علاقتي غريبة بالطيارة ... نوم نوم و لما يتم...

[HadOola Hn]

علاقتي غريبة بالطيارة ... نوم نوم و لما يتم النوم نقرا .. مانحبش نهدرز طول نصدع ... أحياناً نرقد قبل الإقلاع
من يخاف من الطيران؟
و كيف تقضوا وقت الرحلة خاصة لو كان الرحلة طويلة جداً ؟ ...

 

[Ali Fakree Eldin ElSallabi]

حتا انا الغالبيه نوم خصوصا مرات يقعد عندي رحلتين ولا ثلاثه في جره بعضهن نفس اليوم ومفيش راحه بس لو راكب درجه اولي ولاا الخطوط الامارتيه لازم نقعد واعي ههههههههه

 

[اصيل الشيخ]

اول مانركب طياره نحط اغاني ونغمض عيوني نلقه روحي راقد ونوعا بعد توصل ههههه وكان فيه مطبات هوائيه وجو شين نحول سماعات ونقلب شيخ وندعي

 

[Mahboba El Harir]

يا عوينكم تعرفو ترقدو انا نقعد تعبانه ومايجيني نوم بكل و لا نحب نفتح مواضيع و نحكي اغلب الوقت يا نقرا كتاب يا اما نتفرج علي فلم بس

 

[عهود الشريف]

لو مسافره انا وزوجى نستغل وقت الطيران انى نقنعه بحاجات مرفوضه ولانه يخاف من الطيران ويكون متوتر لازم يقول باه عشان نسكت
ولما ننزلو لبر الامان معش يقدر يرد في كلامه لانه ح تبدي اسطوانه انت وعدتنى وانت تمشى فيا انت مش عارف ايش
مكسب على كل ريح

 

[Fafy Alshwehdi]

انا نحب أنتفرج ع الأفلام اللي في طياره بذات لو الخطوط الاماراتية مانقدرش نرقد أكلهم سمح بس ديما في المرواح نرقد مرات من الإقلاع لعند ما نوصل

 

[Mariam El Shatshat]

انا نقعد نسمع ف اغاني ولما يسيرن مطابات ف الجو نقعد نسمع ف دعاء

 

[Furat Assadeg Eghribil]

بالعكس انا نهدرز مع الجميع ونتفرج على افلام ونكملها اكل سواء الوجبة ولا حاجة معايا المهم ناكل ههههههه وخاصة الرحلات الطوييييلة

 

[معتز المغربي]

انا بحكم عملي في مجال الجوي منقدرش نرقد في الرحلات ممنوع وحتا لمه نمشي رحله اجازه راكب عادي منقدرش نقمعز ولا تجيني نيه في نوم ونحس في الكرسي متاع الركاب ضيق بكل شد احويلهم لازم نتحرك ونقعد معا اصحابي المضيفين

 

[Khawla Mohammed Ali]

اني نخاف من الطياره
منحبهاش بكل بس نحب السفر
نحب نقرا فيها ونتأمل في السحاب وكل شي والنوم مستحييييل يجي ولو كانت الطياره مرفقه بشاشه صغيره فنكسد ع فيلم ومرات نكتب ومرات نصور ولا نكسد ع النقال ونمسح صور مش سمحه

 

[Hadeel Sharmn]

نبدا مجهزه الاي باد قبلها محمله روايات وافلام وكله وبعدين نفتح الي يعجبني ولما معاي اختي تمشي الرحله كلها هدرزه وقرمه في الي راكبين معانا في الطيارة كلهم

 

[Esraa Adel]

نخاف بكللل م الطيارة.. اختي من اول ماتركب ترقد.. انا نقعد مفتحة ومايجينش نوم بكل وحتى الاكل ماناكلش م الخوف و الرحلة كلها نقعد نبحت ف الروشن و عيوني ماينزلنش منه.. الغريبة ونحنا مسافرين لأمريكا 9 ساعات رقدت! وماحسيتش بيها بكل

 

[Ansam Ben Saaode]

انا عندي فوبيا من الاماكن المرتفعه ... طول الرحله نقعد دايخه و نبي نرجع هذا لو مارجعتش

 

[Isra Elbarghathi]

كان علقتها طبيعي نرقدلكن غيرها نطيح في ناس هدرازه

 

[Seham Jumaa Elsadg]

مانخفش منها .. بس فرق الضغط يضايق فيا .. مرات نرقد ومرات ناخد معايا كتاب نمشي بيه وقتي

 

[Heba Maher]

نسمع قران يمشي الوقت

 

[Koka Elmansury]

الاغلب نرقد كان ملقيتش عيل صغير نكسد عليه

 

[نسمة الصباح]

كانت عادي ما نخافش منها
بس جت فتره تفرجت ع برنامج وثائقي ع ناشونال جغرافيك ع حوادث الطائرات ركبني الرعب وتوا نتمني لو ف رحلات بحريه خير ههههه

 

[Mãrwå Bìšhåri]

نقعد خاطري نرقد بس مستحيل نعرفش نرقد ع كرسي يقعد خاطري تصبي نمشي نمل

 

[Meemo Meemo]

مانحبش الطيارة ولا هي تحبني نتوتر وصعب نرقد ولا نتريح فمابالك رحلة طويلة