السلام عليكم ياجماعة انا اليوم اكتب لكم بخصوص...

  • بادئ الموضوع بادئ الموضوع Fatima Albaghli
  • تاريخ البدء تاريخ البدء
عرض العطلة
F

Fatima Albaghli

:: مسافر ::
#1
السلام عليكم ياجماعة

انا اليوم اكتب لكم بخصوص موضوع
القرض بالبنك وانت مرافق او مبتعث

طبعاً قبل ما اسافر رحت لفرع البنك
وش اللي اقدر اسويه بالنسبة للقرض
قبل السفر لبلد الابتعاث
الموظف قال اما تسدد كامل المبلغ او راح تحتسب متعثر
قلت له طيب وبعدين وش يصير
قال اذا رجعت نعمل اعادة جدولة للقرض

الى هنا ما كان فيه اي مشكلة
المشكلة بدأت بعد اتصالات من قبل موظف التحصيل للبنك والتي بعد حين تحولت الى تهديدات بإيقاف خدمات المدنية و من ثم الخفر من قبل الشرطة

بعد السؤال و قرأة تصريح سمة
اعتبرت الموضوع مجرد محاول تخويف من قبل موظف البنك

لكن الموضوع لم يكن كذلك
فقد تم اخباري بوقف الخدمات ومراجعة فرع الحقوق بوزارة العدل بمجرد وصولي لشباك الجوازات بالمطار

نعم البنك قدم شكوى بالمحكمة وتم اصدر حكماً قضائياً
يقضي بدفع كامل المبلغ

لمن يسأل عن ايقاف الخدمات
تم ايقاف جميع حقوقي المدنية
ابتداءً من منع السفر خارج الملكة
وعدم اصدار جواز سفر او ضافة مولود او اي شيء متعلق بالخدمة المدنية
وحتى عدم القدرة من استخدام حساباتك البنكية في البنوك الاخرى

اكتب لكم الموضوع للتنبيه واخذ الحيطة
اذ ان البنوك الان تقوم بهذا الاجراء عن طريق المحكمة وليس عن طريق سمة او مؤسسة النقد

وكونك مبتعثاً او مرافقاً لمبتعث لايمثل اي فرق بالنسبة لهم
 
#3
تقدر تعمل جدولة كثير من الشباب مسوينها مع ان البنوك في البداية ترفض ولكن ترفع طلب شكوي ضدهم في موسسة النقد وبعدها يمشي الطلب " مجرب"
 
#4
وللعلم الجدولة لا ياخذون عليك رسوم زيادة
يزيدون عدد السنين للقرض ويخفضونه جدا بحيث يكون مو اكثر من ثلث راتبك الحالي بعد الابتعاث
 
#5
كان من المفروض عمل جدوله اول شهر بعد السفر عن طريق البنك واذا رفض عن طريق مؤسسة النقد كما حصل معي سداد على 12 سنه تقريبا . وبالعكس بدل ما الموظف ينفخ اجبرته على الاتصال والتفاهم لاني قدمة شكوى لموسسة النقد الكترونيه .
والحمد لله
 
عرض العطلة
#7
مافهمت،، يعني مثلا علي قرض ،، هل اقدر اطلع بعثه او لا ؟ واذا طلعت بعثه عن طريق داومي،، هل يخصمون من راتبي عادي ؟؟ والا لازم اكون ادارم رسمي بالسعوديه ؟ مافهمت صراحه ياليت تشرحون اكثر ،، شكرا
 
#8
آيه تقدرين
لكن اذا كان المبلغ حق التقسيط عالي رح يكون حسابك فيه سالب وبعد فترة يطالبونك البنك في سمة مثلا
المهم انه السالب يزيد وممكن زي ما تفضلت الأخت فوق ان يحصل كذا
الأسلم لك: اذا كان مبلغ التقسيط عالي قبل السفر او بعده تطالبين البنك انهم ياخذون اكثر من ثلث الراتب ورح يرفضون الجدولة بعدها تتجهون لمؤسسة النقد رفع شكوي وبعدها تزين الامور واحيانا البنك يماطل ولكن بالاخير يجدلون المبلغ مثلا اذا كان القسط ٤٥٠٠ رح يكون حوالي ١٤٠٠ عَل عشر سنوات وأكثر
 
