#موضوع_للنقاش موقفين مختلفين من رحلتي لفرنسا...

  • بادئ الموضوع بادئ الموضوع Ali Fakree Eldin ElSallabi
  • تاريخ البدء تاريخ البدء
عرض العطلة
A

Ali Fakree Eldin ElSallabi

:: مسافر ::
#1
#موضوع_للنقاش
موقفين مختلفين من رحلتي لفرنسا 2014 ممكن يعطن صوره علي أختلاف مواقف العرب اتجاه العرب في الغربه

الموقف الأول :

اول ما وصلت لمطار شارل دي غول كنت مش حافظ باريس كويس ( زي حفظي لها توا )
وانا في الغالب نحفظ طريق الباصات والاندرجراوند عشان نوصل للمكان الي نبيه بأقل تكلفه ممكنه
ولكن الساعه كانت قريب ال1 في الليل وأضريت اني ناخذ تاكسي عشان ايوصلني للفندق الي كان يبعد 5 دقائق عن برج ايفل العظيم
عموما ركبت مع التاكسي وكان السواق جزائري وعرف اني عربي
حكيت معاه انجليزي وعطيته الورقه الي فيها عنوان الفندق
وصلني لعند الفندق وسالته كم الحساب قاللي 110 يورو بالرغم ان المسافه بين المطار والبرج اقل من 35 دقيقه
ولما عطيته 150 يورو عشان ايردلي 40
قاللي بكل براده ووقاحه ( do you need the the rest )
يسحابني هبل ومنعرفش في العمله
رديت عليه وقتله طبعا نبيهن
ونزلت وانا حاسس انه مضحوك عليا ......

الموقف الثاني :

كنت داخل منطقه جنب محطه الاتوبيس في باريس ودخلت بالغلط منطقه خاصه بالعصابات والمجرمين وكانت معايا شنطه ملابسي + شنطه كتفي
وحاول بعض منهم استفزازي ووانهم ايخلوني انتعارك معاهم
وكان في جروب شباب جزائريين
صبو معايا وتعاركو مع جروب الشباب الي حاولو الحاق الضرر بيا وغالبا سرقتي
,وواحد منهم حصل جرح كبير في يده وبالرغم من هكي مسيبونيش لعند موصلوني لمحطه الاتوبوبيس ونبهو عليا وقالولي اني نحفظ الشوارع الكويس عشان باريس فيها مناطق واجد خاصة بالنوعيه هذي من العصابات وممكن المره الجايه منلقش من ايساعدني ........

انحب نعرف تعليقاتكم علي الموقفين وهل من وجهه نظرك انك اذا صارلك اي موقف خارج بلادك وخارج الوطن العربي
هل ممكن تلقا العربي ايصبي معاك
ولا ممكن ايبيعك وايفوتك ؟
14222330_1156633351059853_3285351335331258907_n.jpg
 
#3
الصالح والطالح في كل مكان بس عندي مواقف مع عرب وليبيين في اكثر من دوله ماشاء الله عليهم ومره طحت في صاحب تاكسي جزائري في باريس ماشاء الله عليه .... والدنيا حظوظ
 
#5
حتى انا من قبل في الاردن صارلي موقف مع التاكسي ونزلت وانا حاسة روحي مضحوك عليا لكن يلا بينه وبين ربي
انا برأيي موقف الشباب حلو بكل وعجبني
وانا انحس اييه ممكن تلقا هلبا ناس في الغربة كوييسة وخصوصا في البلاد الاجنبية
 
عرض العطلة
#8
زمان صار موقف في تونس والمؤسف دوله عربيه المهم فالمطار بناخذو من كافي ونطلبو شوي حكا انجليزي جا قرصون تما يتهزي يقول الليبيين مايعرفوش يحكو انجليزي شوي رد عليه التونسي اللي ياخذ فالاوردر قاله اسكت وعدي وجعتني لاكن قلناله جايينكم بفلوسنا مش نشحتو منكم
 
#9
انا السنة اللى فاتت مشيت عشان نولد غادى اللى نساله على مستشفى كلهم طلعوا مايعرفوش وهم كلهم عايشين غادي وليبين
 
#10
ي خساره لما تلقا عربي يعامل عربي بهكي طريقه
واني يلي لاحظته ان بعض الليبيين لما يطلعو برا ويشوفو حد ليبي يبدو يتحاشو و يعاملوه معامله م تليق بيه كأن البلاد بلاده هوا ليش؟!! ؟
 
عرض العطلة
#11
مره هنا فاليونان فالمحل وحده شكلها يهوديه قعدت تحكي في كلام مش مفهوم حسيتها شعوذه انا قلبي طاح ومفنصه عيونها تخوف انا ساكته وداروحي منحقش فيها قالت كلمه مافهمتهش انا رقالي وكلمت الموظفات قلتلهم قالتلي كلمه كبيره شوي ضحكت وحده منهن قالت لالا قالت غبيه بس هههه انا متت ضحك المهم روحنا طيبين وسالمين للبيت
 
