القصه الثانيه #تاكسي_ترافل_لوفرز التاكسي...

[Ali Fakree Eldin ElSallabi]

القصه الثانيه
#تاكسي_ترافل_لوفرز

التاكسي الي يستحق جائزة الاوسكار في الابداع
القاهره 2014

المهم وقفت تاكسي نبيه ايشيلني من قدام حوشنا في شارع عباس العقاد الي سيتي الستارز مشوار ( ياخذ عليه 6 او 7 جنيه مصري )
المهم في الطريق قعدت نحكيله علي استغلال اصحاب التكاسي
وانهم في مصر يستغلو في الاجانب وايخربو في السياحه وهكي
طبعا هوا قاللي ( صوابع ايدك مش زي بعض يا باشا ) وقعد ايشغل في اللسان المصري معايا
وقاللي خوذ رقمي وتبي اتعدي لاي مكان كلمني
خزنت الرقم وقلت في عقلي ( مستحيل حنكلمه )
وانا في هذكي اليوم كنت نبي نقعد في سيتي ستارز ربع ساعه وطالع بعدها ماشي لمول واحد اخر اسمه كايرو فيستيفال

المهم
قلت لصاحب التاكسي اني بنعدي لكايرو فيستيفال بعد منطلع من سيتي ستارز
قاللي كلمني وانا لو قريب حنجيك
قتله تم

وصلنا لسيتي ستارز
وعطيته 10 جنيه عشان مكانش عندي صرف
علي اساس ايردلي 3 جنيه
قااللي
معندش صرف حتا هوا
فردلي خمسه جنيه
وقاللي خليها علينا
يعني حوول جنيهين من حسابه
( وهذي في مصر مستحيل اتصير خصوصا في القاهره )
استغربت انا بكل وحسيت ان الراجل جديات امين ونظيف من جوه
قعدت في سيتي ستارز نص ساعه وكلمته وانا طالع بش ايشيلنني لكايرو فيستيفال
لقيته مدرس برا ايراجي فيا
وفي الطريق لكايرو فيستيفال
قعد يبرم وايلف ويبرم وايلف نين وصل حساب المشوار الي 70 جنيه
عطيتهن له
وخشيت لاصحابي جوا
قالولي ان حساب التاكسي في المشوار هذا ميزيدش عن 30 او 40 جنيه كان طارت بكل
وانا انبحت فيهم بالستغراب
وعرفت وقتها ان صاحب التاكسي اللئيم سامحني في الجنيهين
عشان نثق فيه
وبعدها يضحك عليا في 30 جنيه

 

[Mohamed Elselini]

ههههههههه عنده بعد نظر

 

[العصفوره المهاجره]

تنذكر وماتنعاد انت حتاخد جائزة نوبل في قصصك مع التكاسي

 

[Yousra Ali]

فكرتني براضي ومصري " أحمد حلمى فعسل أسود " نفس عمايله السود مخزي الوجه هذاكا

 

[Suss Abidi]

وانت ماندمتش من المره اللي فاتت يعني

 

[Hafo AłShohomi]

عليك ضحكه كبيره بكل

 

[Fatma Tajouri]

Hannonita Tj
ماتخلي

 

[Sondos Ellabbar]

مره صارتلي دفعني ٨٠ جنيه قعد يبرم بيا ديما يديروا فيها مبردهم
وانا اصلا ناخذ فيه ب ٣٥ كان كثر

 

[Bello Gargoum]

ههههههههههههههههههههههه طروحهم كلا هما بع

 

[Monia Elshokri]

ممكن ايكون ضيع الطريق واجدين اصحاب تاكسيات وايودرو ف الطرق

 

[Aya Fallag]

ههههههههههههه جو كله هما انا مره بختي ركبت مع واحد محشش وهذك الراجل تصفيق وهذك السياره تمروج يمين يسار ويرقص فيها لعند ما وصلنا وفي الحساب نبي منه الباقي عده ردلي فلوسي كلهن

 

[Hannonita Tj]

ههههههههههههههههههه حاجه مش غريبه في مصر .. يلعبو دور الطيبه و ماتخلي يا باشا و بعدها يطلعو برقم

 

[Mimo Alghryani]

اول امس من لكايرو فيستيفل لعند المهندسين 115جنيه في المرواحه قالها ليا قريب انجلطت

 

[Fadiaa Hsuonaf]

اما هم عليك البلاعطه