S
Schatze Hamid
:: مسافر ::
#احكي # عن #سفرك #مع #ترافل #لوفرز
في هولندا زرت انا وزوجي مصنع جبنه ونحن طالعين تكينا على محل السوفونيرز عشان نشروا تذكارات لرحلتنا وأكثر حاجه عجبتني قطاعة جبنه وسكين وملعقه مصنوعات من البورسلين اللي مشهوره بيه هولندا...بعد طلعنا من المصنع وبنركبوا المركب عشان نعبروا البحيره كان فيه طابور طويل قدام المركب صبينا فيه نستنوا في دورنا وعشان نمشي الوقت طلعت تذكاراتي نتفرج عليهن و زوجي قعد يبحت في ستيكرات السعر ويحسب فيها في عقله..في نفس اللحضه اللي هو اكتشف فيها خطأ في الحساب انا طاحت مني قطاعة الجبنه وانكسرت...نلقنها وجعتني وعيوني دمعن وهو قالي تأخذ سوك بس في نفس الوقت لقى روحه دافع 50 يورو زياده في حاجات انكسرت منهن وحده ما يصير شي...المهم شاف الطابور لقاه مازال دورنا شويه قاللي نمشي المصنع نراجعهم في الحسبة. ..قلتله مرات المركب يمشي قبل ما توصل انت قاللي أن شاءالله نلحق...سكر راسه انه يمشي وعدى يجري...طبعا الناس اللي معانا كلهم شافوا كيف طاحت القطاعه وانكسرت و شافوا كيف انا زعلت وهو يواسي فيا وبعدها خذا الكيس مني و عدى يجري يحسابوه كلهم ماشي بيشريلي وحده جديده...طبعا تأثروا كلهم وقريب يبكوا وقعدوا يتعمدوا انهم ما يخلوش الطابور يتحرك بسرعه عشان ما يمشيش المركب قبل ما يوصل زوجي وخلاص قريب يجي دوري شفناه جاي يجري من بعيد زي البطل قعدوا الجماعه يصفقوا ويعيطوا ويشجعوا فيه لعند وصل وطبعا هو مستغرب من الاستقبال الجماهيري مش فاهم ليش هما يصفقوا وفرحانين يحساب معجبين بيه عشان سريع وانا طبعا عارفه انه لا شرالي وحده جديده لا شي لكن عشان ما يقولوش العرب مش رومانسيين درت روحي فرحانه ونقوله...
Thank you honey I love you
في هولندا زرت انا وزوجي مصنع جبنه ونحن طالعين تكينا على محل السوفونيرز عشان نشروا تذكارات لرحلتنا وأكثر حاجه عجبتني قطاعة جبنه وسكين وملعقه مصنوعات من البورسلين اللي مشهوره بيه هولندا...بعد طلعنا من المصنع وبنركبوا المركب عشان نعبروا البحيره كان فيه طابور طويل قدام المركب صبينا فيه نستنوا في دورنا وعشان نمشي الوقت طلعت تذكاراتي نتفرج عليهن و زوجي قعد يبحت في ستيكرات السعر ويحسب فيها في عقله..في نفس اللحضه اللي هو اكتشف فيها خطأ في الحساب انا طاحت مني قطاعة الجبنه وانكسرت...نلقنها وجعتني وعيوني دمعن وهو قالي تأخذ سوك بس في نفس الوقت لقى روحه دافع 50 يورو زياده في حاجات انكسرت منهن وحده ما يصير شي...المهم شاف الطابور لقاه مازال دورنا شويه قاللي نمشي المصنع نراجعهم في الحسبة. ..قلتله مرات المركب يمشي قبل ما توصل انت قاللي أن شاءالله نلحق...سكر راسه انه يمشي وعدى يجري...طبعا الناس اللي معانا كلهم شافوا كيف طاحت القطاعه وانكسرت و شافوا كيف انا زعلت وهو يواسي فيا وبعدها خذا الكيس مني و عدى يجري يحسابوه كلهم ماشي بيشريلي وحده جديده...طبعا تأثروا كلهم وقريب يبكوا وقعدوا يتعمدوا انهم ما يخلوش الطابور يتحرك بسرعه عشان ما يمشيش المركب قبل ما يوصل زوجي وخلاص قريب يجي دوري شفناه جاي يجري من بعيد زي البطل قعدوا الجماعه يصفقوا ويعيطوا ويشجعوا فيه لعند وصل وطبعا هو مستغرب من الاستقبال الجماهيري مش فاهم ليش هما يصفقوا وفرحانين يحساب معجبين بيه عشان سريع وانا طبعا عارفه انه لا شرالي وحده جديده لا شي لكن عشان ما يقولوش العرب مش رومانسيين درت روحي فرحانه ونقوله...
Thank you honey I love you