اسوء شعور في العالم لما الرحله بتاعك تلتغي ولا...

[Ali Fakree Eldin ElSallabi]

اسوء شعور في العالم لما الرحله بتاعك تلتغي ولا اتاجل
مره كنت ماشي لمصر في ال 2004 كنت صغير وكان خاطري فيها بكل
المهم ان الرحله مفروض الساعه 10 في الليل
تاجلت لعند ال9 في الصبح فانقهرت بكل لدرجه اني رقدت بدبشي كله وبالكويش (سبيدرو/حذاء ) بتاعي بكل لعند مجت الساعه 9 نضت غسلت وجهي وخذيت شنطتي وعديت للمطار

 

[Esraa Adel]

اتأجل مفيش مشكلة.. بس تلتغى ننقانه شعور سخيف بكل

 

[Swiss Ice]

أهم شيء أنها تتأجل بس أنها تلتغي كااارسة

 

[Iman Hassan]

مرة كنا ماشين لمصر في 2012 وكنا ع اساس بنحضرو حفلة شم النسيم بمحمد منير وجنات و محمد حماقي ما حصلناش حجز طيارة الا في نفس يوم الحفلة والحفلة كانت الساعة 5 عشية وطيارتنا توصل 2 الظهر .. مشينا المطار وكان في عجاج مش عادي تاجلت الرحلات وحصلنا في المطار لعند الساعة 12 في الليل وصلنا القاهرة الساعة 2 الفجر راحت علينا الحفلة

 

[Yousef Zaied]

احقر شعور تاخذ كرت صعود و تركب الطيارة و تلبس الحزام و ترجي الطيارة امت اتحرك
و يزرق علي المظيق يقولك نأسف الرحلة التغيت

 

[Orayda S. Gaderbouh]

توا عادي جدا التأخير واخذين عليه ههههههههه، بس احلي شي لما تجي تبي تمشي ليبيا و يقولك عاصفة ثلج المطارات لغو الرحلات

 

[Asia Mohameed]

بالنسبة ليا صارتلي اول مرة السنة هادي قبل كله تأخير بس السنة هادي كانت رحلتي لمصر اول يوم رمضان الساعة 9 وكانو معانا صغار خوي نضنا من السبعة وتينا روحنا وسبقنا بابا وخوي للمطار وحنا بنلحقوهم مع الساعة 8 قاللنا بابا الرحلة تاخير متجوش لين نكلمك بعد ساعتين علنوا الرحلة تاجلت المشكلة الصغار ظول اليوم ينقرزوا نبو نمشو والحوش كله فاضي مفيش شن نطيبوا للفطور

 

[Koka Liass]

بالنسبه ليا كان احلا شعور لما التغيت رحلتنا ونحنا مروحين من سعوديه لليبيا واضظرو يسكنونا فى هوتيلات فى مطار 3 ايام ع حساب الطيران الليبى اكلين شربين مدهورين ومتريحين احلا شى كان التسوق فى المطار

 

[Asma M Altrhoni]

كله كوم و كان فاتت عليك طيارة الترنزيت كوم اخر

 

[Sara Elbeera]

من اسبوع جايه من طرابلس لبنغازي نزلت للمطار وقلت لهلي عدو تو ناخذ كرت سعود ودغري ح نخش جوا
مهم هم عدو من هن
بخت ينقزلي و طياره تتأخرلي 6 ساعات مطمبره بروحي كيف القزونه ف المطار و الحمدلله الي ما التغت

 

[Jaida Elkurghali]

مرة كنا ماشيين لدبي كانت اول مرة وكنت فرحانه بكل و صغيرة
الرحلة التغت
قعدت نبكي في المطار و مانبيش نروح ونقول لبابا عليش حرام عليك ادير هكي وهو يقنع فيا ان مش منا و ان مادخلش وانا مسكرة راسي ان بابا هو الي لغاها و لميت عليهم الناس

 

[Hanin Benhalim]

الحمدلله عمرها ماصارتلي حتى الان

 

[Alaa Harhour]

انا مرا كنت في الأردن مروحه ليبيا درنا جميع الإجراءات و نراجو في الطياره شوي تأخرت 12 ساعه ... و قعدت ال12 ساعه على كرسي

 

[Lina Benhalim]

مع مطار الابرق التأجيل و الالغاء حاجه عادية جداً و خذينا عليها