القصه الثالثه والاخيره #تاكسي_ترافل_لوفرز...

[Ali Fakree Eldin ElSallabi]

القصه الثالثه والاخيره

#تاكسي_ترافل_لوفرز

طبعا القصتين الي فاتن ممكن انبان فيهن مضحوك عليا
بس هذي القصه الوحيده الي فزت فيها علي سواق تاكسي في مصر

المهم
وقفت تاكسي نبي نفس المشوار اللي في القصه الي فاتت
شارع عباس العقاد الي سيتي ستارز

ركبت مع التاكسي وقتله ولع العداد ققاللي خارب
قتله كم تاخذ قاللي 10
قتله 7
قالي 10
قتله 7
لعند موصلنا قدام سيتي ستارز ونحنا انتعاندو
هوا وجهه نظره ان 3 جنيه مش حيفرقن معايا
وانا وجهه نظري ان ميضحكش عليا
المهم عطيته 7 جنيه قالي لا نبي عشره
ولا انرد بيك من وين مخذيتك
قتله رد بيا #تسكير_راس

وفي طريق العوده قعدت نستفز فيه
قتله توا انتا درت مشوارين ب 14 جنيه ومش حتاخذ منهن ولا قرش
وقتله انتا قاعد اتدهور فيا توا وانا فايز عليك وانتا خاسر ومفش حتا قرش حتاخذه مني

المهم قعد ايعيط شويه وبعدها عرف انه خاسر في النقاش وفي الفلوس
فرد اخري قدام سيتي ستارز وخذا 7 جنيه
وهوا دار مشوار ب 16 او 17 جنيه

وانا اعلنت اول انتصار ليا علي سواقين التاكسي المصريين

 

[Maya Twinkle]

قوية

 

[Hafo AłShohomi]

لا انا مره نزلني ف نص الطريق بس ماخذاش مني ولا قرش

 

[Khadija El Jihane]

المشوار هظا ابرد مشوار ، مستحيل تحصل تاكسي يشيلك من اول مرة وبسعر الطبيعي

 

[Sarah Elkargli]

مبروك

 

[Hanan Youssif]

صحه لك
والله مانقدرهم المصريين

 

[Sherihan Mukhtar Ben]

فزت رسمي

 

[Nada Saad]

Karmen Mirenshy

 

[Mohammed Moussa]

Are you talking to me....

 

[Esraa Adel]

احسن حاجة درتها.. ننقانك مسحتلي كبدي!

 

[Hanadi Alhadad]

ههههههههههههههههههههه عليك مستفز إنت بكل

 

[Aya Fallag]

استاااااااز

 

[Heba Kord]

هههههههه ومن يغلب الليبين في العناد وتسكير الراس والاستفزاز

 

[Yousra Ali]

الله اكبر ي ربي لحمدلله

 

[Majdoleen Al Muʇʇardi]

من يغلبك انت

 

[Dede Alghryani]

كان نزلت وعطيته7 ومشيت را وفرت الوقت

 

[Sondos Ellabbar]

اول مره واحد ليبي يفوز ع المصريه
ديما يضحكوا علينا وعين تضحك وعين تبكي

 

[Nada MK]

هههههههههههههههه حتى هو غبي ..

 

[Orayda S. Gaderbouh]

ههههههههه

 

[Bello Gargoum]

اول مره تهيالي امر عليا صاحب تكسي انضحك عليه