السلام عليكم كيف الحال ابحث عن مساعدة في استخراج تاشيرة دراسية ورخصة...

[أبو هيف القحطاني]

السلام عليكم

كيف الحال

ابحث عن مساعدة في استخراج تاشيرة دراسية ورخصة قيادة امريكية وقبول معهد مع قبول جامعي بجامعة قوية لدراسة بكالوريس الهندسة المدنية في ولاية راقية تكفون رحت لمكتب طلب 63 الف !!
مقابل استخراج تاشيرة وفتح ملف بالوزارة وقبول جامعي ومعهد لغة في الجامعة وسكن اول شهر مع العائلة ومصاريف دراسة اربع اشهر واستقبال مطار فقط بـ 63 الف محتار تكفوووون ساعدوني اخوكم بطلع على حسابي تكفووووون

 

[Khaled Alogbi]

هون على نفسك اخي الكريم الامر ابسط من كذا ان شاء الله تواصل معاي وباذن الله اعطيك تجربتي

 

[Abdullah Alharbi]

رسوم الفيزه مع السيفيس ب 1350 ريال تقريبا

قبول الجامعه مشروط 100 ريال تقريبا

قبول معهد بتدفع حق اول شهر.. المعاهد اسعارها تختلف عندك ELS نص دوام الشهر ب 6 الاف ريال.. اربع شهور تقريبا 24 الف ريال هذا معهد ELS في معاهد ارخص طبعا

السكن مع عائله ع حسب المدينه والولايه.. اذا رحت ولايه غاليه بتحصل العائله تقريبا الف دولار بالشهر يعني 3750 ريال تقريبا

استقبال المطار يستقبلونك النادي السعودي بلاش

وعاد احسبها

 

[Abdullah Alharbi]

45 الف تكفيك تسوي كل هالامور حق اربع شهور

 

[Abdul Rahman Alhakami]

هذا استغلال حسبنا الله وكفى

خذ هالجامعة ممتازه ويعطوك قبول بعد المعهد للهندسه

Texas A@m university Corpus Christi

ولا يكلفك ٥٠٠٠ ريال كل اجراتك وإذا جئت هنى أبشر بالخير
كثير شباب فيهم الخير

 

[عبود المكرمي]

قبول مشروط ١٠٠ ريال بس المكاتب تطلب مبالغ خياااليه

 

[Monsef Bader]

اخي الفاضل تواصل معي ممكن انهيلك اقل من كذا

 

[Ahmad Al-Andous]

يا خوي لا احد يضحك عليك .. ترا الشغله بسيطة وما تستاهل التكلفة هذه كلها .. اهم شئ شف الولاية الي تبي تدرس فيها لغة ومن ثم قدم على اي معهد معترف فيه في نفس الولاية والتقديم ترا كلها ايميل وتعبئة نموذج بالكمبيوتر .. وبعدها اذا جاك قبول المعهد بالآيتوني قدم ع الفيزا وهذه بعد شغلة بسيطة .. واذا وصلت امريكا صدقني بتعرف كيف تطلع رخصة امريكية وراح تحصل قبول ف جامعة اذا جبت درجة كويسة ف التوفل او الآيلتس .. نصيحتي لك اخوي شف اي شخص قريب منك يعرف انجليزي وله معرفة في التعامل بالحاسب ومراسلة الإيميل .. وكلها في اقل من شهر وانت مخلص اغلب الشغلات الي تبيها بدون ما تدفع شئ

 

[Hani AL Anazi]

حط في بالك انه مافي إلحاق بالبعثة الا بعد دراسة جامعية

 

[Mazen Al-saiwed]

أبحث شوية وأعرف الخطوات وأعتمد على نفسك ياغالي , الموضوع ما يحتاج نرمي فلوسنا لناس تضحك علينا بهذي المبالغ على أشياء في يدنا ولا تحتاج مننا إلا شوية بحث لمعرفة طريقة التقديم ! كل الأشياء هذي ما تاخذ منك أكثر من 40 ألف تقريبا , أتعب شوية لمصلحة نفسك ياغالي الموضوع جدا سهل .

 

[Mohammad Aldubaikel]

الحسبة اللي حسبها لك Abdullah Alharbi
وهو مدلعك في المصاريف
يعني في ولايات فيها سكن ومعاهد أرخص من كذا بكثير

 

[Saban Robeen]

انتبه لاتثق في اي احد في هالامور وخلك حريص ، ترى بعد فيه استقلالين ونصابين متخفين بينا.. موفق انشالله

 

[Adel Khatem]

من جدك انت بتدفع هالمبلغ للطيار. يا سيدي اختار الولاية اللي تبغاها و بعدين تواصل مع النادي السعودي اللي في الجامعة عشان يساعدوك في القبول و النادي راح يرتب لك امورك وكل هالامور ما راح تكلفك اكثر من ١٠ الاف ريال.

 

[Adel Khatem]

عفواً للمكتب مو للطيار

 

[Nasser Alsofyani]

اهم شي انك تنقبل في البعثة ولازم يكون عندك قبول جامعي معترف فيها من الملحقية لاحق على الرخصة اهم شي "القبول "