#9
اذا جتك بعثه الراتب ينقص مثلا راتبك 10000 بعد البعثه ينقص الى 3000 مثلا طبعا البنك ياخذ شهريا 3200 من راتبك يعني رصيدك بيكون بالسالب وهنا مشكه البنك يقدر بعد 3 اشهر بالسالب يحطك بالبلاك لست ويقدم شكوى ويطلب قمية القرض كامله او تنسجن وانت مسافر ماتدري عن شي .
الحل ..
اول قبل يسافر الواحد بعثه يسوى وكاله لاحد اقاربه عشان يسوي له اعادة جدوله من البنك
بعد شهر من البعثه بنزل راتبك ناقص تاخذ تعريف بالراتب وصورة من قرار البعثه ويقدم على البنك اعادة جدوله على الراتب الجديد طبعا اغلبيه البنوك تستعبط ترفض او تعقد الشخص كل ماعليه يقدم طلب وياخذ رقمه اذا جاء رفض يدخل الكترونيا على مؤسسة النقد ويقدم شكوى ويسجل رقم الشكوى لدى البنك مهمه جدا . وخلال اقل من شهر البنك يسوي اعادة جدول واهم شي الواحد ينتبه ان البنك ياخذ 33% من الراتب الصافي الى ينزل بالصراف وان البنك ما اضاف فائده او عموله او رسوم اداره اذا اضاف اى شي او سوا اعادة جدوله اكثر من 33% على طول سوي اعتراض على الجدوله عبر الموقع الكتروني بيجيك خيار تصعيد وتكتب السبب مثلا ان الجدوله كانت 33% من الراتب قبل خصم التقاعد وهذه البنوك تتلاعب فيها كثير عشان تقلل مدة السداد .
لان الراتب 3000 الصافي ولكن الراتب قبل خصم التقاعد يكون 3900 مثلا البنك مجبر ياخذ بالصافي .
هذه اهم نقطة حبيت اوضحها لكم
وشكرا لكم
 
#10
-هذي فلوس ناس، وانت اذا مو قد الشي لا تسويه ولا تقرب منه والبنك مو بنك التسليف عشان ينظر لشعب همه نفسه وربحه فقط
- واضح ان الموظف كان يسلك المفروض تاخذ اوراق رسمية من الموظف لان النظام ماشاء الله في السعودية يتغير في ثانية
 
عرض العطلة
#13
حاولنا بكل الطرق نعرف قبل السفر، الكل قال ماعليك شي. بس لما وصلنا السعوديه موظف الجوازات فاجأنا.
في اي بنك قرضك؟ اعرف كثير نفس الوضع دخلوا ورجعوا بدون اي مشكله! الا بنك معين فقط اهو الي بدا يرفع القضايا للمحكمة
 
#15
لو دخلتي على أبشر، في شي يبين انك ممنوعة من السفر؟ ولا كل شي طبيعي؟
وهل المحكمة عطتكم استدعتكم قبل لا تعرفوا انكم ممنوعين؟
شكراً
 
عرض العطلة
#16
عفواً اخوي انا كنت مرافق بدون راتب ولا علمت البنك ولاشي وبالنسبه للتمويل كان بالسالب وبعد مباشرة عملي رفعت شكوى لموسسه النقد وتمت الجدوله وباقل من الجدوله السابقه
 
#17
انا اعرف واحد عنده اقساط متأخرة و حسابه بالسالب
و قدر يسافر إلى امريكا بدون مشاكل

و عندي صاحبي مدير بنك لأحد فروع البنك العربي و سألته و قال

ما في عندنا تعليمات من هذا النوع لا من إدارتنا و لا من مؤسسة النقد

يبدوا انه عندك مشكله خاصة في قرضك لأن أنتي أول شخص سمعته يقول انه انمنع من السفر بسبب قرض
 
#18
السلام عليكم ورحمة الله وبركاته وكل عام وأنتم بخير
تعقيبا على كلامكم ياشباب
أنا عندي قرض ونفس ماذكرت الأخت البنك حاليا يتصل علي ووصلت آلى حد التهديد لأكن أنا صح متاخر في السداد لأكني اسددهم كل فترة وفترة مثل شهر أقوم بالتسديد وشهرين اسحب علما انني رجعت للسعودية قبل خمس شهور وانا الحين ببلد الابتعاث وعند خروجي من المطار ماحد سألني وقالي عندك إيقاف خدمات لأَنِّي أتوقع طالما ان المقترض يقوم بالتسديد كل فترة أتوقع البنك لايستطيع إيقاف الخدمات او حتى يرفعها للمحكمة علما انني متاخر قرابة ٦ آلى ٧ اقساط تقريبا والقسط وصل الى ٤٠٠٠ ريال تقريبا ... هذا مااحببت اعقبه وأذكره
والله يكفينا شر ها المحاكم ويعييننا على سداد ديوننا .
 
#20
مرافقي صارت معه نفس المشكلة والبنك اتصل علئ الأهل وهددهم كثير وقالوا اذا ماسدد ممكن توصل للسجن طلبوا يدفع لو مبلغ بسيط عشان يتيسر الموضوع شوي بس جينا السعوديه و رجعنا أمريكا وماصار له شي الحمدالله بس حاليا رجع داوم صار له ٦ شهور و يسحبون الراتب كامل ورفع شكوئ لمؤسسه النقد وللحين ع حاله الوضع
 
عرض العطلة
عرض العطلة
عرض العطلة
أعلى أسفل
عودة
قائمة