرسون على حسابهم انا بعد ماجاء قرار من ولي العهد وولي ولي العهد لما صدرو قرار قبل فتره ضم جميع الطلاب اللي يدرسون على حسابهم الخاص بامريكا ويجي عزام الدخيل يتفلسف ويحط شروط من عنده اللي بالمعهد يندفع له رسوم فصلين دراسيه بدون راتب !! وقتها نعرف ان الابتعاث ضاع مادام عزام الدخيل استلم الموضوع هذا
انا مع مبادرته هذي بعثتك ووظيفتك شي ايجابي وكويس لكن الشروط والله مبالغ فيها !!
العمر مايتعدى ٢٢ سنه ومايمر على تخرجك من الثانوية اكثر من ثلاث سنين والنسبه ٩٠٪ والقدرات ٨٠ والتحصيلي ٨٠ هذا تعقيد للناس مو فاتح مجال للناس القدرات مو مقياس على مجهود الطالب نعرف ناس كثير تخرجو من امريكا وقدراتهم بالستينات لكن موضوع الشروط تعقيد على الطلاب مادام المجال مفتوح لاكثر من ٤٥ الف بعثه ووظيفه ليش التعقيد هذا ، ما اقول الا الله يرحمك يابو متعب بس
 
#2
ابشرك حتى مبادرت بعثتك ووظيفتك غير إيجابي وضعها بدون دراسة وراح يبان في الايام القادمة سلبيت ذلك ،، وكمان يقول يحق للطالب الدارس على حسابه الخاص التقديم ههه ما اضن فيه طالب واحد من الدارسين على حسابهم تنطبق عليه الشروط لكن الشكوى لله
 
#3
انا قلت انها ايجابيه عشان نقطه وحده بس ، اللي هي لما الطالب يرجع تكون وظيفته جاهزه عكس المبتعثين الان لما يرجعون يدورون وظايف ، اذا ترقية البعثه وقفها اللي كانت طموح اكثر خريجيين البكالوريوس انهم يواصلون مسيرتهم العلميه وش ترجي منه ، الله يعين الطلاب بس
 
#4
اخ علي انا تفكيري دائما بالمواطن، ذا الوزير كل تفكيره كيف يثبت على كرسي الوزارة ، اول شي فيه شباب مبتعثين راح يتخرجو ويبحثو عن وظيفه، مثلا واحد من المتخرجين ذهب للتقديم على الخطوط هل راح يقبل؟ اكيد لا والسبب مسؤل الخطوط يقول بدال لا اوظف شخص ما اعرف كيف دراسته ومستواه التعليمي اخلي الوزارة تبعث طالب واستطيع ان اتابع دراسته ، حتى اخواننا اللي راح يتخرجون من الجامعات السعوديه صدقني هم اكثر ناس راح ينظلمو
 
#5
الوضع والله ماهو مثل اول لا هو اللي خلا الناس تكمل ماجستير ودكتوراه ولا هو اللي ضم اللي يدرسون على حسابهم ما ادري الى متى على هالوضع ، شي غريب والله
 
عرض العطلة
#8
اوك اذا على كلامك الشروط ماتغيرت ان شاءالله من عشر سنين ، لكن على الاقل كانو الناس يروحون على حسابهم ثلاث اربع شهور بالكثير وينضمون بالبعثه ، ثلاث ارباع الطلاب المبتعثين ابتعثوهم وهم في مقر الدراسه ، بالنسبه لي شخصيا كل اللي اعرفهم محد انقبل من السعوديه كلهم دخلو بالبعثه بعد ماجلسو كم شهر على حسابهم لكن الحين الطلاب اللي برى متوهقين كيف يدخلون بالبعثه والاغلب كان حاط مبلغ يمشي فيه وضعه لما يبتعث بس خلصت فلوسهم يرجعون بدون دراسه ولا بعثه !
 
