فيه مرة فكرتو اديرو هكي؟ توفرو عشان تسافرو...

[Jaida Elkurghali]

فيه مرة فكرتو اديرو هكي؟
توفرو عشان تسافرو لمكان
انا درتها و كان زي التحدي بيني و بين بابا
الي دايرها يقوللنا وين سافر و احتاج مساعدات ولالا
والي مش دايرها يتابع بصمت و يفكر ايديرها

 

[Ahmed Shaban]

ياريت تشرحينا اكتر على هالفكرة

 

[Anssam F. El-Gibani]

حاليا بديت فيها، بعد ماتخرجت لان فلوسي مايقعدوش ايام القرايه
المهم نسافر وخلاص

 

[HadOola Hn]

درتها و لتوا المبلغ زي ماهوا كل مانشبحله نتحسر بسبب الأشاوس اللي دمروا المطار كانت السفرة قبل لا يطيح الشنقن متاعي بجو اسبوعين على أساس مقررة و يديرولي سربرايز عاد و يحرقوا المطار

 

[Swiss Ice]

درتها ولعند الآن قاعدة مستمرة فيها لأجل غير مسمى ✌

 

[Abeer Ruhaet]

للاسف نعرفش نحتفظ بالفلوس بكل ، فكرت ندير شقاقة حطيت فيها مرتين ولا ثلاثة بعدين فتتها

 

[Eve Mohammed]

توا كم تبي اتلمي و سعر الدولار هكي .. تستحقي جبااااال من الشقاقات( الحصاله) عشان اطلعي مبلغ محترم لسفره محترمه

 

[Mi Ra]

عجبتني الفكره
ان شاءالله ربي يقدرني ونديرها
المشكله اني مش اصحاب انا والتوفير

 

[أنس مالك]

اني دكتور.... اشتغلت سائق بعمال مصريين وكانت في نيتي السفر الي تركيا... فالحمد لله اول سفرة لتركيا كانت من حر مالي... مساعدة بسيطة كانت من العائلة

 

[Hatem Ben Mussa]

Nope

 

[Ala Madi]

فكره سمحه لكن فالوقت الحاضر لا توجد امكانيه
يعني اساساً هنا قاعدات ايدسو فيهن المصرف لعند ما ايفرج ربي واتوفر سيوله

 

[Maha Fathi]

وسافرتي بعدها والا مازال؟
احكيلنا عن تجربتك