السلام عليكم ✋ سؤال ! كيف تتعاملو مع الناس بعد...

[Alaa Saad]

السلام عليكم
سؤال !
كيف تتعاملو مع الناس بعد تسافرو !
يعني لو ركبتو تاكسي او مشيتو مطعم او حابين تستفسرو على مكان بفرض ان الشعب هذا يحكي لغه مختلفه عن لغتنا "لغه مش لهجه"
هل تعتمدو على القوقل "translate "؟
او لغة الاشاره ؟
او اخترعتو افكار جديده ؟

 

[Orayda S. Gaderbouh]

بكل بساطة احكي انجليزي لأن أغلبية البلدان يحكو و كان ما هذا عليك و على قوقل تراتزليت هههههههه

 

[Mariam El Shatshat]

اعتقد كل الي يسافر عنده فكره ع لغة البلاد الي ماشيلها !!
وكان حاست وباست بالإيشارة ولا قوقل

 

[Anssam F. El-Gibani]

هما الاغلبيه الدول عندهم اشوي انجليزي، لكن جربت في تركيا يبوش الا تركي الحمدلله قريبنا اللي كان معنا عنده لغه تركيه

 

[Alaa A Taher]

ههههههههه مرات نحكي انجليزي عادي بس بعد مشيت لتركيا يقولي توركش بمعنى احكي توركش فـ نضطر نستعمل المترجم ومرات نوصفله بيدي ويمشي الجو

 

[Asia Mohameed]

نفس القصة في تركيا لما مشيت ميبوش يتكلموا انجليزي نكتب بالعربي يترجمها تركي ونعطيهم يقرو

 

[HadOola Hn]

بالاشارة و نعاود كلامي و نبدا نعلي في صوتي على اساس مايسمعوش فيا نعاملهم كإنهم طرش
اغلب الشي مانديرش في شفرة و نقعد من غير نت لذلك نستعمل في التراديشنل وييز و نبدا نحاول نفهم و نشرح و نستمتع بالشئ هذا

 

[Enas Futaisi]

عالانجليزي و بالنسبة لتركيا الغالبية يحكوا عربي و مايعرفوش انجليزي بكللل