م
معتز المغربي
:: مسافر ::
#للتوضيح انا نحكيلكم قصة التموين للخطوط الافريقية من مطار الابرق ونعانو حتا نحنا المضيفين من المشكلة هذي من سنتين ونص نعطو للركب في الوجبه ومتزلطين ونتحشموو ومرات تكمل كيكة عبير وعصير.
بس المشكله مجموعه شباب من مطار الابرق قالو ممنوع اي سياره نقل تموين تخش للمطار الا المتحدة للتموين وهيا شركة للشخصيه كبيرا في بيضاء. اول ما جينا للابرق الاداره تبي ادير عقد معا مطعم برونتو اللي في طريق السريعه في البيضاء بحكم انه عندهم استعداد تام لتجيهز الوجبات بس مجموعه من المطار قالو تخش اي سيارة تموين غير المتحدة نحرقوها تبو الرحلات يمشو جيبولنا البوكسات وكيس اللي فيه موس والكشيك والسكر (كتلري) ونحنا نجهزو ومشكله يمشو للدكان يشرو كيكة وزبده ومربي وعصير وخبزه ويحطوهن في البوكس وبعدها يرتبوهن في الترولي وتجينا في طياره ونحنا والله نتاسفو علي مثل هذي الخدمات في وضع زي هذا وياريتها جت حتا عالتموين الفتره اللي فاتت ضربو كابتن ومره مساعد طيار كسروله صبعه ومره ضربو مضيف ،،
وللعلم رحلة الذهاب الي معيتقه او اسطنبول او عمان او اسكنداريه وتونس نفس الوجبه هدي طرف خبزه وزبده ومربي وكيكة عبير نعطو فيها للركاب ونحنا نكملو فيها انتاسفو للركاب
اما في العوده. من مصر اسطنبول عمان نوزعو في وجبات ساخنة لانه نستلمو فيهن في المطارات اللي برا وشركات تموين محترمه وراقيه
وبخصوص رحلة العودة من امعيتيقه للابرق نستلمو في التموين من امعيتيقه كيف اللي في صوره نزلتها الاخت في تعليق اللي فيها سنيكرس ونحنا متأسفين علي مثل هذي الخدمات ان شاء يفتح بنينا ونديرو شركة تموين تابعة للخطوط الافريقيه يليق بركاب محترامين كيفكم ورحلات في مواعدها بأذن الله تحياتي
بس المشكله مجموعه شباب من مطار الابرق قالو ممنوع اي سياره نقل تموين تخش للمطار الا المتحدة للتموين وهيا شركة للشخصيه كبيرا في بيضاء. اول ما جينا للابرق الاداره تبي ادير عقد معا مطعم برونتو اللي في طريق السريعه في البيضاء بحكم انه عندهم استعداد تام لتجيهز الوجبات بس مجموعه من المطار قالو تخش اي سيارة تموين غير المتحدة نحرقوها تبو الرحلات يمشو جيبولنا البوكسات وكيس اللي فيه موس والكشيك والسكر (كتلري) ونحنا نجهزو ومشكله يمشو للدكان يشرو كيكة وزبده ومربي وعصير وخبزه ويحطوهن في البوكس وبعدها يرتبوهن في الترولي وتجينا في طياره ونحنا والله نتاسفو علي مثل هذي الخدمات في وضع زي هذا وياريتها جت حتا عالتموين الفتره اللي فاتت ضربو كابتن ومره مساعد طيار كسروله صبعه ومره ضربو مضيف ،،
وللعلم رحلة الذهاب الي معيتقه او اسطنبول او عمان او اسكنداريه وتونس نفس الوجبه هدي طرف خبزه وزبده ومربي وكيكة عبير نعطو فيها للركاب ونحنا نكملو فيها انتاسفو للركاب
اما في العوده. من مصر اسطنبول عمان نوزعو في وجبات ساخنة لانه نستلمو فيهن في المطارات اللي برا وشركات تموين محترمه وراقيه
وبخصوص رحلة العودة من امعيتيقه للابرق نستلمو في التموين من امعيتيقه كيف اللي في صوره نزلتها الاخت في تعليق اللي فيها سنيكرس ونحنا متأسفين علي مثل هذي الخدمات ان شاء يفتح بنينا ونديرو شركة تموين تابعة للخطوط الافريقيه يليق بركاب محترامين كيفكم ورحلات في مواعدها بأذن الله تحياتي
