السلام عليكم المرافق يبغى يحول فيزته من اف ون الى اف تو، كيف نقدر نغيرها...

[Kholoud Alharbi]

السلام عليكم
المرافق يبغى يحول فيزته من اف ون الى اف تو، كيف نقدر نغيرها ونروح لمين بالضبط؟؟؟

بانتظار ردودكم جزاكم الله خير

 

[Sultan Mohammed]

انصحكم ترجعوا السعودية وتغيرونها من هناك لان اذا جئتوا تغيرونها تأخذ فترة ٤ شهور وإذا معزمين تغيرونها هنا مكتب الإنترناشونال في الجامعة او المعهد يقوم بنصف المهمه ( يتواصل مع الاميقريشن ويعبون النموذج معاكم ويرسلونه )

 

[Kholoud Alharbi]

واذا خليناها زي ماهي وهو ماراح يدرس يصير مشكله؟

 

[Sultan Mohammed]

تصير مشاكل
راح يكنسلون الفيزة وإذا المعهد بلغ الاميقريشن احتمال يطبون عليكم في البيت و ع المطار

 

[Kholoud Alharbi]

اعوذ بالله وليش هذا كله

 

[Kholoud Alharbi]

مستحيل نرجع السعوديه الحين مافيه امكانيه، فاللي علينا فقط نتكلم مع المعهد تبعنا ونعبي ورقه وهم يكملون الباقي، وبس كذا؟

 

[Sultan Mohammed]

أنا انصحكم تكلمون الإنترناشونال اوفس وتشرحون الوضع لهم وهم يعطونكم الحلول
بعض المعاهد تتغاضى اذا عرفت ان الشخص مرافق وماله خلق يدرس (يسلكون له ) ما يددقون بالحضور والغياب

 

[Kholoud Alharbi]

اها لكن بتصير مشكله لو حبيت انقل الى معهد اخر فالافضل تحويلها على ما ظن

 

[Sultan Mohammed]

آيه أنا انصحكم تحولونها أفضل علشان تبعدون عن المشاكل وفي غير ديرتك حاول قدر المستطاع تبعد عن المشاكل علشان تريح مخك

 

[SaMir Al Qarni]

من واقع تجربه....الأمور سهاله لو تبغوا تغيريها من امريكا ..تجمعي جميع المطلوبات والسندات+شيك بي ٣٩٠ تقريبا ..وترسل بالميل الي عنوان الامقريشن..وخلال أسبوعين بالكثير راح يرسلوا لكم إيصال انهم استلموها ..وبهذا الإيصال يعتبر اخوك نظامي اخد مايجي الرد النهائي بعد ٣ شهور تقريبا ...والأمور سهاله

 

[SaMir Al Qarni]

بس الأفضل تغييرها من السعوديه ...لانه لو غيرها من امريكا ..مارآح يقدر يسافر منها الا لمن يغير الفيزه من جديد ..لأننو تغيير الفيزه من امريكا مجرد ورقه فقط قانونيه تحميك ..لأمن في الجوار مارآح يغيرووا الفيزه فراح تضطري تغيريها بالسعوديه

 

[Kholoud Alharbi]

طيب وبعدين لو جاب قبول وحب يدرس بعد سنه هل اقدر ارجع فيزته اف ون وللا بيكون صعب؟

 

[SaMir Al Qarni]

والله يأختي ابعدي عن وجع الرأس

 

[SaMir Al Qarni]

اهم شي تأكدي من محرمك في راْسه دراسه او لا ...اذا راح يدرس ..فشوفي له اي معهد رخيص ع بال ماتلاقي قبول ..وإذا مارآح يدرس فغيروها من السعوديه أفضل او من امريكا

 

[Sultan Mohammed]

لا أنا اخوي غيرها ٣ مرات ولكن طبعا مو مظمون

 

[SaMir Al Qarni]

/Application To Extend/Change Nonimmigrant Status

هذا الابيكيشن الي يبعيه اونلاين والمطلوب
وبالنسبه المبلغ ٢٩٠ دولار وليس ٣٩٠

 

[Kholoud Alharbi]

صح عليكم هو الافضل من السعوديه بس انا توي جايه ماقدر ارجع عشان بس تغيير الفيزا، فتنصحوني اعلم الانترناشونال اوفيس وخلاص؟

 

[SaMir Al Qarni]

فيزه اف١ لابد يكون دارس مهما كانت الظروف والانترناشىنال مارآح يفيدك بشي...بس مايضر تكلميوهم...وإذا بالمره غيرو الفيزه من امريكا ولمن ترجعوا السعوديه قبلها بشهر اعملو موعد في للسفاره علشان تغيريها ويقدر يدخل امريكا مره ثانيه

 

[Kholoud Alharbi]

جزاكم الله خير، شكرا للجميع

 

[SaMir Al Qarni]

العفو