#موضوع_مهم_جدا #travel_gallery السلام عليكم...

[Ali Fakree Eldin ElSallabi]

#موضوع_مهم_جدا
#travel_gallery

السلام عليكم اخوتي واخواتي الأعضاء المحترمين ...
اليوم حبيت انشارككم بفكره بدت تتكون في راسي لها كم يوم وانحب انها اتشوف النور قريبا
طبعا اغلبكم متواجدين في سلسله لوفرز كلها
والي تشمل عده قروبات كلنا عارفينها
ودارو لعند توا 3 معارض كانن من اجمل وانجح المعارض الي شهدتها مدينه بنغازي
الفكره الي في راسي هيا انني وبمساعده باقي ادمنز السلسله
انديرو معرض خاص بالترافل لوفرز
يحتوي المعرض علي كل ما يخص بلدان العالم من معلومات وصور تساعد كل شخص من محبي السفر علي معرفه كل شي يخص الدوله الي ايحبها او الدوله الي ايحب ايسافرلها
وحيكون مكان المعرض غالبا في مسرح الطفل بمدينه بنغازي
وحيكون يوم واحد او يومين كأقصي حد خلال شهر 10 او نهايه 9 لو وفقنا الله وكملنا الشغل
الفكره حاليا مزالت مجرد فكره وانتو اول ناس نعرضها عليكم نظرا لان اغلبكم حيكون من المهتمين والحاضرين لهذا المعرض
السؤالين المهمين الي نبي اجابتهن منكم
إذا تم المعرض هل سيشهد اقبالا عاليا زي باقي معارض سلسله لوفرز art food books ؟
ومن وجه نظرك ما هو انسب وقت لاقامه هذا المعرض ؟

وياريت اي حد عنده اي افكار خاصه باقامه المعرض ياريت ياريت يا ريت ايدزهن ليا علي الخاص عشان انتاقشو فيهن
وشكرا جزيلا لشعب ترافل لوفرز العظيم

#شاركونا_ارائكم

 

[Sarah Queen]

عجبتني الفكره ولو كان المعرض ف وقت مناسب اكيد ح نحضر ✌✌✌

 

[Amera Al]

فكره سمحه بكل وياريت ا يكون اغلب المعلومات عن بلدان وجزر مش معروفات واجد لان نحنا كلنا نعرفو صور عن ايطاليا وباريس وتركيا مثلا كيف مدن افريقيا الخلابه يلي ميعرفوهنش ناس واجده
وان شااء الله نقدر نحضره❤

 

[Khawla Mohammed Ali]

فكره مش عاديه بجديات

 

[Neno Gótica]

Mohammad Mustafa فكره حلوه بس مش ف طرابلس

 

[Hajar Alferjani]

خلوهن صور من تصوير المسافرين

 

[Sun Rise]

فكره جميله

 

[MiDa Alaraiby]

فكرة حلوة ربي يوفقكم

 

[Abdalsalam Al Amami]

فكره رائعه وياريت ياريت اتخلوها عن الاماكن الغير معروفه ملينا من باريس ولندن انا بقدر المستطاع نبي ومن خلال القروب الرائع انلمو معلومات وصورعن اي بلد او جزيره ...وبعدها ياريت اي شخص امصور صوره ايشاركنا بيها.
موفقين....وانا متاكد ان ح ايكون ف اقبال عليها...

 

[SôôSôô SôôSôô]

يعني حيكون فيه كيف الارشادات العامه ع السفر وكيف الواحد يتصرف ومايتعرضش للاستغلال و طرق توفير وهكي ؟؟؟

 

[Mohammed EL-Gamaty]

باذن الله حنسقوا معاكم وفريق متكامل وانغطولكم على عدة مدن فى ليبيا

 

[Mohamed Elselini]

عجبتني الفكرة وللاسف مش حنكون في بنغازي الفترة هذي.. عندي اقتراح للمعرض, ااكيدة في كم عضو كانو مقيمين لفترة طويلة (فوق من السنة) في دول معينة, هضوما تقدر تسميهم مثلا "سفراء" للدول هذينا ويكونو حاضرين عشان يعطو معلومات ونصائح وأي حد يفكر يسافر للدول هذينا يقدر يهدرز معاهم وكأنهم يمثلو الدولة هذي.. موفقين

 

[Manona Ims]

فكرة حلوة موفقين وان شاء الله نكون حاضرة

 

[Elham Alferjani]

فكرة حلوة بكل

 

[Qassim Al-Aghory]

لو انهن صور من تصوير الاعضاء و تخلو مكان خاص بالسياحة في ليبيا و الباقي مخصص لباقي الدول يكون حلو

 

[Aya Aamer]

ضيفوا للمعرض موسيقى لكم دولة بس تكون هادية ، الواحد يتفرج على صور للصين وتصدفله شي موسيقى صينية فيها جو

 

[علي أجويلي]

فكره سمحه وانا من اول الحاضرين✌

 

[Feda Omar]

فكرة سمحة بكل

 

[Lujain Afn]

فكرة حلوة مش لازم تشملو دول العالم كلها ركزو علي الدول يلي من غير تاشيرة او تاشيرتها ساهلة وركزو علي الصور ولو تقدرو توفرو قطع تدكارية تعرضوها وتعرضو المعالم السياحية البارزة في البلدان هادي

 

[LI NA]

فكره حلوه بكل