M
Mahmoud Samir Bedair
:: مسافر ::
استكمالا للسلسه
اتمنى البوست ده يعجبكم لانه عن بلد انا بحبها جدا, و قعدت فتره افكر حكتب عنها ازاى لان هى بلد جميله جدا فى كل حاجه.
6- ايطاليا
انا مكنتش عارف ابدأ منين الكلام عن ايطاليا, لكن خلينا بدأ عن العلاقة التاريخيه بين البلدين.
الايطاليين او الطلاينه زى ما بنحب نسميهم عندهم ارتباط وثيق وهوية متعلقه بشعوب المتوسط.
زمان ايام الرومان كان البحر المتوسط ببلاده تحت سيطرتهم وكانوا بيعتبروه ميراثهم. و على مر التاريخ كانت العلاقات التجارية و السياسية رابطه شعوب المتوسط، ده خلى فى اندماج تاريخي و ثقافى و تآلف بين شعوب المتوسط.
لكن العلاقة بين المصريين على وجه الخصوص و الطلاينه مميزه.
كلنا عارفين قصة كليوباترا وازاى دعت الرومان ينهوا حكم الاغريق البطالمة ،و بعد كده معركة اكتيوم اللى انتهت بهزيمة كليوباترا و احتلال الرومان لمصر 700 سنة لحد مجىء العرب.
لكن حتى مع انتهاء الدولة الرومانية فى مصر ظلت آثارهم و الروابط موجوده بين الشعبين. فى يوم من الايام كانوا بيهربوا لمصر عشان يشتغلوا فيها هجرة غير شرعية.
و طبعا دلوقتى اتقلبت الصورة و بنهاجر احنا ليهم و بيمثلوا لينا حلم و بوابة لاوروبا. واحنا بنمثل ليهم مصيف بيحبوه جدا ومصدر للعماله.
بعد المقدمة الطويلة دى اسمحولى احكيلكم عن البلد دى و انقلكم تجربتى, انا كنت اسمع دايما انها اصعب تاشيرة في اوروبا بالنسبة لينا كمصريين. ناس كتير حذرتنى و قالتلى حتترفض.بصراحه انا منكرش فعلا انها من اصعب التاشيرات لينا كمصريين و ان كانت نسبة رفضهم للتاشيرات دوليا مش مخيفه. لكن يمكن نتيجة للهجرة غير الشرعيه صورة المصريين عندهم تسببت فى صعوبة التاشيرة.
ومع ذلك احب اقولكم انها اول تاشيرة اخدتها لاوروبا و كانت تالت سفرية بعد تركيا و ماليزيا وكنت مرفوض من فرنسا قبل كده على نفس الباسبور عشان حجز الفندق كان مش مظبوط. الورق المطلوب ليها زى باقى السفارات بتاعت الشينجن و ان كانوا بيدققوا اكتر فى الورق و بيطول عندهم اكتر شوية.
متخافوش يا جماعه من رفض تاشيرات الشينجن دى مش نهاية العالم و مش لازم تغير الباسبور ولا حاجه ،من حقك تقدم تانى عادى خالص و تستوفى الشروط او الاعتراضات اللى عندهم.
الايطاليين عموما شعب حبوب جدا مش مختلفين عننا فى الطباع و ممكن تلاقى طباع و شبه بينا و بينهم الى حد كبير. بيحبوا المصريين او عشان منبالغش خلينا نقول متعودين عالمصريين لان فى مصريين كتير جدا فى ايطاليا.
ايطاليا بلد مناسبة لكافة انواع السياحه. فى مزارات تاريخيه رومانية و كنايس تاريخيه فى كل مكان فيها خصوصا روما ومننساش طبعا تورينو و فيرونا.
فيها الفن و الابداع بكافة الوانه ومنها خرج فنانين كبار و عباقرة زى ليوناردو دافنشى و مايكل انجلو ومعظمهم خرج من مدينة فلورنس الجميله القريبة من قرية بيزا اللى فيها برج بيزا المائل طبعا زى ماحنا عارفين.
فيها عاصمة الموضه و التسوق ميلانو و فيها عاصمة السحر و الجمال فينيسيا مدينة البندقيه.
