S
Schatze Hamid
:: مسافر ::
فعلا..السفر يزيد حتى الحب وقوة العلاقه بين الزوجين لأن الزوج معش يقعد في الحاله هذي مجرد زوج...يقعد رفيق و best friend والعكس كذلك صحيح...بس طبعا الواحد من الاول يختار الرفيق اللي رفقته حلوه ودمه خفيف ومستعد للمغامره. .. أجمل حاجه لما الاثنين يمشوا مع بعضهم في مدينه غريبه ويريحوا فيها ما فيش معاهم إلا شنطة ظهر فيها دبشهم وخريطة وحجز فندق مش عارفينه بالضبط وين ويقعدوا يدوروا فيه وحاولوا يستعملوا وسائل مواصلات البلاد بيش يوصلوله وهما تعبانين وجيعانين بس مبسوطين ويضحكوا على كل حاجه...ولا لما يتعاركوا. ..ما فيش أحلى من عركات السفر...كلهن اسبابهن طفوليه وكلهن ينتهن بمجرد ما تمشي وتديري روحك زعلانه وتختفي عليه شويه وتشوفي من بعيد كيف قلقان وخايف عليك وانتي تراقبي وتضحكي وبعدها في الأخير تحني عليه وتجيه وتشوفيه كيف فرحان انه لقاك وفي نفس الوقت بيقتلك عشان رحتي منه...احلى حاجه لما تمشوا مسافات طويله في الجبال وفي الطبيعه وتهدرزوا وكل واحد يحكي لصاحبه على حياته كلها قبل ما يلقاه...ولا تخشوا متحف وتقعدوا تضحكوا عالفن وتتهزوا عاللوحات اللي حقها ملايين لعند تملوا وتطلعوا. ..الرحلات البحريه في الأنهار وكيف مرات تنتهي نهاية عجيبه تحشم وتقتل من الضحك في نفس الوقت...نتمنى لكل شبوب وبنوته انهم يجربوا متعة السفر مع ازواجهم حبايبهم. ..بس عندي لكم نصيحه عالسريع...ديما لما تحجزوا في فندق أذكروا في الحجز أنكم عرسان وجايين شهر عسل حتى لو لكم فترة متزوجين عشان أغلب الفنادق المحترمه يديروا في لقطات حلوه ومفاجآت للي جايين هني مون...نحن للأسف راحت علينا بعد جو الأولاد ربي يحفظهم