J
Jeje Jeje
:: مسافر ::
بعد اذن الادمن، عندي اقتراح وان شاءالله يعجبكم طبعا مع ارتفاع سعر الدولار والسفر قعد مجرد حلم عندي فكره ليش ما ندلو بعضنا عالاماكن الي عنده في ليبيا وللاسف مش واخذات حقهن من الاهتمام وطبعا معروف ان ليبيا بلد فيها مدن ساحليه واثرية تنفع انها تكون مدن سياحيه مثل شحات وسوسه ودرنه وراس الهلال وصبراته ولبدة وغدامس كلهن مدن اثريه قديمه بكل لكن للاسف مافيش اهتمام بيهن لكن طبعا مع ارتفاع سعر الدولار والواحد فينا لازم يزرد فالصيف للبحر ويغير جوه نحن ديمه وجهتنا لشحات صراحه مدينه خياااال بككككل وطبيعتها الله اكبر عليها ربي يحفظها ويحفظ ناسها الطيبين فالاقتراح هو كل حد يقولنا علي احلي مكان شافه في ليبيا في هشاق زي هذا #سافر_إلي_شحات_ليبيا كل حد يحط اسم المدينه للي عاجبته وخلونا نفيدو بعضنا ونشجعوا السياحه المحليه شويه،،طبعا الصور من النت مش مني