فيها الجبال و الشواطىء و المناظر الطبيعيه الخلابه فى صقلية زى باليرمو و كاتانيا وعلى الساحل الغربي جنوه و سورينتو. و كل البلاد دي سهل التنقل بينها سواء بالطيران او القطار السريع بس احجزوا بدرى عشان توفروا جامد.
عشقى لإيطاليا نابع من المزيج الساحر بين التاريخ و الحداثه فى روما و شوارعها بتبقى ماشي عمال تنتقل من زمن لزمن فى ثوانى بمجرد انك تنتقل من مكان لمكان, وكل مكان محافظ على طابعه.
القنوات فى فينيسيا وانت بتتحرك فيها بالجوندولا الجميله بتسحرك وانت بتتفرج عليها و تسمع الوصف من المرشد بالانجليزيه المكسره الجميله بتاعتهم.
فى فلورنس و بيزا حتحسوا بمعنى كلمة مدينة جميلة, كانها لوحة مرسومه بيقف فيها الزمن, ممنوع العربيات تدخلها عشان متبوظش اللوحه الجميله و تحافظ على تناسقها.
انسوا نفسكوا وانتوا ماشيين مشدودين من ريحة القهوه و المخبوزات الجميله فى شوارع روما ولا واقفين قدام جدارية او لوحه من روائع دافنشى او مايكل انجلو او وانتوا مذهولين من الكاتدرائيات العملاقه اللى مهتمين فيها بادق التفاصيل و الفن.
متستغربوش الطلاينه و هما بيتكلموا مع بعض بصوت عالى و كأنهم بيردحوا لغتهم جميله زينا و بيحبوا يضحكوا و يهرجوا زينا.
متستغربوش لما تلاقوا قدام كل كنيسة مسلة فرعونية وده دليل الارتباط التاريخي. و متستغربوش لما تعرفوا ان اكبر جامع فى اوروبا فى روما لان دى ايطاليا.
ومتنسوش تشتروا التوابل و زيت الزيتون و المكرونه و البيتزا و متنسوش تجربوا كل اكلاتهم اصلها برضه عاصمة الاكل.
ايطاليا يا جماعه
<3
شكرا لعدم نقل الصور مراعاة للجهد المبذول فيها.
اتمنى البوست ده يعجبكم لانه عن بلد انا بحبها جدا, و قعدت فتره افكر حكتب عنها ازاى لان هى بلد جميله جدا فى كل حاجه.
6- ايطاليا
انا مكنتش عارف ابدأ منين الكلام عن ايطاليا, لكن خلينا بدأ عن العلاقة التاريخيه بين البلدين.
الايطاليين او الطلاينه زى ما بنحب نسميهم عندهم ارتباط وثيق وهوية متعلقه بشعوب المتوسط.
زمان ايام الرومان كان البحر المتوسط ببلاده تحت سيطرتهم وكانوا بيعتبروه ميراثهم. و على مر التاريخ كانت العلاقات التجارية و السياسية رابطه شعوب المتوسط، ده خلى فى اندماج تاريخي و ثقافى و تآلف بين شعوب المتوسط.
لكن العلاقة بين المصريين على وجه الخصوص و الطلاينه مميزه.
كلنا عارفين قصة كليوباترا وازاى دعت الرومان ينهوا حكم الاغريق البطالمة ،و بعد كده معركة اكتيوم اللى انتهت بهزيمة كليوباترا و احتلال الرومان لمصر 700 سنة لحد مجىء العرب.
لكن حتى مع انتهاء الدولة الرومانية فى مصر ظلت آثارهم و الروابط موجوده بين الشعبين. فى يوم من الايام كانوا بيهربوا لمصر عشان يشتغلوا فيها هجرة غير شرعية.
و طبعا دلوقتى اتقلبت الصورة و بنهاجر احنا ليهم و بيمثلوا لينا حلم و بوابة لاوروبا. واحنا بنمثل ليهم مصيف بيحبوه جدا ومصدر للعماله.
بعد المقدمة الطويلة دى اسمحولى احكيلكم عن البلد دى و انقلكم تجربتى, انا كنت اسمع دايما انها اصعب تاشيرة في اوروبا بالنسبة لينا كمصريين. ناس كتير حذرتنى و قالتلى حتترفض.بصراحه انا منكرش فعلا انها من اصعب التاشيرات لينا كمصريين و ان كانت نسبة رفضهم للتاشيرات دوليا مش مخيفه. لكن يمكن نتيجة للهجرة غير الشرعيه صورة المصريين عندهم تسببت فى صعوبة التاشيرة.
