مساء الخير, اليوم قدر الله علي واخذت قسيمتين tickets , ودخلت موقعهم ابي...

[Abadi Alharbi]

مساء الخير,
اليوم قدر الله علي واخذت قسيمتين tickets , ودخلت موقعهم ابي اسددهم, ولكن ما حصلت كم قيمة القسائم, لانهم كاتبين لي موعد فالمحكمة بعد أسبوعين,

موعد المحكمة انا بأكون فالسعودية, والمشكلة انا برجع على وﻻية ثانية, لاني غيرت ولايتي, سؤالي

هل لو سحبت على موعدي فالمحكمة وما سددتهم, راح يترتب عليه أشياء في الوﻻية الجديده اللي راح انقل لها, ؟ وهل هناك طريقة أقدر أسدد القسائم بدون ما اروح للمحكمه ؟

أهل الخبره افيدونا الله يجزاكم خير,

 

[Ghirass G Abualshamat]

ماأنصحك تتجاهل المحكمة إذا ماتقدر تكون فأمريكا تقدر توكل محامي. غالبن التكت الي ماتقدر تدفعهم تكون مخالفة عالية فيعطوك وقت محاكمة. تقدر كمان تكلم شرطة المنطقة الي أخدت منها محاكمة وتقلهم وضعك وممكن يعطوك مبلغ تدفعوا.

 

[Mohammed M. Hani]

يعطيك العافية

في رأيي إنك تروح المحكمة و تشرح وضعك؛ و تطلب منهم يقدمون لك الموعد قبل ما ترجع السعودية! إذا ما يقدرون، بقولون لك الخيارات اللي ممكن تسويها.

زائداً ، بصراحة أنا لو مكانك ما راح أحط نفسي في مخاطر زي كذا (إنك تسحب عليهم!). مو مضطر عرفت؟

بالتوفيق

 

[Alhussain Alhamid]

اذا ما رحت. او قدمت تقديم للموعد. رايحين يلقو القبض عليك او ما ترجع و ستكون العقاب دبل.

 

[Mohammed M. Hani]

كيف Alhussain ما فهمت؟
أنا مرة قدمت الموعد و مشت أموري لا ألقوا القبض علي ولا حاجة ؟

 

[Ammar Aqeeli]

تقدر تاجل روح المحكمة الموضوع ابسط مما تتصور

 

[Majed Alharbi Alharbi]

يوجد مكاتب محاماه
Traffic tickets
وحسب نوع المخالفة بس بشكل عام
يأخذون تقريبا ٥٩$ ويحضرون المحكمه واحتمال كبير يلغونها ، ويضمنون لك بدون نقاط وبدون ساعات دراسة .
بصراحة انا اتعامل معاهم .

 

[Alaa Alshareef]

You can call the court and ask for the court clerk. Explain your situation, and she will tell you what to do. or you can go for a lawyer for traffic tickets and it will cost your around $100 at max for his services.

 

[Abdulaziz Alsegeer]

دق عليهم وادفع التيكت وخلاص يصير ما يحتاج تروح للمحكمة

 

[Alhussain Alhamid]

يا اخ محمد. انا اقصد. اذا قدمت الموعد امورك في السليم بس اذا ما رحت و قدمت الموعد رايح يعملولك غرامه اكبر مع إلقاء القبض عليك.

 

[Alhussain Alhamid]

الله يسهل لي جميع الطلاب السعودين و السعوديات. ولا يجيهم اي مكروه. الواحد ياخد الحذر النظام جداً شديد.

 

[Saad Althawab]

نصيحه لا تدفعهااا. دام فيها موعد محاكمة فرووح له ما تدري يمكن القاضي يتساهل معاك ويخففها أو يشيلها عنك....

 

[Majed Abd Almohsen]

ما انصحك تسحب ابد لان ممكن يترتب عليها مشاكل اذا جيت تجدد الفيزا

 

[Saad Al]

من واقع تجرب وركز هنا: اذهب للمحكمة وأبلغهم انك طالب انترنشنل وتبغى لمدينتك وماراح ترجع راح يغيرون لك الموعد يتم البث في الموضوع خلال فترة وجودك اي قبل سفرك بالتوفيق ،،

 

[Abu MoȜili]

كلمهم وسدد لان عندك محاكمه ما تطلع بالسستم تكون محجوبه

 

[Abdullah Alharbi]

مافي طريقه تسدد بدون ماتروح المحكمه... لازم تروح المحكمه.. اذا مارحت المحكمه نعم يترتب عليك اشياء وكل ماتسحب تتورط اكثر وفيها سجن بعد.. الافضل انك تروح المحكمه وتخلص امورك كلها يوم احد هي...

اذا بتروح السعوديه .. سهل جدا . روح المحكمه قولهم ابي اغير موعد محكمتي. وحطها وقت ماترجع من السعوديه. تقدر تغير موعد المحكمه

 

[Abu MoȜili]

الرجال راجع ل ولايه ثانيه والا كان سوا كذا

 

[Abdullah Alharbi]

مايقدر يسوي شي الا يروح موعد المحكمه حتى لو بروح لي ولايه ثانيه لازم يرجع المدينه الي فيها محكمته...

انا قبل اخذت محاكمه في ولايه ثانيه.. ويوم المحاكمه سافرت لي الولايه الثانيه وحضرتها لان مافي حل ثاني ومايقدر ينقل محاكمته لي ولايته الجديده

 

[Khokha Alrefaie]

ايه عادي روح المحكمه وقولهم بتكون مسافر وياجولها لك عادي لمدة شهرين با الكثير انا كدا سوالي اجلوها ليا سافرت ورجعت عادي

 

[Abadi Alharbi]

مشكورين جميعكم
ولكن انا مسافر اﻻثنين وموعد المكحمة بعد اسبوعين ولكن انا ما راح ارجع على الوﻻية, يعني لو كلمتهم وقلتلهم بأسدد اون ﻻين, هل تعتقدون يقبلون ولا كيف ؟