#12
انا صايرلي موقفين في موقف
مره كنت مسافرا لدوله غير عربيه وتلاقينا بالصدفه مع مرشد سياحي سوري الأصل اتفقنا يدير بينا برمه ويدهورنا وفي نفس الوقت جوه عائله كويتيه مدزوزين من حد زبون عنده ف مشو قالوله فوت الليبيين ونبوك نحن وحندفعولك سعر كأنك واخدهم معانا هوا رفض وسيبهم بكل وقعد معانا وكانت معاملته كأنه أهله نحن وطبعا اللي صار بينه وبين الكويتيين حكالنا عليه السواق
 
#13
في سفرتي لألمانيا كنت شايله معايا 3 شناطي سفر من الحجم الكبير وحاطه فيهن ليبيا كلها حتى ماما قريب حطيتها في الشنطه لاني بنقعد كم سنه في ألمانيا ومش هاين عليا نسيب شي...طبعا زوجي كان موصيني ما نكثرش دبش لكن عاد كنت مازلت عروس ومازال فرحان بيا و ما يبيش يزعلني سكت وخلاص. ..ركبنا من مطار بنينا والليبيين ربي يحفظهم عيال بلادي جدعان وصبايين شالولنا الشناطي وركبوهن الطياره حتى من غير ما يوزنوهن ولا يدفعونا ولا مليم...المشكله كانت بعد وصلنا لمطار كولن تشحور فيهن راجلي مسكين...إنا شايله الشنطه الخفيفه الصغيره امتاعه وهو يكركرلي في شناطيي. ..يكر اثنين مسافه وانا نقعد جنب الشنطه الثالثه وبعدها انا نمشي نحرس الاثنين اللي حطهن وهو يرد يكر الثالثه...تخيلتوا المنظر...هكي لعند وصلنا للمحطه. ..في المحطه مقمعز مسكين يبحت فيهن ويفكر كيف بيركبهن لعند جاء الباص وكان مليان..طبعا صبينا بنركبوا وبعدها راجلي تحشم مافيش مكان واجد و تركيبة الشناطي تأخذ وقت فرد بيقمعز. ..واحد من االي راكبين في الباص شكله ألماني طويل واشقر وعيونه خضر شافنا جاء مسك الباب وقال بالألماني (اركبوا) راجلي رد عليه أن المكان ضيق وما يبيش يعطل الناس..الراجل رد عربي مكسر قال ( لديك الهق) قصده من حقك تركب..ونزل بكل شهامه وساعد زوجي في تركيب الشناطي ونزل معانا في نفس المحطه اللي كنا بننزلوا فيها وبناخذوا منها تاكسي وساعد زوجي في تركيب الشناطي في التاكسي وعطاه عنوانه بيش كان احتاج شي يكلمه...الراجل طلع ألماني الأم والأب لكن بوه من اصل جزائري ومسلم وهو يحب ليبيا واجد وبنغازي بالذات وكان عنده حتى تجاره بين ليبيا وألمانيا...طبعا قعد هو و زوجي أصحاب وطلب منا ندوروله وحده ليبيه يتزوجها...هو كان يبي من بنغازي بس النصيب حصلناله وحده من طرابلس وتوا متزوجين وعندهم بنوته ربي يهنيهم...توا زوجي كل ما يجبد سيرة الشناطي ويقول كان بعقلي توا راه ما جبتهنش نقوله شناطي مباركات حصلت عن طريقهن صاحب وجمعن اثنين بالحلال بفضل الله
 
عرض العطلة
#17
الزين والشين في كل مكان لكن اللي لاحظته عالعرب فالغربة بشكل عام انهم يحاولوا يجنبوا بعضهم... بالنسبة للتكسي الأضمن لك أن تستعمل خدمة أوبر أو ليفت Uber ... Lyft... أرخص وتدفع عالنت وتحدد العنوان اللي ماشيله عالنت وتطلب السيارة اللي تبيها مالخيارات الموجودة قدامك وتعرف حتى كم يكلفك المشوار قبل تركب... يعني السواق ماتتعاملش معاه فالفلوس وماعندش كيف يضحك عليك... هو عبارة عن تطبيق تنزله علي تليفونك ويبقى عندك بطاقة مصرفية وهكي تحل مشكلة التكسيات
 
#19
والله انا اكتشفت اني انا محظوظة من قصصك الحمد الله وين مانمشي نطيح في الناس الكويسه سوا في دول عربيه او العرب الي في اوروبا الحمد الله
 
#20
الغالبيه كويسين فى التعامل الحق
والزين والشين فى كل مكان
هو مرات من دمك وما تقدر اترافقه ومرات غريب عليك وتلقاه نعم الرفيق
 
عرض العطلة
عرض العطلة
عرض العطلة
أعلى أسفل
عودة
قائمة