ومع ذلك احب اقولكم انها اول تاشيرة اخدتها لاوروبا و كانت تالت سفرية بعد تركيا و ماليزيا وكنت مرفوض من فرنسا قبل كده على نفس الباسبور عشان حجز الفندق كان مش مظبوط. الورق المطلوب ليها زى باقى السفارات بتاعت الشينجن و ان كانوا بيدققوا اكتر فى الورق و بيطول عندهم اكتر شوية.
متخافوش يا جماعه من رفض تاشيرات الشينجن دى مش نهاية العالم و مش لازم تغير الباسبور ولا حاجه ،من حقك تقدم تانى عادى خالص و تستوفى الشروط او الاعتراضات اللى عندهم.
الايطاليين عموما شعب حبوب جدا مش مختلفين عننا فى الطباع و ممكن تلاقى طباع و شبه بينا و بينهم الى حد كبير. بيحبوا المصريين او عشان منبالغش خلينا نقول متعودين عالمصريين لان فى مصريين كتير جدا فى ايطاليا.
ايطاليا بلد مناسبة لكافة انواع السياحه. فى مزارات تاريخيه رومانية و كنايس تاريخيه فى كل مكان فيها خصوصا روما ومننساش طبعا تورينو و فيرونا.
فيها الفن و الابداع بكافة الوانه ومنها خرج فنانين كبار و عباقرة زى ليوناردو دافنشى و مايكل انجلو ومعظمهم خرج من مدينة فلورنس الجميله القريبة من قرية بيزا اللى فيها برج بيزا المائل طبعا زى ماحنا عارفين.
فيها عاصمة الموضه و التسوق ميلانو و فيها عاصمة السحر و الجمال فينيسيا مدينة البندقيه.
فيها الجبال و الشواطىء و المناظر الطبيعيه الخلابه فى صقلية زى باليرمو و كاتانيا وعلى الساحل الغربي جنوه و سورينتو. و كل البلاد دي سهل التنقل بينها سواء بالطيران او القطار السريع بس احجزوا بدرى عشان توفروا جامد.
عشقى لإيطاليا نابع من المزيج الساحر بين التاريخ و الحداثه فى روما و شوارعها بتبقى ماشي عمال تنتقل من زمن لزمن فى ثوانى بمجرد انك تنتقل من مكان لمكان, وكل مكان محافظ على طابعه.
القنوات فى فينيسيا وانت بتتحرك فيها بالجوندولا الجميله بتسحرك وانت بتتفرج عليها و تسمع الوصف من المرشد بالانجليزيه المكسره الجميله بتاعتهم.
فى فلورنس و بيزا حتحسوا بمعنى كلمة مدينة جميلة, كانها لوحة مرسومه بيقف فيها الزمن, ممنوع العربيات تدخلها عشان متبوظش اللوحه الجميله و تحافظ على تناسقها.
انسوا نفسكوا وانتوا ماشيين مشدودين من ريحة القهوه و المخبوزات الجميله فى شوارع روما ولا واقفين قدام جدارية او لوحه من روائع دافنشى او مايكل انجلو او وانتوا مذهولين من الكاتدرائيات العملاقه اللى مهتمين فيها بادق التفاصيل و الفن.
متستغربوش الطلاينه و هما بيتكلموا مع بعض بصوت عالى و كأنهم بيردحوا لغتهم جميله زينا و بيحبوا يضحكوا و يهرجوا زينا.
متستغربوش لما تلاقوا قدام كل كنيسة مسلة فرعونية وده دليل الارتباط التاريخي. و متستغربوش لما تعرفوا ان اكبر جامع فى اوروبا فى روما لان دى ايطاليا.
ومتنسوش تشتروا التوابل و زيت الزيتون و المكرونه و البيتزا و متنسوش تجربوا كل اكلاتهم اصلها برضه عاصمة الاكل.
ايطاليا يا جماعه
<3شكرا لعدم نقل الصور مراعاة للجهد المبذول فيها.
