قداش ليا نبي انديره البوست هذا بس هذا وين فضيت...

[Soha Al Hashmi]

قداش ليا نبي انديره البوست هذا بس هذا وين فضيت
اليوم بنحكيلكم علي #بودابست الحب ما عمري شفت حد مداير عليها بوست مع أنها عاصمه جميله جداااااا اني مسافرة لأغلب العواصم الأوربية بس كيف بودابست بدون مبالغة ما شفت ... مدينه منظمة و هادية و رايقه و رخيصة في نفس الوقت ... الشعب محبوب و مافيش عنصرية هلبا مقارنة بهلبا عواصم أوربية ثانية على عكس ما تداولته الصحافه العربية وقت صارت مشاكل مع اللاجئين من سنه فاتت ...
و اهم شي مدينه تشجع الفن هلبا و هذا الشي اللي خلاني نعشقها الموسيقى في كل مكان ال Fashion show rooms كذلك و المعارض و الطابع الفني موجود في كل مكان في الشوارع و المقاهي حتى في بيوتهم و شققهم ...
يلا كم واحد زار بودابست قبل و كم واحد حاطها في باله ؟

 

[Soso Elbaba]

مش ماشيتلها بس سهفتيني عليها

 

[Nonna Mokasabi]

خليتيني نحطها في المخطط

 

[Aya EL Shrief]

It's on my list for this winter

 

[Raja Shwishin]

ما خطرتش في بالي من قبل.
مازال في القائمة هلبة تبي باش نوصللها و الوضع مش مساعد

 

[Areeg Hassan]

ان شالله انزورها ونخكيلك

 

[Orayda S. Gaderbouh]

اكيد في القائمة

 

[Yousef Hneísh]

زرتها في 2014 مازال طابع الشيوعية واضح فيها شوية .. كبار السن عندهم عالعنطزة لحد ما
لكن الأجيال الجديدة نزيكين ومتفهمين خذيت فيها جولة ليلية بال Big Bus وكانت مش عادية

 

[Ninar Naser]

حاطتها ف بالي

 

[Hmade Ben Khayal]

عاصمة شنو هيا !

 

[Aya Alnaily]

انتي خليتيني نحطها ف القائمه <3

 

[Aya Elhade]

شكلها من الصور حلوه هلبا هلبا