السلام عليكم يا اخوان تكفون احتاج فزعتكم احد...

[Hani Kotoby]

السلام عليكم

يا اخوان تكفون احتاج فزعتكم

احد الاخوان مبتعث لامريكا من جهة عمله و جاب قبول مشروط من جامعة و سجل في معهد اللغة التابع لها و ما انتبه ان المعهد موقوف من الملحقية

الان سفرته بعد اسبوع و هو في السعودية و من الصعب يغير شيء

وش الحل؟

 

[Abo Khalid]

أذا معه قرار من جهه عمله فمعناه موافقه جهه العمل على ذلك
الملحقيه جهه تنفيذ وليس جهه اقرار لمبتعثي الجهات الحكوميه

 

[Abo Khalid]

لا تقلق ومرحبا بك هنا

 

[Jamaan AK]

الملحقية جهة إشرافية للدارسين على حساب الدولة سواءً موظف أو على برنامج الابتعاث ، لذلك هي مخولة برفض الدراسة في المعهد الموقف.
الأفضل تستفسر من الملحقية نفسها عندك حسابهم بتويتر ممكن يفيدونك.

 

[Abo Khalid]

"لذلك هي مخولة برفض الدراسة في المعهد الموقف."
انا طالع على جامعه موقفه اخوي واموري تمام

والله ياخوي اذا معك قرار ابتعاث خلاص

تبي نصيحتي توكل ع الله ولا تقلق وسوف تسمع الكثير الي بيوجع قلبك لكن ما عليك تيقن ان الله مختار الي فيه الصالح لك لا تقلق نهاييا

وسوف ترا الردود كل بيكتب حتى لو ماعمره طلع برا السعوديه

 

[Jamaan AK]

أخ أبو خالد الجامعة موقفة للتكدس والا غير معتمدة ؟

 

[Jamaan AK]

الشيء الثاني تبيه يعتمد على كلامك وعلى تجربتك وإن تورط ايش بتنفعه !
الأفضل يتأكد من الجهة المسئولة عن هذا الموضوع قبل يطلع ويتورط.
أنا مثلك موظف مبتعث وطلبوا مني مراسلة الملحقية عند إحضار القبول بأن الجامعة والتخصص معتمدين في الملحقية قبل إصدار قرار الابتعاث.

 

[Hani Kotoby]

الله يعطيكم العافية يا اخوان

الجامعة معتمدة من الملحقية و لكن المعهد موقوف

 

[Jamaan AK]

سبب الإيقاف ماهو ؟

 

[Hani Kotoby]

ما ادري!

 

[Awadh ALsharari]

ههههههههههههههههههههه اكيد تكدس

 

[Noora Alotaibi]

عادي انا مسجلة بمعهد موقوف للتكدس ومارفضت الملحقي طلبي "مع العلم اني على حسابي الخاص"

 

[Jamaan AK]

أهم شيء يكون المعهد معترف فيه، شوف قائمة المعاهد المعتمدة وإذا متكدس يقولك متكدس.

 

[Hani Kotoby]

اكتشفت ان الحالات في الملحقية ثلاث:
متكدس oversaturated
مغلق closed
معلق Hold

المعهد معلق و ليس مغلق

 

[Ahmed Hadi]

تأكد من المعاهد المعترف فيها من الملحقية هنا:https://esllist.sacm.org/eslpublicpage.aspx

 

[Sultan Alwagdani Alotaibi]

اذا جاب القبول قبل قرار التعليق يصدر له قرار ويطلع ما عنده مشكله
اما بعده فما اعتقد راح يصدر له قرار

 

[Hani Kotoby]

القرار صدر و رحلته الاسبوع الجاي و لكن اكتشف ان المعهد معلق Hold
و حالياً صعب يغير شيء

 

[Hani Kotoby]

فهل الملحقية تفرق بين الطالب و المبتعث من جهة عمله؟

 

[Sultan Alwagdani Alotaibi]

طيب وين المشكله؟!!
الرجال راح يطلع ويدرس بالمعهد واموره ماشيه ان شاء الله. ما احد راح يعيقه او يرده

اللي يقلق من قرار الايقاف الشخص اللي اخذ القبول بعد الايقاف او التعليق

 

[Saad Ali Alqahtani]

اذا طلع بقرار ابتعاث من جهة عمله لا يهم اذا كان متكدس او لا
من تجربة شخصية