#9
معليش الي معترضين ع الشروط مااشوف فيها غلط! عمر ٢٢ ومناسب واصلا الناس تخلص ثانوي وعمرها ١٩ و١٨ يعني مناسب وزيادده حتى لو احد يبي يريح سنه سنتين .. والدرجات الي طالبينها مناسبه مو معقول واحد جايب قدرات ٦٠ ومدرسه ٨٠ ويبي بعثه ! مانجح بتعليم السعوديه بينجح برا يعني ؟
 
#10
والي ع حسابهم صح في ناس مجتهده وتستحق الانظمام بس في ناس ماتستاهل وماخذينها لعب وبالاخير يرجع السعوديه وعشان كذا مطلعين شرط انهم يكونون درسو بالجامعه عشان ينضمون عشان يعرفون الي من جد جاي لدراسه والي جاي يلعب ويرجع وللاسف شايفه اشكال كثيره منهم عندنا وبالنسبه للولايه انا فيها اغلبهم مايستحقو البعثه يعيدون الشيشن مليون مره ولعب واستهتار واشوف ان الوزاره احسن شي سوته هذا الشرط
 
عرض العطلة
#11
حبيبي كل اللي سافرو من السعوديه على حسابهم محد انطبقت عليه شروط الابتعاث وللمعلوميه فيه ناس على قولتك نسبهم ٨٠ وقدرات ٦٠ مبتعثين برى وماشيه امورهم الحمدلله اترك النسبه والقدرات فيه ناس انفصلو من الجامعات وراحو كملو برى والله وفقهم وتخرجو
 
#12
لايكون مقياسك على فئه بسيطه خربو سمعة الابتعاث ، ترى الابتعاث فتح ابواب بوجيه ناس كثيره وهذا حق على دولتنا المسؤولين والوزراء محد يدفع من جيبه عشان يجلس يعقد الطلاب !
 
#13
ليش معصبين ، انا اشوف التقنين افضل وليس ابتعاث المتردية والنطيحة . انا اشوف عينات كثيرة من الطلاب ماهم حول دراسة والا تعليم . جاين فلة ووناسة ويدورون جامعات ، من الدرجة الخامسة ، كلية المعلمين عندنا تعطي تعليمي افضل من هذه الجامعات. وانا اعتب اصلا على اللي اعمارهم ١٧ و ١٨ يتم ابتعاثهم بهذا الشكل ، الابتعاث يجب ان يكون للمتميزين فقط . والشروط هذه خطوة للتصحيح ، واتمنى ايضا تقنينها بشكل اكبر كي لايزيد الابتعاث عن ٥٠٠٠ شخص ويتم توزعهم بعناية فائقة على الجامعات المتميزة في امريكا .
 
#14
كل الي اقدر اقوله...الله يرحم الملك عبدالله الي كان همه تنوير عقول شباب الوطن وصرف مبالغ محترمه في هذا الصدد..لأنه يؤمن انه بالعلم تتقدم الشعوب...مو فتح ثغرات حربيه من غير خطط عسكريه ووضع البلد في مآزق ماليه ع حساب المبتعثين...
 
عرض العطلة
#17
طيب الشروط نفسها نفسها!
واختبار القدرات الدرجة ثمانين ابدًا مو تعجيزية
تبون الشي بالساهل وعلى بلاطة بدون تعب!
اللي يجتهد واللي ما يجتهد نفس الشي!
يعني مثلًا تبون الشروط المعدل الدراسي سبعين والقدرات والتحصيلي خمسين! يا عمي كل حاجة يبغوها سهلة ناس ما تبي تتعب على روحها شوي
 
#20
Sali Canada ,اولا اسمها مو ثغرات حربية وانما جبهة قتالية ، الثغرة الحربية لما يكون ثغرة في الجيش خلال المعركة يستطيع من خلالها المدافع ان يخترق جيش المهاجم، هذه معلومة فقط. ثانيا ، مايقوم به رجال الجيش في الحد الجنوبي ومايعطونه من دمائهم الزكية الطاهرة ، هو من اجلكي انتي كي تدرسي وتتعلمي وتستطعين ان تخدمين بلدك ، انا استغرب ان اجد من بيننا من يفضل مصلحة الابتعاث على مصلحة الوطن والامن والامان . في ستين داهية الابتعاث ، يبقى امن الوطن وسلامته هو الغاية الاسمى.
 
عرض العطلة
عرض العطلة
عرض العطلة
أعلى أسفل
عودة
قائمة