السلام عليكم فيه واحد من الجماعه جا على حسابه الخاص وله ست شهور هنا مع...

[Lole Alhamdan]

السلام عليكم

فيه واحد من الجماعه جا على حسابه الخاص وله ست شهور هنا مع عائلته وطبعاً مع القرارات الجديده ماانضم وقرر يرجع بس كل اللي يبيه تذاكر ترجعه لان ماشاء الله معاه اولاده وبتكون مكلفه عليه تعتقدون لو كلم الملحقيه يعطونه تذاكر بس
اتمنى اللي عنده تجربه سابقه او سمع أحد مر بهالتجربه يفيدنا

وشاكره لكم

 

[Ali A Alruhaymi]

فيه على بوابة السفيير تذاكر للي يدرسون على حسابهم الخاص بس ما ادري كم الفتره اللي يستحق فيها التذكره ، لكن يدخل على بوابة السفير وعلى ملفه ويطلب تذكره ويكتب تحت شرح عن وضعه واتوقع الملحقيه ماراح ترفض كونه راح يرجع .. وغير كذا غير الملحقيه السفاره نفسها من حق اي مواطن خارج المملكه يأمنون له تذكرة طيران رجوع للسعوديه بس يجرب اول شي بالمحلقيه اذا رفضو يروح للسفاره يقولهم ماعندي استطاعه على قيمة التذاكر وراح يعطونه تذاكر وهذا الشي يجهلونه كثير من المواطنين خارج المملكه ان سفارتنا بالخارج مسؤوله عن رعاياها خارج المملكه ، اتمنى اكون افدتك

 

[Abdoh Bakkari]

السفارة مسوؤله عن رعاياها مو تدفع لك تذكره، ممكن تدفع لك اذا في مشكلة او شي من هذا القبيل وهذا المتعارف عليه وماعندي خلفية عن الملحقيه. ولا كان السعوديين طقو أمها سفريات وحطو الرجعه ع السفارة زي هذي الأشياء محد يجهلها. او اذا عندك شي يأكد ذالك لاتبخل علينا خلنا نفل

 

[Ali A Alruhaymi]

هي ماهي للفله ياعبدو ، اللي يدرس على حسابه الخاص يحق له تذكره ذهاب واياب لكن المده اللي يكون جالس فيها ما ادري كم بالضبط ، والسفاره لو تروح لها وتقول ماعندي فلوس رجعوك للسعوديه باقرب رحله وهذا مو مبتعث عشان نقول تطلع له تذاكر بشكل سنوي هذا على حسابه ويقدر يقولهم كنت متامل بالبعثه وخلصت فلوسي كلها حطيتها بدراستي ولا جتني البعثه وراح يتساهلون معه ، وفيه ناس كثير انسرقت فلوسهم وراحو للسفاره ورجعوهم للسعوديه وتقدر تتاكد من السفاره بخصوص هالموضوع ..

 

[Abdoh Bakkari]

الله ييسر أمره

 

[Nawaf Sail]

الله يسر أمره

 

[Mohammed Alhartani]

أظن بعد سنة الملحقية تصرف للدارسين على حسابهم الخاص تذكرة ذهاب وعودة

 

[Sajjad Mohammad]

نظامياً يستحقون تذكرة من الملحقية بعد سنتين للأسف لكن مايمنع ان يحاول، الله يكون في عونهم

 

[Hasan Bin Khaled]

وصلت لهالدرجة ؟

 

[Sarah Alkh]

اذكر اني قرأت يقدرون يرجعون على حساب السفارة او الملحقية بس ما اذكر وين

 

[مانع جابر أبوساق]

السفاره ستأمن له تذاكر العوده ولكن يجب التنبيه بأنهم سيطالبونه بقيمتها بعد رجوعه للبلد من قبل وزارة الخارجيه

والله يسهل اموره

 

[Khalid Saleh]

.
لا حول ولا قوة الا بالله
الله يسكنك الجنه يا بو متعب

 

[Samar Almaslukh]

لا حول والله لا قوة الا بالله .. والله شيء يقهر حرام عليهم من بعد ماتوفى الملك عبدالله الله يرحمه وهم لاعبين بحسبة المبتعثين حسبي الله ونعم الوكيل مقهوره عليه وانو عنده أولاد بعد